السلام عليكم ورحمة الله

حبيباتي كثيرا مانسمع عن Princess Triangle Cake
هذي الكيكة العجيبة اللذيذة لي ماتنسي اذا ذقناها لمكوناتها الرهيبة

ههههههههههههههه بديت اقول شعر
حبيباتي اليوم راح انزل طريقة هذي الكيكة من موقع فرنسي وانشاء الله تعجبكم

نحتاج الى كيكة اسفنجية بالشكولاته (طبعا انا بكذا موضوع منزلة طريقة الكيكة الاسفنجية وفي كيكة الشكولاته
نخصم من مقدار الدقيق ونعوضع بالشكولاته البودرة )

ونبغيها في هي الطريقة تكون بصينية السويس رول لاننا راح نعتاج نقطعها الى مستطيلات
اولا بعد التقطيع نقوم بدهنها (او بمعنى اصح ترطيبها بالسيراب (انا لطعم افضل افضل شراب الفواكه المعلبة وممكن الشيرة ) نشربها فرشاه اهم شي تكون مرة ناعمة عشان ماتتنتف الكيكة



ثم ندهنها بكريمة الزبدة (مذكورة ايضا بكذا موضوع بس برجع اذكركم فيها في الاخير بس في هذي الطريقة نضيف لها للون الاحمر فيعطينا اللون لي تشوفونه الوردي الغامق )

ثم نضع طبقة اخرى فوقها ونكرر نفس عملية الترطيب والكريمة










طريقة وضع الكريمة اما راح تكون كالطريقة الاولية بالسكين الخاص بالفرش او عن طريق الكيس الخاص بالتزيين ( لي نسميه كيس الحلواني )



ثم الطبقة الاخيرة


ثم نحاول نمسح على الجوانب بحيث ماكون عندنا كريمة سايحة وملخبطة الطبقات


الحين الخطوة المهمة ولي دايما ننخدع ونتسائل كيف سوي الكيكة مثلثات او شرائح مثلثة
نجي لنهاية او لاسفل الكيكة ونقص من الزاويتين ليتكون عندنا مثلثين






شوفو شلون صارت


ندهن القليل من كريمة الزبدة على الوجه بهذي الطريقة ليسهل لصق القسمين مع بعض بهذا الشكل








مع الضغط قليلا فقط ليسهل التصاقهما


الحين ندهن الوجه بطبقة خفيفة من لكريمة








يتبع

الحين نحتاج الى تغليفة الغناش (كريمة الشكولاته اللذيذة وهاذي اعتمديها في تغطية الكيك ولترافلز والشكوليت رهيبة مرة نحتاج الى )




400 غ شكولاته طبخ سوداء (اقصد الواح الشكولاته وليس البودرة )
كوب كريمة الخفق
ملعقة زبدة
(قاعدة في الغناش يجب ان تكون كمية الشكولاته 3اضعاف لكريمة )

نقوم ببشر الشكولاته بهذه الطريقة


نضع الكريمة والزبدة على النار الى ان تصل لكريمة الى درجة الغليان ثم نصبها فوق الشكولاته مع التحريك الى ان تذوب الشكولاته وتنسجم المقادير



خليه على جانب بس يدفى شوي ( يجب ان يكون سائل شوي ولاتخلينه يصير شوي يابس زي حشوة الكاكاو
واذا صادف وصار خليه شوي بحمام ماي يدفى والاسام من هذي الخطوة انه يكون سهل في الصب )



وتجيبين شبك (افضل تحطين تحته صينية تلقف لي راح يفيض عن حاجة الكيكة من الغناش انا بصراحة اخليه بعدها يبرد واسوي منه كور صغيرة وادخله الثلاجة واسوي حمام مائي واذوب شوي شكولاته واغمس الكور داخلها لانوا حرام ينرمي لذيذ وتكونين ضربتي عصفورين بحجر واحد عندك الكيكة وترافل الشكولاته




بعدين تحاولين ترفعينها وتحاولين تحركينها شوي تنفضين الشكولاته منها عشان مايصير عندنا تكومات وتصير ملساء وناعمة

