"شعارالحلى المتميز" حلو جديد....تعالوا شوفو وكل وحدة تاخذ حبة.

**shahdmylife** · 22-10-2005, 11:49 PM

طيب اليوم جايبة حلو سهل وطيب وجديد
وهو عبارة عن حبات المشمش المحشية بالجبنة والقشطة.
شوفوا الصور علشان تفتح نفسكم..

وهاي كمان..

**سنووايت** · 23-10-2005, 12:27 AM

والله حرام ليش كل هلالقد مكبرة الصورة
اذا وهي صغيرة بتشهي شكلها كيف كبيرة مممممممممممممم
شط ريقي على هل الصورة بصراحة رهيبة هل الوصفة
تسلم ايديكي ارب ام شهد يلا هلق بدنا الطريقة

**إيمان علي** · 23-10-2005, 01:00 AM

يا خراشي يا سوسو.. شو هالأشياء المشهية هاي، هذا طبق جديد تماماً علي، يالله أسرعي.. بس من وين نجيب مشمش هلأ؟؟! راح الموسم!

يالله بانتظار الطريقة

**ام البنات ** · 23-10-2005, 03:53 AM

السلام عليكم ورحمة الله وبركاته

تعرفي انا شفت موضوعك قبل الافطار

بس و الله ما قدرت اكمل الصورة الثانية لان فعلا صورة الطبق الاولى عملت عمايلها في و خفت اشوف الصورة الثانية

رووووووووعة رووووووووووعة تسلم هاللادين يا رب

**shahdmylife** · 23-10-2005, 04:37 AM

كتبت بواسطة سنووايت

والله حرام ليش كل هلالقد مكبرة الصورة
اذا وهي صغيرة بتشهي شكلها كيف كبيرة مممممممممممممم
شط ريقي على هل الصورة بصراحة رهيبة هل الوصفة
تسلم ايديكي ارب ام شهد يلا هلق بدنا الطريقة

سوسو يسعد مساك صلي زمان ما دردشت معاك
كيف رمضان معك..
ياستي كبرت الصورة علشا حركات الاغراء

وكمان علشان كل وحدة اتمد ايدها وتاخد حبة.
الطريقة بالطريق..من عيوني

**shahdmylife** · 23-10-2005, 04:40 AM

كتبت بواسطة إيمان علي

يا خراشي يا سوسو.. شو هالأشياء المشهية هاي، هذا طبق جديد تماماً علي، يالله أسرعي.. بس من وين نجيب مشمش هلأ؟؟! راح الموسم!

يالله بانتظار الطريقة

ايمان نورتي ..

علي فكرة انا مش ناسية عمايلك وموضوع البتزا تبعتك..شفت الموضوع وشتهيت سليس من البيتزا لاني مدمنة بيتزا وصورك بتشهي.

هدا حلو فعلا جديد وطريقتوا سهلة اكتير وبدك مشمش منشف وهدا بتلاقي دائمآ بأي محل.

**shahdmylife** · 23-10-2005, 04:42 AM

كتبت بواسطة **ام البنات **

السلام عليكم ورحمة الله وبركاته

تعرفي انا شفت موضوعك قبل الافطار

بس و الله ما قدرت اكمل الصورة الثانية لان فعلا صورة الطبق الاولى عملت عمايلها في و خفت اشوف الصورة الثانية

رووووووووعة رووووووووووعة تسلم هاللادين يا رب

أهلا بام البنات انا سعيدة بوجودك "علي فكرة انا كمان أم البنات وعندي 3بنات زي العسل

".
ان شاء الله حكتب الطريقة هلأ.

**ام مودي** · 23-10-2005, 04:49 AM

شووووووووووووووو هالحركات يا ام شهد..بجددددددددد شي بيفتح النفس...و فعلا طريقة جديييييييييييدة علي..بس مبينة..اممممممممممممممممممممممممم لذيييذة و بتشهي..يالله بنستنى الطريقة..
يعطيكي العافية و يسلم هالديااات

**shahdmylife** · 23-10-2005, 04:55 AM

الطريقة:

2- كوب مشمش مجفف "بيكون حبات مشمش كاملة مجفف وخالي من البزرة"
-انقعي المشمش بالماء البارد للصبح لتاني يوم.
-في الصباح حطي بطنجرة المشمش وميته وزيدي ماء لو احتجتي يعني لكل كوب مشمش 2 كوب ماء...وضعيهم علي النار حتي يبدأ بالغليان خففي الحرارة قليلا واتركيهم يغلوا علي نار هادئة لمدة 20 دقائق ثم اضيفي 1 كوب سكر وحركي برفق واتركيهم يغلوا لمدة 20 حتى يأخذ المشمش حلاوة السكر ولاتنسي اضافة 2 نقط من عصير اليمون "لا تكتري ليمون بس 2 نقطة" لا تدعي حبات المشمش تذوب
-ارفعي حبات المشمش من الماء المسكر وأتركيهم يبردوا تمامآ.
-كوني مجهزة الحشوة وهي 2 م قشطة + 2\1 كوب جبنة ريكاتا + شوية سكر"والافضل ايكون الحشوة باردة علشان اتكون اسهل ومتماسكة يعني اخلطي الحشوة وحطيها بالتلاجة ساعة قبل الحشو.
-احشي كل حبة مشمش بحشوة الجبنة والقشطة وحطيهم بطبق التقديم و بالمعلقة اسقيهم بالشراب المسكر من مية سلق المشمش وزينيهم برشة فستق حلبي مطحون..
وصحتين.
الطريقة سهلة بس انا شرحتلكم اكتير..وعلي فكرة هذه طريقة اخذتها من موقع عربي للحلويات وجربتها وطلعت طيبة وجديدة.

**shahdmylife** · 23-10-2005, 06:15 AM

علي فكرة حبيت اصحح مقدار السكر وهو 2\1 كوب سكر بنضيفه للمشمش والماء اثناء الغليان

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: "شعارالحلى المتميز" حلو جديد....تعالوا شوفو وكل وحدة تاخذ حبة.

أدوات الموضوع

العرض