تويت
●•°موضوع متميز°•● رز بحليب لكل حبيب و قريب***
السلام عليكم و رحمة الله و بركاته
أولادي بيحبوا الرز بالحليب كتيير وطلبوا مني من يومين ، وأنا عم ساويي اتذكرت أخواتي العزيزات بالمنتدى و حسبت حسابكن، تفضلوا شوفوا شو عملت:
أولا" المقادير:
8أكواب حليب، 16 ملعقة كبيرة سكر، كوب رز قصير منقوع لمدة ساعتين بماء دافئ، 2ملعقة كبيرة نشاءذرة، ماء زهر.
تانيا" الطريقة:
*نضيف السكر إلى الحليب و نضعه على النار و نحرك حتى يذوب السكر ، ثم نضيف الرز المنقوع بعد ما نصفيه من الماءو نستمر بالتحريك حتى ما يلزق الرز بأسفل الوعاء.
*نستمر بالتحرك حتى يبدأ الحليب بالغليان، نخفف النار إلى أقصى درجة و نعير الساعة لمدة ساعة كاملة و نصير كل شوي نجي و نحرك مرة حتى ما يلزق الرز، بهالحالة رح يستوي الرز داخل الحليب و يشبك معه.
*نذوب النشاء في كوب ماء و نضيفه للحليب مع استمرار التحريك حتى نلاحظ أنو الحليب صار سميك شوي مو كتيير لأنه بس يبرد رح يسمك كمان، و حسب الرغبة في ناس بيحبو سميك كتير .
*نرفعه عن النار و نضيف فنجان قهوة ماء زهر ، نسكبه بالزبادي و نزينه بجوز الهند و الفستق الحلبي، و إذا حبيتو مكسرات تانية ما في مانع كلو طيب .
*استنوا لحتى يبرد بيصير أطيب(الرز بالحليب كل ما برد أكلو بيطيب)و كلوا مع ألف صحة و هنا **
و هاي الصور بتحكي عن حالها:
الملفات المرفقة
تعليق