يا بنات العيد خلاص على الابواب ان شاء الله , فين بقى وصفات كحك العيد و البتى فور و البسكويت
يا ريت الاخوات المصريات الخبيرات يكتبولى الطرق المصرية لأنى فى الغربة و نفسى اعملها عشان افتكر مصر و اهل مصر و اكل مصر و ربنا يرد غربتنا جميعا يارب العالمين

شكرا أخت أزميرالدا على الموضوع
لأني كنت ناويه أطلب نفس الطلب
وياريت الاخوات يساعدونا لأنه فعلا العيد قرب
ومحتاجين وصفااااااات للكعك والبيتي فور !!

وانا بضم صوتى لصوتكم
يا ريت يا مشارفاتنا تساعدونا
وجورى كنتى عملتى السنه اللى فاتت
طريقه غريبه ليكى بجد كانت روعه
تسلم ايديكى بس للاسف الوصفه ضاعت منى
يا ريت يا اختى تعيدى لينا
جزاكم الله كل خير

ان شاءالله في غضون ايام قلائل سننزل حلويات العيد... ويمكنكِ عزيزتي الأطلاع على هذا الرابط ان شاءالله يفيدكِ

http://www.lakii.com/vb/showthread.php?t=232019

الكعك بالحليب




المقادير:-

كيلو طحين
كوب زيت مازولا او زبدة او سمنة حسب الرغبة
كوب و نصف سكر ناعم
كوب حليب جاف
2 ملعقة خميرة كبيرة تذوب مع ملعقة سكر بماء دافىء
ملعقة بهارات خاصة بالكعك


الطريقه :-
تخلط المقادير مع بعضها ومع اضافة بعض الماء الدافىء الى ان تصبح العجينة ملساء لا تلتصق. تعجن جيدا و تغطى و تترك لترتاح في مكان دافىء لمدة اربع
ساعات.تقسم العجينة الى كرات و تشكل حسب الرغبة.
توضع في فرن احمي مسبقا الى ان تنضج و يشعل الفرن من الاعلى قليلا حتى تنضج من الاعلى او الافضل ان تنزلي الصينية الى الدرج السفلي في الفرن ان
وجد.

مقادير:

- العجينة :
1 كيلو دقيق
3 كوب سمن
1 ملعقة صغيرة رائحة الكعك
2 ملعقة كبيرة سمسم منقى
1 قطعة خميرة بيره فى حجم الليمونه
1 ملعقة صغيرة سكر

- مقادير العجميه :
2 ملعقة كبيرة سمن
2 ملعقة كبيرة دقيق منخول
1 ملعقة كبيرة سمسم منقى
2 ملعقة صغيرة رائحة الكعك
1 كوب عسل ابيض
2 ملعقة كبيرة جوز مفروم خشناً


الطريقة:

- طريقة تجهيز العجميه :
- سخني السمن فى قدر حتى يلين ثم خففي النار و اضيفي الدقيق و قلبي حتى يصير عاجى اللون .
- ابعديه عن النار و اضيفي العسل و قلبي ثم اعيديه للنار و دعيه حتى يغلى مع استمرار التقليب و يجب أن تكون الحشوة لينة .
- اضيفي رائحة الكعك و الجوز و ابعديه فورا عن النار و بعد ان تهدأ حرارته ضعيه بالثلاجه ليتماسك قليلاً .
- قطعي العجمية الى كرات فى حجم البندقه و احتفظي بها فى طبق بالثلاجه لحين الإستخدام .

- طريقة عمل عجينة الكعك :
- انخلي الدقيق و ذرة الملح و رائحة الكعك و ضعيه فى اناء كبير للعجن , رشي السمسم و اعملي حفرة فى الوسط .
- ذوبي كوبان من السمن على النار ثم صبيه فى الحفره و قلبي بملعقة كبيرة حتى تهدا حرارته , افركيه و بسيه بيدك .
- ادعكي الخميرة بملعقة سكر ثم اضيفي الماء الدافئ , اضيفي الخميره المذوبة الى خليط الدقيق و السمن ثم اضيفي باقى السمن و قلبي جيدا حتى يتشرب الدقيق السمن كله و يصبح عجينه لينه .
- غطى العجينة و دعيها فى مكان دافئ حتى ترتفع .

