ايه رائيكم يا بنات نعمل ملف للكيكات المجربة

صباح الخير يا بنات وحشتونى اوى و علشان كدة فكرت فى حاجة جديدة اعملها
ساعات بكون عايزة اعمل كيكة جديدة و اخذ طريقة من كتاب او التلفزيون و لكن اخاف اعملها علشان محدش جربها و علشان كدة بخاف اعملها فقلت نفيد بعض كل و احدة عملت كيكة و طلعت حلوة تكتبها علشان نستفيد بيها كلنا و هبدأ انا بكيكة قرات طريقتها فى احدى المنتديات و جربته و فعلا طلعت حلوة اوى و جوزى و ابنى حبوها

كيكة الفستق:
المقادير:

(1) 5بيضات- نصف كاس زيت - كاس سكر - علبة قشطة معلقة- معلقة صغيرة فانيليا
(2)كاس و نصف فستق ناعم
(3)4معالق صعام دقيق- معلقة بيكنج باودر كبيرة

للوجة:
علبة قشطة- ظرف دريم ويب- معلقتين طعام سكر- معلقتين طعام فستق ناعم- معلقة طعام كاكاو مبشور

الطريقة:
نخلط المقادير (1)مع بعض جيدا ثم نضيف (2)و نخلط جيدا ثم نضيف (3)و نخلط الجميع و توضع فى صينية تيفال و تخبز حتى تنضج ثم تحمر قليلا من الوجة و تخرج من الفرن حتى تبرد و يفضل تركها لليوم الثانى

ثم نخلط القشطة و الدريم ويب و السكر جيدا و توضع على الوجة و تزين بالفستق و الكاكاو الناعم

الى يجربها يقولى و كمان بليز الى يعرف اى كيكة حلوة يكتبها و انا كمان هكتب كيكات حلوة كتير بس لما اشوف ردودكم الاول