اللي تحب الكنافه تدخل.......
ياهلا والله باخواتي
بغيت اعطيكم وصفه هالكنافه الحلوه ( ترى مجربه ومسويتنها اكثر من مره)
المقادير
عجينه الكنافه
جبنه حلوه للكنافه ( بتحصلينها عند اللبنانين)
زبده مسيحه على النار
قشده
صبغه الكنافه الاصليه( لونها برتقالي)
فستق للتزيين
طريقه العمل
المقادير تحدديها انتي على حسب الكميه الي تبيها لكن من نصيحه اختج سوي كميه قليله
في بدايه تجربتك لها المهم
يبي عجينه الكنافه وفكيكها عن بعض وقطعيها قطع متوسطه بيدج مو صغيره وتوهقونا
وبعدين ضيفها لها الزبده السايحه وحاولي بيدج توزعين الزبده على عجينه الكنافه كامله
بس المهم ماتكون الزبده السايحه حاره وبعدين هاتي صحن التيفال اللي بتحطي فيه الكنافه
ويكون على حسب مزاجك مربع او دائري او مستطيل وبعدين هاتي الفراشه وضعي بقاع
صحن الفرن زبده وبعدين رشي عليه صبغه الكنافه وبالفرشاه وزعي الصبغه مع الزبده حتى يكون قاع صحن الفرن برتقالي ثم هاتي نص عجينه الكنافه وضعيها فوق الصبغه وضغطي عليها براحه يدك وبقوه حتى تبين سطح الكنافه متساوي ثم ضعي الخلطه للجبن والتي تتكون من ( الجبنه الحلوه مقطعه قطع متوسطه مع القشده بشرط ان تكون الجبنه اكثر بقليل عن القشده )
ثم ضعي الخلطه فوق النص الاول من العجينه بالتساوي ثم ضعي النص الثاني واضغطي عليها براحت يدك وبقوه حتى يتساوى السطح ثم ضعيها بالفرن للتحمر من الاسفل والاعلى
وعند نضجها غلفيها صحن الفرن بالمنيوم وضعي الفرن على حراره خفيفه جدا حتى تبقى العجينه ساخنه وقبل التقديم بثواني اخرجي الكنافه من الفرن وصبي عليها القطر وانثري عليها
الفستق للتزين وبالهنا والشفاء ياحلوووات
واتمنى انها تعجبكم يارب بس صدقوني اذا ضبطت معاكم كل يوم بتسوونها مثل حالاتي لكن انشاء الله ناوي هالمره ابدل الزبده بالزيت النباتي واشوف عشان صحه العيال وابو العيال وانشاء الله تضبط واذا ضبطت اقولكم
اختكم طيبة القلب
( وانا اللي كاتبه الموضوع بمنتدى حواء)
رد مع الاستدلال
الروابط المفضلة