مرحبا
استانست وايد على ردود اول مشاركة لي في هذا الركن
و هذي المرة احب بعد اشارككم في احد اطباقي المفضلة
كانت يدتي الله يرحمها تسويها لنا لما كنا صغار و الحين عيالي يحبونها
وهي عبارة عن :

المحتويات
*السلطة (4 جزر مبشور+ 2 خيار مقطع مكعبات+2 طماطم مقطع مكعبات+خس مفروم حسب الرغبة +فلفل اخضر رومي مقطع مكعبات )
*4ملاعق اكل زبدة فول سوداني
*نصف ليمونة
*رشة ملح
الطريقة
*نخلط جميع مقادير السلطة مع زبدة الفول السوداني والملح ونعصر عليه نصف الليمونة
ممكن تواجهون شوية صعوبة في الخلط لكثافة زبدة الفول السوداني بس في النهاية بتكون سلطة حلوة وبتعجبكم بإذن الله

ممكن تضيفون الجرجير واوراق الفجل الخضرا (الرويد) في السلطة إذا حبيتوا

جربوها وادعوا لي
شكرا

الف شكر ام حواء