السلام عليكم عندنا حلو و ان شاء الله يعجبكم و دى اول مره اعمله علشان كده انا عملت نص

المقدار اللى مكتوب

مقادير الطبقه الاولى 90 ج جوز هند -75ج سكر بنى - 90ج دقيق ذاتى التخمير -100ج زبده طريه -م\ص فانيليا سايله و اذا مافيش

نستعمل العادى

للكراميل

400ج حليب مكثف محلى -30 ج زبده -2م\ك دبس السكر ( انا استخدمت العسل الاسود لانى لقيت ده معناه فى

الترجمه و مشى الحال) 2م\ص نسكافيه مذوب فى 2 م\ص ميه مغليه

للتغطيه 120جرام شكولاته خام بس خفيفه -60 ج زبده نسيحهم فى حمام ميه

على فكره تحسى المفادير كتيره بس فى عمايلها سهله و متاخدش و قت

الطريقه-------- اول شىء سخنى الفرن اول ما تبتدى تحضرى المقادير 180 درجه نخلط الدقيق مع السكر البنى

مع جوز الهند كويس و نعمل حفره فى النص و نضع الفانيليا ثم الزبده و نخلطه بالراحه بالشوكه مثلا او باطراف

الاصابع كانك بتفتتيه من بعضه لغايه مايندمجوا مع بعض و تحطيه فى صنيه تناسب الكميه و تكونى حاطه ورق

زبده علشان مايلزقش و تساويه بضهر المعلقه علشان يتساوى كله و تدخليه الفرن من 12:15 دقيقه بس و فى

الرف الللى فى النص و هايكون طرى وده شكله

لما تطلعيه و هو سخن كده تحطى عليه طبقه الكراميل

تعملى الحشوه او الطبقه التانيه تخلطى المفادير مع بعض بالمضرب 5 دقايق وده شكله




تحطيه على طول على الطبقه الاولى و تدخليه الفرن 10 دقايق بس و تطلعيه و تسبيه يبرد تماما و تدخليه التلاجه

لمده ساعه و بعديت تيجى للطبقه الاخيره تسيحى الشكولاته و الزبده فى حمام ميه و تحطيهم على طبقه الكراميل و

تساويها و بتدخليه التلاجه تانى و لغايه ما تتاكدى انه مسك نفسه قولى و تقطعيه و تقدميه سمحونى استعجلت

عليه جوزى كان عايز يدوق قبل ما حد يدعى عليه لو طلعت و حشه لكن الحمد لله طلعت روعه و خاصا ان اول

طبقه فيها قرمشه حلوه قوى جربوه و ان شاء الله هايعجبكم

و خلينا مع الصور

يا عينى عليك يا سائلة الرحمان بتشهي عن جد بتشهى
الى المفظلة على طول ان شاء الله انشاء الله اجربها
اللى رد الاول انت عارفة نصيب ايه لكن مكنش طماعة ساخد قطعة واحدة بس واخلى الباقى لاخواتى
هكدا الاصول
سؤال لو سمحتى العسل الاسود هل هو سيراب البان كيك ؟
وتسلمى تسلمى تسلممممممممى

ما شاء الله حلى لذيذ جدااااا عزيزتي
وصور رااائعه
تسلم ايديكِ
طبعا يستاهل التميز والتثبيت
جزاكِ الله كل خير

رهييييييييييييييييييييييبة ما شاء الله تبارك الرحمن

تسلم ايدك يا سائلة الرحمن فعلا حاجه تحفه جنان انا نفسي اجرب بس خليها بعد الاختبارات

دعواتكم للجميع

ما شاء الله حلو كتير وفعلا يستاهل التميز تسلم الايادي

هلا حبيبتي

تسلمي الغالية ماشاء الله روعة
حفظت عيوني لتجربة قريببببببببببا

تسلم ايدك ياسائلة الرحمن شي رائع ولازم نجربوا اكيد تسلم ايدك