عندي لكم طريقة كيكة لذيذة ولا كل الكيك الي في المنتدى....(طاعو ويها مب جنة مصدقة ويها)
المقادير.
4بيضات +فانيلا
كوب سكر
كوب زيت
كوب ونصف طحين+بكن بودرملعقة كبيرة
3ملاعق حليب نيدو بودر
فنيال قهوة ماء
ملعقتين جوزهند مطحون

الطريقة.......
يصفع قصدي يضرب الجميع بخيزرانة في الخلاط....... ويوضع في الفرن بعد ما تنضج الكيكة وتبرد قومي بعمل الصوص.ضعي على النار نصف كوب ماء .وكوب سكر عندما يفور وتحمر الشيرة ضعي علبة قشطة واخلطية حتى يتجانس ويصب على الكيكة........
وبالهناء والعافية... وأذا في اي استفسار اختكم في الخدمة.......

تسلم يدك .......والله يعطيك العافية

الله يسلمـــــــــج يالغالية.....وعافيج ويحفظج

مشكورررررة ام علياء على الكيكة
وانشاءالله اجربها عن قريب.........

عزيزتي ام علياء انا بشتري الخيزرانة اول شيء عشان اصفع قصدي اضرب المقادير

وبعدين بسوي الكيكة مع ان وحدة مثلي المفروض ما تسوي كيكة لأني جربت اسوي كيكة

السيريلاك ما ضبطت ويايه وتمت اميه تعلق عليه يومين

انا احسن شيء اسويها بالسر ولا من شاف ولا من دري ...ومشكورة الغالية باين عليها

سهلة وان شاء الله اجربها واقولج......

العافو يا اختى السنافية............



بنت الامارات..خلينا نرحم الكيكة شوى محد ما تم يصفعها ...وحليلها تغمض......
بس الغالية على فكرة كيكة السيريلاك ضبطت عندي..........

يسسسسسسسسلمواعلى هالكيكةالسهلة

وإنشاء الله راح اسويها


همسسسسسسسسس الأثير

عزيزتي ام علياء ..بما انج سويتي كيكة السيريلاك بغيت اسألج انا التزمت بالمقادير حرفيا بس

طلعت وايد سائلة يعني كوب طحين و3/4 زيت و مثله حليب ما تطلع وايد سائلة .؟؟

وانا خليتها بعد اكثر من 45 دقيقة بس ما استوت من داخل طلعت مثل العيينه ...اذا ممكن تقوليلي

وين الغلط.....ومشكورة الغالية.......

الغالية بنت الامارات انا تقيد بالمقادير....... صح طلعت شوي سائلة بس خليتها في الفرن على درجة متوسطة الحرارة.........