انا حابي احكي عن تجربي بالولاده هون
انا حملت بعد سنه ونصف انتظار والحمد الله كانت حمل بابني خفيفه وما حسيت حالي اني حامل حتي منتصف الشهرالسادس وانا قعدت افكر شو عملت شئ غلط ما في شئ غير روحنا عند قرايب زوجي وكنتهم مخلفه ولد صغير والحماي والحماه شافوني انا ماشاء الله باكل ودايري بالي علي حالي والله اعلم يمكن حسدوني لانه نفس اليوم الرجعت فيه علي البيت صار فيي الشغله وطبعا روحنا بالطياره لانهم بولايه تانيه
فجاه اصحي ابالليل وانا عندي حكه قويه علي جنب افخادي تحت ابطئ وهي علي شكل حرق او طفح احمر يعني مش حبوب وانا مش عارفه شو البحصل وما بقدر انام بالليل وبشعر بحراره عاليه كتير وكان الملابس يذايقوني وكنت البس ملابس العاديه اكبر من قياسي ب2 حتي ما يلمسوا جسمي ولازم يكون قطن والفستان يكون واسع كتير وخفيت وحكيت مع طبيبتي وروحت عندها ما عرفت شو هو
رديت روحت علي طبيب جلديه ما عرف شو هو واستمريت علي هذا الوضع حتي شهر الثامن وانا في هدا العذاب وطبعا انا بطلت اكل خيفت انه يكون منالاكل وطبعا كل ما احك كل ما يزيد يعني ما بوقف وما خليت كريمات عاديه او حمامات ماء ما نفع اخر شئ كنت سهرانه علي النت وعملت سيرش عن الحكه للحوامل ولقيت الجواب الشافي الماكان علي بال حدي في منتدي تاني متخصص بالطب والحمل وطلع عندي انه الكبد لما يعمل الماده الصفراء او العصاره الصفراء التي تهظم الاكل بدل ما تروح علي المعده بتمشي بجسمي يعني بفرز كتير منها وهي خطره علي البيبي لانه ممكن تدخل عنده عن طريق الحبل السري ولازم اعمل تحليل دم للكبد
ومن الصبح زوجي اتصل مع الطبيبه وقال لها بدنا نشوفها وحكي معاها انه بدها هذا التحليل وطلع صح
اتعقدت طبيبتي وانا كنت اول حاله لها تشوفها في مجال عملها وحولتني علي طربيبه هاي ريسكر هذه الطبيبه متخصص للحوامل العندهم مشاكل اثناء الحمل وخطره عليالبيبي يعني سكري ضغط توؤم وزي حالتي
واول ما شافتني قالت هذا هو بدون ما تقرء التحاليل اعطني ابره كرتوزون وكريمات وقالت ما فيييي حل
لانه بتروح الحاله لوحدها لما تولدي علي السريع وقال انا حاله نادره ونسبتها قليله تصيب الحوامل وقال لاني حامل بولد !!!
المهم صار لازم اشوفها 3 مرات لااسبوع تراقب الماء تراقب البيبي تعمل سونجرام رباعي وملون وتحليل دم وتراقب اذا الماده فاتت عند البيبي وكان اهم شئ ادخل باول التاسع واهم شئ رئه البيبي تشتغل ولما اشتغلت الرئه قالي لي بكره من الصبح بدك تروحي تولدي ما بنقدر نستني اكثر من هيك
ورحت عن طبيبتي لقيتها مجهزه لي الاوراق وغرفه لي بالمستشفي وقالت لي من الصبح علي الساعه 5 بتروحي وتاني يوم صليت وجهزت اغراضي واخدت معاي لوشن !!!؟؟؟
المهم لما وصلت علي 5 لقيت الممرضات بستنوا في وغيرت ملابسي وعبيت الاوراق وصاروا يسالوا اذا عندي حساسيه من اكل معين او دواء معين وبعدين قعدت بالغرفه وهي عباره عن غرفه عاديه حلو كتير لما برادي زي غرف النوم وشباك وتلفزيون ودي في دي وحمام رووعه وخزاني خشب عادي وتخت عادي وحطوا لي المنتر علشان البيبي وعلشان الطلق واعطوني دواء بالوريد علشان الطلق لانه كان والاده بدون توسع وقالت لي اذا حسيتي بالوجع اطلبي الابره والدواء بخليكي ريلاكس ونمت وكان زوجي جنبي وبتابع الاجهزه وكانت الممرضه تدخل كل شوي تتابع نبظات البيبي والطلق ولما صيرت احس بوجعزي الدوره بس مش شديد اخدت الابره واعطاني اياه الطبيب جرعه كبيره يعني نمت لتاني يوم بس الممرضه فتحت كيس الماء علشان تحمي الطلق وكانت تيجي تكشف اذا توسع ام لا وطول