حبيت اقدم لكم طريقة عمل الشيره ... وحفظها

طبعا الشيره كثير ما نحتاجها في الحلويات

ولتوفير الوقت بعملها ... نعملها ونحفظها في برطمان كبير

ومقاديرها :

8 كاس سكر

4 كاس ماء

هيل وزعفران ( وفي ناس تحب تحط الفانيليا فيها )

وعصير نص ليمونه


الطريقه

لاتقولين وايد ممكن تسوينها بنص المقادير

اضع السكر والماء والهيل على النار حتى يذوب ويغلي ... وبعد غليانها بخمس دقايق شوفيها صارت او لاء

وتراها تصير بسرعه يعني ما اطول لان مقاديرها مضبوطه

بالاخر حطي عليها الليمون ... لان الليمون مايخلي السكر يتكتل فيها


وانا احط الزعفران في البرطمان ولما تدفي اشوي اصبها فيه



يطلع لونها احمر وريحتها تجنن ودايم احفظها بالثلاجه



والقاعده لعمل الشيره هي

2 قلاص سكر بقلاص واحد ماء

والله تسلمين عزيزتى على مواضيعك الحلوةةةةة

الله يعطيك الصحة والعافية

تسلمي حبيبتي على المعلومة الجميلة ويعطيك ربي الف عافية

هلا ام عزيزان

تسلمين على الطريقه الحلوه

أنا اسويها خفيفه شوي
يعني احط كاس سكر مع كاس ماء

وتطلع حلووه وخفيفه
وأكيد حسب نوع الحلى اللي اسويه
اما تناسب له الشيره الثقيله او الخفيفه

واكيد اضيف لها الزعفران & الليمون

بس الهيل جديده
المره الجايه بجربها مع شوية هيل

مشكوره ويعطيك الف عافيه

السلام عليكم ورحمة الله وبركاته
مشكورة اختي و جزاك الله خيرا

ياسلام عليك ياام عزيزان
بصراحه كل شي يجي منك حلو
تسلم الايادي

تحياتي

ام عزيزان والله انك عزيزه كتير تسلمي يا قمر
نفس طريقتي بالشيره بس انا بماء الزهر والليمون
ما بستخدم الزعفران
تسلمي يا قمر

اول مرة تمر علية الشيرة بالزعفران
تسلم ايدك ام عزيزان

يا هلا بام عزيزان والله تسلم ايديك يارب