- قطعي العجينة الى كرات فى حجم الليمونه الكبيره , خذي كرة و اعملي فى وسطها حفرة بالاصبع , ضعي فيها كرة من العجمية ثم اقفليها جيداً , ضعي الكرة بالمنقاش الخاص بالكعك لتظهر عليه نقشة الكعك , كرري العملية حتى ينتهى المقدار كله .
- رصي الكعكات المحشوه بالعجمية فى صاج الخبيز و دعيها فى مكان دافئ حتى ترتفع و تتخمر مره اخرى .
- سخني الفرن و اخبزي الكعك على درجة حرارة متوسطة و اسحبيه بمجرد ان يصبح ذهبى اللون .
- بعد ان يبرد الكعك , ارفعيه باحتراس و رشي الكعكات بالسكر البودره , احتفظي بها فى علبة محكمة الإغلاق حتى وقت التقديم
جربو وقولولى رايكم
هو منقول بس انا ها اجربة

لانكشير

2 معلقة كبيرة دقيق
2 معلقة كبيرة كورن فلور (نشا)
ربع ملعقه صغيرة بيكنج بودر
ملعقة صغيرة فانيليا
2 ملعقة كبيرة زبد
2 ملعقة كبيرة سكر ناعم
بيضة واحدة- فانيليا
للتجميل : مربى – شيكولاتة فرمسيل – مكسرات محمصة مفرية
جوز هند ناعم – نقط الوان طعام صحية
الطريقة

ندعك السمن جيدا ثم نضيف له السكر وندعك كويس
ثم نضرب البيض ونضع علية الفانيليا
ننخل الدقيق والخميرة ونضع علية الكورن فلور ونقلبهم كويس
نضع البيض على السكر والسمنة ونخلط كويس
نضع الدقيق مع التقليب حتى تتكون عجينة متوسطة يسهل تشكيلها
نعمل العجينة كور صغيرة قد البندقة
نرصصهم فى صينية مدهونة ونترك بينهم مسافات
فى فرن متوسط الحرارة لحد ما تستوى
ونتركها تبرد ثم نلزق كل كورتين بالمربى
ونجمل الاجناب داير ما يدور بالشيكولاتة الفارمسيل او المكسرات
او نضع لون احمر على شوية جوز هند فحيحمر ونزوق بة الاجناب
او نضع لون اخضر على شوية جوز هند ونزوق بة الاجناب
ملحوظة: ممكن نقسم العجينة لجزءين او ثلاثة ونضع على كل جزء نقطة
واحدة من اى لون من الالوان الصحية ونضع على الجزء التانى
نقطة من اى لون تانى وهكذا وبعدين نشكل كور من كل لون
ونلزق كرة باللون الاحمر مثلا مع كرة باللون الازرق
او كرة باللون الاخضر مع كرة باللون الاصفر
وفى النهاية حتحصلى على لانكشير ملون مميز
وعيد سعيد

بسكويت جوز الهند
2 كوب دقيق
3/4 كوب سمن
3/4 كوب جوز هند ناعم
1 بيضة + صفار بيضة
1/2 كوب سكر
معلقة بيكنج بودر
2 معلقة كبيرة حليب
زرة ملح – فانيليا
الطريقة
يضرب السمن جيدا ثم السكر كويس جدا مع بعض
يضاف البيض مع الفانيليا ويستمر فى الضرب
يضاف البيكنج بودر وجوز الهند الى الدقيق مع زرة الملح
يضاف الدقيق الى خليط السمن والبيض والسكر المضروب مع جوز
الهند والحليب تشكل العجينة افرديها بالنشابة و قطعيها دوائر
ضعيهم فى الصينية و دخليهم فرن متوسط الحرارة
حياخد السوى حوالى ربع او تلت ساعة

الغريبة
كيلو دقيق
1/8 كيلو سكر بودرة
بيضة – فانيليا
1/2 كيلو سمن
1/2 معلقة صغيرة ممسوحة بيكنج بودر
الطريقة:
نضرب السمن الاول لوحدة كويس
نضع علية السكر ونضربهم كويس مع بعض لحد ما يبقوا
زى الكريمة و لونهم يبقى ابيض نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية
على الخليط السابق الى ان تتكون عندنا العجينة
نشكلها على هيئة كور صغيرة ونضع فى منتصف كل كرة
اما قرنفلة تنغزيها فى العجينة مش حيبقى باين منها الا الوردة
اللى فوق – او نص فستقة – او نص لوزة مقشرة –
او ملبسة فضى اللى بتبقى مدورة زى الكرة و ناشفة و لونها فضى –
او واحدة صنوبر
نرصص الغريبة فى الصوانى و ندخلها الفرن و خلى بالك
ان لونها مش حيتغير انتى ابقى بصى عليها من تحت
حتلاقيها لونها اغمق شوية و مسك نفسة كدة خلاص تخرجيها من الفرن
ملحوظة :
بمجرد ما تطلع الغريبة من الفرن وهى سخنة تكونى مجهزة سكر بودرة
فى مصفاة صغيرة و تروحى رشة عليها مباشرة السكر البودرة وهى سخنة
فى الصينية و بالهنا و الشفا
ملحوظة : معظم الناس بتعمل الغريبة ببياض البيض فقط من غير الصفار لكن انا
بعملها بالبيضة كاملة و التجربة خير برهان

و الله جزاكم الله خيرا و عيد سعيد ان شاء الله