الليل زوجي كان يطلب من الممرضه تساعدوا في قلبي علي الجهه التانيه حتي رجليي ما يتنفخوا ويدهن لي رجليي باللوشن !!! ولانه ابره الظهر بتعمل علي عدم تحريك او حس بالمنظقه السفلي يعني من السره وتحت وكان زوجي طول الليل يقيس كميه السوائل الداخله الي جمسي مع كميه السوائل الطالعه مع البول حتي لا تنحبس في جسمي وحتي تاني يوم الساعه 5 صحيت علي وجع الابره خفت وصيرت اعيط ورزوجي صار بده يعيط بس سكتت لما شوفته وقلت له اطلب الطبيب علشان يعطيكي الابره ولما ايجي زوجي طلب منه يعطيني نصف الابره علشان اقدر احرك رجلي بس ما احس بالوجعه وما قبل لانه الاخر كان نايم وما بده يجي كل ساعه ويزيد العيار بس المهم رد علي زوجي وبعد ساعه خفت الابره ايجي اعطاني كمان شوي وعلي 7 بطلت الابره تشتغل منيح وايجت الممرضه تفحص لاقتني متوسعه 10 يعني حاله ولاده
وبسرعه الغرفه انقلبت السقف انفتح نزلت لمبه كبيره زي تبعت العمليات والتخت انقسم نصفين علشان الولاده والخزاين انفتحت وصارت صوانبي في ادوات وقطن وشاشات والطبيب ايجيت وقالت لي ادفعي ودفت ونصف ساعه ولدت ابني الله يسعده كان في شهر رمضان يوم الجمعه 27 رمضان واول ما طلع عيط واعطوني اياه قبل ما ينظفوه وزوجي قطع الحبل السري وصورته قبل ما يتوزن كمان وحطوا برجله اسوراه في شريحه كمبيوتر وهده تعمل علي اغراق جميع الشبابيك والالبواب اذا حدي حاول يسرقه واسواره بايد عليها اسمي ونمت 3 ايام وزوجي نام عانا واعطونا غرف اكبر وكانت الممرضه تيجي علي الوقت تعطيني دواء مسكن وعلموني الرضاعه ولما طلعت لاوم اكون علي عربانه وهم بدفعوا فيي وابني حامله الممرضه لباب السياره ونايم بكرسي السياره هم فحصوها قبل وهي ركبته وقبل هيك قصه الشريحه علشان نقدر نطلع
علي فكره انا قبل ما اولد اخدت حصص مجانيه بالمستشفي عن الولاد والرضاعه يعني تعليمه للام وحتي عن المساج قبل الولاده حتي يخفف الوجع وكنت اروح انا زوجي عليهم واستفدنا منهم
والمستشفي اعطاني لما غادرنا شنطه للبيبي فيها حليب وكيف حفاظات ولوشن وشاموبا وفوط لي وشويه عينات
وان شاء الله لي رجعه مع ولادتي ببتني
ملاحظه الحكه التي كانت فيي راحت بمجرد اني ولدت سبحان الله
طبعا كانت لي مراجعه بعد 6 اسابيع لفحصي وتاكد انه كل شئ تمام وبعدها بصير لي فحص سنوي
رد مع الاستدلال
كتبت بواسطة * شهدوده *
واعطوني الاكسجين وكنت بس استنشقه اتخدر لربع ساعه وبس اصحا منه اصير اصرخ واشد بايد زوجي لدرجه اني شوهت ايدو ههههههه _ وكل شوي احكي للمرضه يا الله خلي البيبي ينزل مو قادرة اتحمل وهي تحكيلي لسه بدري وتهديني حسيتها كانها امي من معاملتها الحلوة والطيبة ( مش زي عنا) وبالاخر وبعد معاناة طويلة اجا وقت الولادة الساعه 9 بالليل والسيد عبود ما رضي ينزل بالزوق لهيك شقوني وسحبو وبعدها انا اغمي علي لربع ساعه وصحاني جوزي بيحكيلي قومي رضعي عبود وبس شفتو ضليت اعيط واتزكر امي وحضنتو بقوة وضليت اعيط ساعتين وبعدها اجت الممرضه واخدته مشان يفحصو وكمان يفحصوني وواعطوني ملابس واهتمو فيني كاني بنتهم او اختهم وكل شوي يجو يطمنو علي وعلى عبود وضليت طول الليل ما نمت من عبود وهو يعيط والحمد لله كنت بغرفة لحالي وبعدين حكيت للمرضه اني تعبانه وبدي انام فاخدت عبود مني وحكتلي بس بدو يرضع بجيبلك اياه وبعد 4 ايام طلعت من المستشفى وكانت الممرضه تيجي كل اسبوع تفصحني انا وعبود وتعلمني كيف ارضعو واغيرله ووووووو والحمد لله هلا عبود صار عمره سنتين ونص ولهلا مغلبني ومطلع عيوني هههههههههههههه
الروابط المفضلة