السلام عليكم ورحمه الله وبركاتة الغاليه عذبه الاحساس ابغاكي بخدمه انا زوجي رياضي ويحب الرياضه ابغا افاجئه بطبق حلو اوكيكه او حتى طبق مالح بس يكون له علاقه برياضه وانتي ماشاء الله عليك متمكنه وتدخلين مواقع اجنبيه فاذا ساعتيني في هذا الشيء راح ادعيلك من كل قلبي والاخوات الي يدخلون موضوعي هذا لايبخلون علينا بالافكار

هلا اختي الغالية

حبيبتي من عيوني اقدم لج لي يسعدج انشاء الله بس عندي استفسار بسيط ياعيوني
هل انتي تقصدين شي دايت يعني نسبة السكريات والدهون فيه اقل او قصدك شي ثاني
اتمنى توضحيلي عشان اجيب طلبك باذن الله اذا قدرت بسرعة ومااخرج

يسلموا ياعمري والله يوفقج ويسعدج ببيتك

عزيزتي عذبة لحساس
أتوقع ان قصدها شكل الحلى يكون رياضي أو له علاقة بالرياضة ،،
يعني الكيكة يكون شكلها ملعب كرة قدم مثلا مثلا ...
تحياتي

مشكورة اختي صنوبرة الله يعطيج العافية ياقلبي واتمنى يكون هذا طلبها

واذا ماكان انشاء الله توضحه

ماعليكي من الالوان لي بالصورة الاهم الالوان لي انتي تختارينها وتبغينها المهم الفكرة

حبيبتي للكيكة تحتاجين كيكة اسفنجية فيه طرق كثيرة بالمنتدى
او كيكة ريما الحلوة لي بالشكولاته انصحج فيها ماتاخذ وقت وهشة بالمرة
تحتاجين كريمة (اسهل شي كريمة دريم ويب +شكولاته بودرة اذا تحبين على شكولاته )
او دريم ويب+ قطرات من ريحة الليمون يعطي نكهة مرة روعة
جوز الهند + ملون طعام تحطين قطرات زي بالصورة وتهزين الكيك لحاله راح يتلون كله
وهذا تستفيدين منه لعشب الملعب
طبعا انتي تلعبين بالالوان عن طريق الوان الطعام
لاعمدة الملعب اسهل شي شفتي البسكويت المالح لي يجي باكياس حراى (الاصابع المالحة المقرمشة
هذي لونيها بالكريمة ورشي عليها جوز الهند الملون باي لون تبغينه وغرسيها بالكيكة

البسكويت لي اقصده شوفي هذي الصورة راح تعرفين قصدي

ولشكل الكرة خذي حبة من ام ان ام الشكولاته وحطيها بالوسط او حتى
شكولاته الكورة البيضة لي تجي عليها جوز الهند تكون احسن

اتمنى تقولين لي ان دربي صح

فعلا هذا طلبي الله يجزاك خير يا قلبي فعلا ما قصرتي وذا ماعليك كلافه ممكن تحطين صور ثانيه

هلا عيوني

في قالب يجي نصف دائرة هذا ينفع للكورة تسوين به كيكة زي شكل الكورة وتزينينه
انا كنت ماخذته من موقع ويلتون بس ممكن حتى لو تحصلين بايركس بشكل نصف دائرة يفيدك تراه


شوفي زي هذي

وبعرق سوس الاعواد تلفينهم على الكورة وهم ممكن تحطين الكرة فوق كيكة مستطيلة بمنتصف الملعب

يعني تسوين نص كرة وتحطينها على الكيكة بنفس الطريقة الاولى المشروحة


او بهذي الطريقة ماياخذون منج مجهود سهلين






الكور لصغار هي العاب
وانشاء الله اذا فيه اي استفسار انا حاضرة ياعيوني

مشكوووووووووووووووووووووره حبيبتي والله يجزاك خير تعبتك وكلفت عليك والله ماكنت اتوقع تلاقين كل الصور هاذي مادري والله وش اسوي واي كيكه افاجاء زوجي فيها بس هو من عشاق كره القدم بس عندي استفسار وشلون الون الكره باللون الاسود وشلون اعمل الشكل السداسي يابعد عمري والله ادري اني غثيتك بس تحمليني شوي

رووووووعة يا عذبة لحساس .. صدق فن .. الله يبارك فيك ويجعله في ميزان حسناتك ان شاء الله
صراحة أنا بعد استفدت وأخذت الصور يمكن نحتاجهم يوم .. الأفكار جدا جميلة..

عذبة لحساس
أنتِ رائعة

هلا اختي الغالية
عيوني لاعثيتيني ولا شي بالعكس يسعدني اساعدك كل انسان يتمنى يتميز ببيته
حبيبتي شوفي هذي الصورة اوضح


تاخذين ورق الزبدة وتلفينه على شكل

وهذي اذا تبغين تسويين كيكة على تي شيرت بلون النادي لي يحبه زوجك وبرقم اللاعب المفضل عنده
هذي المخطط الخاص بالتيشرت وشلون تقصين الكيكة
لما تقصين من جهرة راح يطلع عندج تلقائي يد بس الجهة الثانية تاخذين من الجزب لي تصتيه وتحطينه بجهة اليمين عشان تشكلين يد بجهة اليمين وبعدين تغطينها بكريمة وتضيفين اللون النادي لي تبغينه



شوفي بعد التزيين (طبعا هم استغلوا حتى الزيادة وطولوا اكمام التيشيرت انتي سوي بس النص كم )
ولونوه بلون النادي مع الرقم الخاص بالاعب

اكثر شي يساعدك ان الكيكة تكون لكريمة عليها مستوية ومافيها اي فراغات هذي السكين الخاص
شوفيه

شوفي كيف يفرد بسهولة وماياخذ منج وقت بتعديل الجوانب





وتحتاجين لتزيين مهما كان قرارج الكرة ولا التي شيرت تحتاجين تسوين ق زبدة تقصينه لمثلث
ثم تلفينه زي الصورة



تعبينه بعدين بلكريمة وتقصين شوي من تحت بحيث يعطيج خطوط رفيعة وضعيفة هي لي بتساعدج انج ترسمين خطوط الكرة


انتي تشكلين الخطوط لي تبغينها بعدين تلونين البقع السودة التلوين يكون اخر شي
0الالوان الخاصة تلقينها متوفرةبالسيف وي)

اتمنى يكون الشرح واضح واذا فيه اي شي الغالية لاتترددين بالسؤال