ياسلام على حكايات البنات ماشاء الله ربي يقويكم يارب
هو الجنة تحت أقدام الأمهات بالساهل ياغاليات

بس بيني وبينكم رغم كل التعب والألم والسهر

لكن نظرة النونو في إيديك ولا هو بيرضع لا يضاهيها شيء أبدا


آ
آ
آ
آ
آآآآممممممممممم بنات خايفة لكون حنييييييييييييت في نونو جديد

خارجة بسرعة قبل ما الفكرة تعشش براسي

.

ليا تجربة ولادة واحدة في كندا كانت مريرة ومؤلمة والحمد لله على كل حال
يمكن تتذكريها ملوكة ، مش عايزة أحكيها وأعكنن عليكم.

لي عودة لقراءة تجاربكم إن شاء الله
الله يحفظكم ويحفظ أطفالكم ويطرح فيهم البركة

انا تجربتي ما بتختلف عن تجربتك يا ام لمى

فرح احكيها ع 3 مراحل

مرحلة ما قبل الحمل

انا لما وصلت لامريكا
كنت مثل معظمنا و عروس
و بستنى اليوم اللي احلل و اطلع حامل و مر شهر و اثنين
بس بالثلاث حسيت بالاعراض و ركاض ع الدكتورة

طبعا اول غلطة اني كنت خجلانه اسأل اللي بعرفهن عن دكتورة شاطرة
فزوجي سأل شخص باكستاني و دله ع وحدة باكستانية مسلمة مثل طلبنا
بس للاسف كان كل همها الفلوس و ما بتهتم بالحالة لحتى توصل انها تولد بالعملية
بس الحمدلله ع كل شي الحمل انا ما ثبت كان يا دوب 6- 7 اسلبيع
و انا مثل اي وحدة حطيت الحق ع الطبيبة لاني باكثر من مرة ازورها و احكيلها في دم بينزل مني و كانت لا مبالية
لحتى تعبت كثير و لما اصر زوجي عليها تعملي سونار طلع ما في حمل و الجنين كان نازل

فغيرتها لطبيبة ثانية عملتني حقل تجارب خخخخخخخخخ و كل يوم دوا شكل هههههه
فكرهت الدكاترة و طبعا مع العلم انه ما عندي كان اي مشكلة سوى انها الدورة ملخبطة و اللي بعرفه انه ما الها علاقة بالحمل


المرحلة الثانية اثناء الحمل

تم الحمد و لله الحمد بعد سنتين من زواجي
و والله ما كنت مصدقة كانت مفاجاة لاني كنت كل يوم بمر بالسنتين بامل حالي و الامل يكون وهم
طبعا كان اكبر مشكلة عندي النسوان اللي عرفتهن هون
و سؤالهن كل يوم عن حملي ووووو دوامة حشر الانف
يعني اذا بيوم اكلت كثير يحكوا شكلك حامل
و اذا قللت اكل يحكوا الوحام
و اذا ما رحت ع جمعة يحكوا عند الدكتورة و شكلي حامل
و اكبر تفاهة لما يحكولك .......... انت لسه مش مجربة كأنهن هن مخترعات نووي ههه

نيجي لصلب الموضوع لما طلعت حامل و لله الحمد حللت دم و طلعت النسبة عالية و حكت الدكتورة خلينا نعمل سونار
طبعا بس كان يوم اثنين فرحت و ارجعت بهداك اليوم و كان في دم بينزل مني
و حكيت نفس حملي الاول ما خليت بكى بس و لله الحمد كان الدم ينزل كثير و يوقف
فلما فحصت طلع توأم ........ ايوه توأم

انا ما صدقت و بس اطلع بزوجي و زوجي يضحك خخخخخخخخخ
و نحمدالله

المراجعات كانت للتوأم براجع عند دكتورتي مرة و عند اخصائي لمخاطر الحمل مرة
لانه اجهزته مطورة اكثر و كانوا يحترموا انه بدي ست اللي تفحصني و اذا ما كان فيه
كانوا الرجال يضلوا بره و يتفرجوا ع الكمبيوتر من جهاز خارج الغرفة
و بعدين الدكتور يعطي رأيه
و كل ما زادت فترت الحمل بيزيد عدد مرات المراجعة
بكل زيارة كان لازم تحليل للبول
و قياس الضغط
و معظم الاحيان كانوا يقيسوا الطلق و نبض الجنين
و السونار بكل زيارة للاخصائي لازم اعمله
و قياس عنق الرحم

