بسم الله الرحمن الرحيم
امبارح قررت اني اجرب البسيمه بالكسترد من كتر ما شكلها كان رائع
و دخلت المطبخ و انا معتقده ان كل المقادير موجوده عندي
و بعد ما بدأت اكتشفت ان ما فيش زبادي
فكرت و قلت انا لازم اجربها النهارده مافيش كلام
فقلت اخترع أي حل و زي ما تيجي يا صابت يا خابت
بس الحمد لله صابت
استبدلت كوب الزبادي و نص كوب الماء بنصف كوب حليب سائل و شوية قشطه
و باقي المقادير زي ما هي
و دي كانت النتيجه
و الطعم جناااااااااااااااااااااان
جميله جدا و جوزي اكل نص الصينيه و هي لسه سخنه جدا من كتر حلاوتها
بس انا حصل معايا موقف غريب
بعد ما دخلتها الفرن قلت اني مش هافتح عليه الفرن قبل 30 دقيقه
لكن بعد مرور حوالي 12 دقيقه شميت ريحتها قويه جدا ففتحت عليها لقيتها ابتدت تتحمر
و بعد اقل من 5 دقائق كانت اتحمرت و استوت جدا
ممكن ده يكون بسبب التعديل في المقادير؟؟؟؟؟
مش عارفه
المهم انها كانت تحفه
تسلم ايدك يا هنوده و تسلم طبعا ايد عذب السجايا
رد مع الاستدلال
كتبت بواسطة هنـــد
الروابط المفضلة