السلام عليكم و رحمة الله
دا اول موضوع ليا فى المنتدى عموما و فى ركن الماكولات خصوصا
و اتمنى انه ينول اعجابكم يكون سهل التنفيذ
صينية البسكوت بالنسكافيه
المقادير
2 باكو كبير بسكوت شاى ساده
(يفضل يكون مربع أو مستطيل الشكل)
و بسكويت أولكر لو متاح يكون جميل
معلقه صغيره نسكافيه
2 باكو بودرة كريم كراميل
2 علبة قشطه نستله أو اى نوع
3 باكو دريم ويب أو اى نوع كريم شانتيه
2 معلقه كبيره لبن بودر
الطريقه
يخلط الكريم كراميل مع القشطه و الكريم شانتيه و لبن البودر
و فنجان صغير ماء
تخفق المكونات كلها مع بعضها فى الكيتشن ماشين أو بمضرب البيض
تتكون طبقة كريمه لونها اصفر وطعمها لذيذ
نحضر صينيه مستطليه من البايركس
ندهنها بطبقة بسيطه من الكريمه اللى حضرناها
نقوم باذابة معلقه صغيره من النسكافيه
فى كوب ماء من الصنبور
و نغمس البسكوت قطعه قطعه فيه
غمسه بسيطه ثم نرفعه و نقوم برص البسكويت بجوار بعضه
كما هو موضح فى الصوره
بين كل طبقة بسكوت بالنسكافيه توضع طبقه رقيقه من الكريمه السابقه
و يكفى طبقتين أو ثلاثه من البسكوت
و فى النهايه نضع الكميه المتبقيه على سطح طبقات البسكوت و تفرد عليه بالتساوى
و يمكن التزيين برش
بعض حبيبات النسكافيه أو النسكافيه المذاب على سطح الصينيه
توضع فى الثلاجه
وتقدم بارده
و بالف هنا و شفا
رد مع الاستدلال
كتبت بواسطة حنان(البحرين)
الروابط المفضلة