الشي الملفت انه طبيبتي اكرمكم الله مرات كثير كانت هي اللي تلبسني حذائي لما اخلص الفحص هههههه


و بالزبط بالاسبوع 22 كان عند عمل سونار
و ما كان لازم اشوف دكتورتي
بس طلعت اللي بتعمل السونار و غابت شوي و رجعت و حكت الدكتورة بدها تشوفك
هون انا خفت كثييييييييييييير
لانه الممرضة كانت تضل تسألني انت تعبانة و هيك

رحت ع غرفة ثانية و نفس الاسئلة في شي متعبك و نظرات الحزن بعيون الممرضات
و انا احكي لزوجي في شي يقولي بلش وسواسك هههههههه

لما اجت الدكتورة سألتني بتعرفي تحكي انجليزي حكيتلها لألألألألألألأ هههههه
لاني انا بفهم اللي بسمعه و مش كثير بالحكي كنت ففكرت بدها تسألني خخخخخ
فصارت تحكي لزوجي انه مية الراس بدها تنزل و احتمال كبير انه ما نقدر نعمل شي للبنات
بس بدنا نحاول جهدنا انه ما نخلي المي تنزل و لازم فورا اروح طوارئ ع المستشفى
تخيلوا الوضع اللي انا فيه
بكيت بشكل هستيري

رحت ع المستشفى كانت العناية ولا اروع بس بهدا اليوم ما كان في غرف فكنت مع وحدة امريكية

بس طول اللي انا ما نمت و ايدي ع بطني و استغفر الله و اقرأ المعوذات و الله مثل السحر
لما ثاني يوم عملوا سونار حكوا مش عارفين شو اللي صار لحتى عنق الرحم سكر مرة ثانية و بسرعة ههههه
بالمستشفى كانوا حاطين 3 اجهزة جهاز لفحص الطلق و جهازين لفحص نبض البنات
و الضغط كل كم ساعة
و اكرمكم الله حتى البول كانوا يقيسوا كل ما بستخدم الحمام و لازم اكتبه ع ورقة

طلعت من المستشفى بس منعوني من الخروج خارج البيت و لازم اضل مستلقية ع ظهري
لانه الطلق كان بيجيني و من تعب جسمي ما كنت احسه
و مرت 3 شهور و انا ع ظهري بحلوها و مرها من زيارات كثيرة للطبيبة
و الطلق اللي ما كان يوقف الا بحبوب و احيانا بابر
لانه طبيبيتي كان هدفها انه ما تخلي بناتي يدخلوا الخداج نهائي و انهم يعدوا مرحلة الخطر
و الحمدلله وصلت 35 اسبوع و 5 ايام

برجع بحكيلكم قصة الولادة لانه زوجي وصل
سلآلآلآلآلآلآلآلآلآلآلآلآلآلآلآم

يا حبيبتي !!
الله كان بالعون والله
والله حسيت بمعاناتج اختي
يالله الحمد لله على السلامه وقرة عينج بالبنوتات

آآآآآه يا الغربة
كان الله في عونكن

السلام عليكم
انا كتبت جريده طويله عن تجربيتي بس طارت ان شاء الله لي رجعه

كتبت بواسطة amani1

السلام عليكم
انا كتبت جريده طويله عن تجربيتي بس طارت ان شاء الله لي رجعه

جريدتك يعني قد جريدتي هههههههههههه

انا طلعت اشطر منك لانه لما استرسلت بالكتابة كنت كل ما اكتب شو ي اعمل نسخ ههههه

ما شاء الله لا قوة إلا بالله
حمد الله على سلامتك يا جميل
وربنا يخللى لك البنوتات ويحفظهم لك

الحمدلله على السلامة ملكة
وربي يخلي العرايس يارب
فعلا بالخارج اهتمام وتحسين بالراحة
اما عن تجربتي في الولادة ببريطانيا فهي كالاتي

اول شي انا رحت بريطانيا بعد فرحي ب3 ايام
لكن ما حملت لبعد سنة
طبعا قبل سنة بشهر من زواجي رحت للدكتورة وانا خايفة ليش ما صار حمل؟
وتوقعت تعملي تحاليل مثل ما عندنا ببلدي لكن قالتلي لما يصير الك سنتين متزوجة نحكي هلا روحي عالبيت واستني هههههههههه
خصوصا اني حملت بس اجهضت لما كان عمر لبيبي اسبوعين بس وهذا بعد ست اشهر من زواجي