تجبين بعدها طبعا بعد ماتبرد وتتماسك الشكولاته تجهزين عجينة اللوز لي هي المرزيبان وتمدينه وتغلفين به الكيكة طبعا هم ماذكرو طريقة التغليف بس راح احط طريقة مشابهة لتغليف والفرد عشان تعرفون الفكرة وشلون

هذي بيكون شكل الكيكة

عشان مايخترب عليكم الحشو وقت التقطيع خلوها قاعدة دايما لما تجون تقصون الكيك قطعي بسكين نضيفة وناشفة من الموية وبين كل قطعة وقطعة حاولي تغسبينها وتنشفينها او على الاقل تمسحينها من الشوائب عشان
ماتخرب المنظر وتصير الشوائب لي فيها تلصق على وجه الكيكة عندكم





طريقة تغليف اي كيكة بالمرزيبان يكون على الشكل التالي (سواء مربع او مثلث او دائرة لازم اتباع الخطوات هاذي )


ثم تبدئين بمد العجينة طبعا عشان ماتلصق اما تخلين تحتها ورق الزبدة وهو افضل طريقة مو بس للمبتدئات
بل هو افضل عندي من طريقة رش السكر البوردة ثم مد العجين حتى في رفع العجينة يكون اسهل وماتنقطع معاج لانج راح تنزعين الورق وبالتالي ماراح تتعفس




ثم ترفعينها وتغلفين الكيك وبعدها تقصين الزوائد لي ماتبغينها طبعا لازم يكون المد اكبر من الكيكة عشان
ماتضطرين تعطين قطع زايدة ويطلع الشكل مولي تحبينه












على فكرة ماعليكم من الاداه لي هي تستخدمها ممكن تستخدمون مسطرةتراها هم تفيد اهم شي لي نبغيه هو شي سيوي لنا اي تعرجات اذا كانت ويثبت المرزيبان

may Allah protect you ,, this is too good mashalla

كريمة الزبدة الفرنسية

60 مل ماء


نضيف للماء ملعقة خل ابيض ونحرك


375 غ سكر

250 غ زبدة
تقطع الزبدة بهذا الشكل




نضيف الى السكر الماء المخلوط مع الخل

ثم يحرك بعناية ليتخلل الماء كل السكر

مع عدم ترك الجوانب


كل حباة السكر لازم نشيلها من جوانب الجدر بالفرشاة وهذا ضروري




طبعا راح نحتاج ايضا ل2 بيض
نضع البيص في الخلاط ونخفق


نضع خليط السكر والمار على النار الى ان يصل الى درجة الغليان

خلي الخليط يصل الى 250 درجة فهرنهايت


نخفق البيض الى ان يصبح كريمي ويتغير لونه للابيض طلعا على سرعة متوسطة




ثم نضيف السكر الى خليط البيض على دفعات مع ترك الخباطة تشتغل عشان تخفف من حرارة الخليط ومايتجلط البيض خلوا السرعة على البطيئ وانتوا تضيفون السيراب






يتبع

لازم يكون خليط البيض برد قبل اضافة الزبدة لحوالي 100 درجة يعني الاصبع يتحمل حرارة الخليط




نبدء باضافة الزبدة وحدة وحدة يعني قطعة قطعة اول ماتختفي الاولى نضيف الثانية الاضافة ماتكون متعاقبة يعني خل الاضافات تكون بين ثلاث داقايق كلها عشان تعطيج نتيجة كويسة








استمري بالخفق راح تشوفين انها بدت تبين كانها مايونيز


وهذا بيكون شكلها


وممكن تخزينها لمدة اسبوع بالثلاجة

ما شاء الله عليك ربنا ما يحرمنا من اطباقك الجميلة

وهذه صورة أخدتها من احد كتبي لطبخ

روعة حبيبتي
تسلم ايدك

تسلمي يا رب الف شكر

تسلم ايديكِ حبيبتي عذبة دائما متألقة بمواضيعك
بارك الله فيكِ