السلام عليكم عزيزاتي

اليوم رجعت للركن الجميل والحلووووو
ركن الحلويات... اللي حبيته كتير هالفترة لانها فترة الوحام عندي..هههه

وجايبتلكم وصفة بتجنن كتار سمعوا عنها بالتأكيد
خصوصا اهل فلسطين والاردن والشام عموما

وهي القزحة بالصينية

هذه الطريقة هي طريقة والدتي"الله يطول عمرها ويعطيها الصحة"

وانا تعلمتها منها وطبقتها اليوم وصورتها
طريقة سهلة جدا وتحفظ غيبا بأسرع ما يمكن من سهولتها

والطعم شي رائع

اترككم مع الصور

ولا تنسوني من صالح دعاءكم ان ييسر الله ولادتي
ويرزقني ابنه سليمة مكتملة الخَلق والخُلق
حلوة زي ركن الحلو

بسم الله

طبعا ما في ولا كبتولة بالطحين اثناء العجن
بسبب التنخيل.. وما يظهر هو فقاعات

وهذه ضيافة لأول رد مع فنجان قهوة تركي عال العال

والف صحة وعوافي على قلوبكم

تحيــاتـي

،
،

يا سلام
شو الحلاوه والطعامه واللذاذه هى
ومن ايدين سلوم
شئ رائع تسلم الايادى يارب
ويخليلك الوالده ويعطيها الصحه
وتقومى بالسلامه وتجيبى أحلى وأطعم وألذ بنوته


سلوم أنا حاكل الصوره
وأنت كلى حصتى بالحقيقه
ريتها ألف صحه وهنا

روووووووووووعه يسلمو

الف صحة وعافية
اول مرة اسمع بيها
بس مبين انها طيبة
تسلم ايدياتك
ومأكول الهنا

سلمىىىىىىىىىىىىىى هنا
يا مرحبا يا مرحبا




شو هالجماااااااااااااااااااال
تسلم ايديكي و الله يا رب يقيمك سالمه

ربي يتمم لك حملك على خير
راح انزل اشتري قزحة احسن كتير مشتاقة لهالطبق

يسلموا يا احلى ام طلال
ومرحبا بعودتك التي زادت المنتدى نورا

وصحيح انا مش اول رد
بس هالطبق من نصيبي راح اتشارك فيه مع سونة

ما شاء الله اختي
صينية قزحة بتاخد العقل والله
الله يسلم هالادين بس سؤال اختي انتي غزاوية لانه عنا بنابلس بعملوها بس ما بحطو زيت زيتون ولا سكر ناعم

اهلا وسهلا منورين والله

لونلي
تسلمي حبيبتي على لطفك ودعواتك الرائعة
والصورة واللي فيها عحسابك والف هنا يارب
نورتي



ملكة الرومانسية
هلا وغلا
مرورك اروع واسعدتيني بارك الله فيك عزيزتي



بنت بلادي
اهلا وسهلا غاليتي
الله يسلمك ويهنيكي
وان شاءالله تجربيها بيوم وتقولي لنا رأيك



د.سوسن
يا مرحبا فيكي ست الكل
وحيا الله الغاليين
الله يسلمك ومبسوطة انها عجبتك وصحة عقلبك حبيبتي




وعود الخير
تسلميلي على الكلام الحلو الله يسعدك والنور نورك حبيبة قلبي
بسرعة انزلي وطبقيها وقولي تطبيقي لقزحة ام طلال هههه
صحة وعافية يارب




فروحة قلبي
هلا فيك يا قلبي
انا مش غزاوية ..بل نابلسية.. بس طريقة والدتي بتذكر
انها طريقة ستي الله يرحمها وهي عكاوية

زي قصة المعمول ناس بتعمله بطحين وناس بسميد وكله طيب بالنهاية
نورتيني يا فروحة وهلا فيكي حبيبتي وبكل اهل نابلس

انا مش غزاوية ..بل نابلسية.. بس طريقة والدتي بتذكر
انها طريقة ستي الله يرحمها وهي عكاوية

وطريقة الماما الله يرحمها
وهالصينية معروفة منيح في جنين
وانا احيانا باعملها متل المعمول ...واولادي بيسموه معمول اسود ..

كتبت بواسطة وعود الخير

وطريقة الماما الله يرحمها
وهالصينية معروفة منيح في جنين
وانا احيانا باعملها متل المعمول ...واولادي بيسموه معمول اسود ..

الله يرحمهم كلهم
سالت امي قالت لي طريقة ستي صحيح

معمول اسود

.. ياما منسمع ..