السلام عليكم و ازيكم وحشتونى


اليوم هانعمل كيكه تفاح و حلقات التفاح المقلى ( بينى و بينكم عندى تفاح اخضر كتير و عايزه اخلص منه )

قلت لازم نشوفله صرفه و نعمله حاجه حلوه المهم

الكيكه اهى و كمان حلقاته المقليه




ودى حلقات التفاح المقلى

نيجى للمقادير و الطريقه

مقادير الكيكه

2بيضه + نص كوب سكر + 4 م\ك زبادى( روب )

كيس فانيليا ( م\ص )+ 3\4 كوب دقيق اسمر + 3\4 كوب دقيق ابيض العادى

2 م\ص بكنج بودر +رشه ملح + 2 تفاح مقشر و منزوع اللب و متقطع حلقات

للوجه 2م\ك سكر بنى + 3م\ك لوز شرايح

الطريقه نخلط البيض مع السكر حتى يصبح هش شويه

نضيف الزبادى مع الفانيليا نخلط

نضيف الدقيق ( نخلط الدقيق الاسمر و الابيض و البكنج بودر و رشه الملح مع بعض كويس ) و نضيفهم على

المقادير و نقلب كويس بالمعلقه و نحطهم فى صنيه مدهونه و مبطنه بالدقيق و نسيب جزء قد 2 ك من خليط الكيكه علشان نقلب فيه التفاح

ده البيض مع السكر



و دى بعد ما وضعنا الخليط فى الصنيه



نجيب التفاح و نحطه فى الوعاء اللى عملنا فيه خليط الكيكه و فيه معلقتين اللى سبناهم من خليط الكيكه و نقلبهم مع

بعض و نرصهم فى الصنيه على الكيكه و لو فى زياده من الخليط حطيهم على التفاح

نرش السكر البنى و اللوز و ندخلها فرن حار 180 درجه فى الرف اللى فى النص لمده 50 دقيقه لساعه





و بالهنا و الشفا بعد ما تبرد نقطعها

بعدين حلقات التفاح المقلى

نجيب الكميه اللى انتى عايزاها انا عملت تفاحتين

نخليهم بقشرهم و نشيل اللب و نقطعهم شرايح و نحطهم فى 3\4 كوب عصير برتقال و ربع كوب ميه + 3م\ك سكر

بنى و نسيبهم ساعه فيه و بعدين نجيب وعاء نحط فيه 2 بيضه +3\4 كوب دقيق + م\ص بكنج بودر +ربع كوب

سكر + 4م\ك لبن ( حليب )و نخلطهم كويس و نجيب التفاح و نغطسه فى الخليط و فى زيت سخن شويه اقلى و هايتحمر بسرعه و هايستوى و خليكى واقفه عليه









بنات العصير حلو قوى ماترمهوش

واتمنى يكون عجبكم

ما شاء الله
تسلم ايدك عليها بجد حلوه كثير
ان شاء الله بجربها اكيييييييييييد ابدعتي ياعسل

رااااااااااااااااااااائع جدا ما شاء الله تسلم ايديك

ماشاء الله تسلم اديكي فعلا وصفة حلوة

مبدعه كالعاده سائله
الوصفتين احلى من بعض
تسلم ايديكِ على الروائع

ممممممممم شكلها لذيذ
يسلمو يديك

ما شاء الله روووعه