صارلي يا جماعة أكتر من يومين و أنا عم حاول أسترجع لوحة الشرف اللي كتب فيها أسمي عشان أرجعها لتوقيعي بعد ما انحذفت معي بالغلط و عبث كانت كل المحاولات لحتى تكرمت مشرفتنا الغالية حنان ورجعتلي ياها الله يكرمها بالجنة و بها المناسبة السعيدة رح أنزل طريقتي بعمل البيتي فور الطريقة سهلة و النتايج روووووووووعة أحسن من أرقى المحلات مو دعاية و الله بس هاد الواقع يا ريت تجربوها و تدعولي و عا فكرة المقادير و الطريقة أخدتها من برنامج على قناة مغربية أسمه شهيوات شميشة
المقادير:
600 غ طحين حلويات
150 غ سكر بودرة
200 غ زبدة باردة مقطعة مكعبات
150 غ سمن نباتي ( للحلويات بستعمل سمنة أصيل )
رشة ملح
بيضة
فانيليا
1 ملعقة صغيرة بيكنغ باودر
( 2 ملعقة كبيرة كاكاو في حال الرغبة)
بندق أو لوز مفروم ( إختياري )
زبيب ( إختياري )

انخلي الطحين مع السكر البودرة و رشة الملح و البيكنغ باودر ( إذا بدك البيتيفور بطعم الشوكولا ممكن تحطي الكاكاو)
حطي عليهم الزبدة و السمن و افركي بأطراف الأطابع حتى يتجانس الدهن مع الطحين و يصيرعندك خليط متل فتات الخبز ( ممكن تستعمليمحضرة الطعام إذا كانت متوفرة عندك )





اخفقي البيضة مع الفانيليا و حطيها مع الخليط و اعجني حتى تصير العجينة كتلة واحدة متماسكة ( مكن بها المرحلة تقسمي العجين نصفين نصف تتركيه بنكهة الفانيليا و نصف تحطي عليه نص كمية الكاكاو )



غلفيها بنايلون و حطيها بالبراد مدة ساعة و بعدين شكليها إما بمكبس البيتي فور أو اعمليها كور أو أصابع و جمليها بالشوكة أو افردي العجين على نايلون حتى تحصلي على مستطيل رقيق ابيض و اعملي واحد تاني بالكاكاو بنفس القياس حطي المستطيلين على بعض و ابرميهم متل السويسرول و حطيهم بالبراد بعدين قطعيهم لحلقات










اخبزي البيتيفور في فرن على درجة حرارة 180 مئوية مدة 15 دقيقة تقريبا
بالنسبة للببيتي فور اللي على فانيليا الصقي كل قطعتين مع بعض بواسطة مربى مشمش أو فراولة
أما البيتي فور اللي بطعم الشوكولا فاللصق بيكون بواسطة شوكولا مذابة على حمام مائي




و بالهنا و الشفا

اولا مبرووك رجعة التوقيع بالسلامه

وتانيااااا
البيتفور شكله مممم بيجنن وبيشهي
ياريت كل يوم تضيعي تووقيعك وتلاقيه وتحلينااااا
ههههههههههههه
يسلمووو

تسلم يدكِ حبيبتي على البيتفور الرائع والمرتب ماشاءالله عليكِ

يسلموا إيديك شكلهم حلو

تسلم ايديك حبيبتي بتفور بيشهي

ومرتب ماشاء الله

وااااااااااااااااااااااااااو رااااااااااااااااائع ما شاء الله تسلم ايديك

ماشاء الله عليك
شكلهم لذيذ كتير
تسلم ايديك يالغلا

ياعينىياعينى

تسلم الايادى

شى رائع

تسلم الايادى
أكثرمن رائع
(ياريت اى حاجة ضائعة تلقيها علشان نشوف الابداع)
انا كان ضائع منى النت كلما احاول انزل حاجة الكمبيوتر يرفض
الحين النت رجع ح اعمل مثلك وانزل حلى خاص بهذه المناسبة

تسلمييييييين على هالبيتفور بيشهي
اذا ممكن اختي تعطيني المقادير بمقدار الكاس لان الغرامات التوهني شوي
بالمقادير اذا امكن بمقدار الكاس او الكوب اوالفنجال .....
تحملينا احنا تقليدين ...............
ومره ثانيه اعذرينا .......لوماهو شهى وشكله لذيذ ماحرصنا