المهم رجعت للبيت انا وزوجي وسبحان الله الشهر اللي بعدها ما اجتني الدورة وحللت وطلعت حامل ومومصدقة وااااااااااااااو

وبدانا رحلة المراجعة
تبتدي معك الميدوايف(القابلة)
بالفحوصات ويجيبون ملف ممتلئ بالاسئلة لييييييييييييين مليت انا وزوجي طبعا فيه اسئلة الي وفيه لزوجي
عن التاريخ المرضي لينا ولعائلاتنا كمان هههههههههههههه
وحملوني كتب وكتيبات وسيديهات واوراق للنصائح والارشادات ورجعت وكاني راجعة من المدرسة اول يوم ههههههههههههه
وعملولي التراساوند وشفت بنوتي لاول مرة
وكانت لحظة لا توصف بجد

ورحنا بعد 3 اسابيع عملنا تحليل بول اكرمكم الله ونسمع دقات قلب بنوتي وتفحص البطن بايديها وتقيس الضغط
وبعدها بكل مرة نفس الشئ
ولما دخلنا بالسابع صرت اروح مرة كل اسبوعين
وبعدي بالثامن مرة كل اسبوع
طبعا الالترا ساوند عندهم تنعمل مرتين بس مرة بالشهر ال3 ومرة بال5
بس انا عملولي كمان بال9 لانه البنوتة شكوا انها قلبت راسها لفوق بس الحمدلله كل شي رجع طبيعي

المهم يوم الولادة

من الصبح عندي الالام مثل الدورة لكن خفيفة تجي وتروح
وعند الساعة 11 بالليل اجتني الانقباضات وكانت خفيفة حكيت مع المستشفى بالتيلفون
قالولي احسبي الانقباضات لازم يكون انقباض كل 3 دقائق لاني بكرية
وصارت الانقباضات تزيييييييييييييييييد وانا اتوووووووووووووووجع
وعالساعة 3 انفتح الماء عندي
حكيت معهم قالولي تعي فوراااا
وفعلا رحت غسلت جسمي ولبست واخذت الحقيبة ورحت كان المستشفى مقابل لشقتي هههههههههه
واخذوا عينة من الماء وحللوها وشافت الرحم قالتلي مفتوح 4 ونص
ونقلوني لجناح الولادات الطبيعية
حطوني بغرفة لحالي واجتني القابلة وعاها كرة كبيرة تبع الرياضة قالتلي اقعدي عليها تخفف الالام
وجابتلي كاس مي ومسجلة مشان الموسيقى خخخخخخخخخخخخخ(مو ناقصني غير موسيقى ههههههههه)
وضلت معي لحالها
وولدت عالساعة 6 الصبح والحمدلله
عطتني بنتي اضمها قبل ما يقطعوا الحبل السري ودخل زوجي هو اللي قطع الحبل
اخذوا البنوتة وزنوها وفحصوها وعطوها جرعة فيتامينK
وبعدين خلو زوجي مع البنوتة والممرضة بالغرفة مشان يلبسوها
وانا دخلت للحمام تشطفت وكانت بدها تدخل معي الممرضة بس رفضت وبعدين اخذوني ع كرسي لغرفة الخياطة وخيطوني
وبعدي رجعوني لغرفة الولادة ولقيت امورتي مع باباها وجابتلي القابلة فطور وهنئتني ورجعت ع بيتها

بعدها نقلوني لغرفتي انا والبنوتة وحطولي سير بايدي وسير بايدها وجهازانذار لو طلعت بره الغرف يتقلب المستشفى هههههه
وما رضيت ظل اكثر من يوم
رجعت عالبيت
وصارت القابلة تجيني كل 4 ايام تفحصني وتوزن البنوتة وتفحصها وتجاوب ع اسئلتي وبعد 20 يوم صارت تجي مرة كل 6 او 7 ايام
وبعد ال 40 يوم تروحي للمستشفى يفحصوكي ويفحصوا النونو واعطتني كتيب للموانع
وخلااااااااااااااااااااص
عقبال لكل مشتهية وحامل وعزابية

عقبال لكل مشتهية وحامل وعزابية

إن شاء الله يارب عقبال للكل

على سبيل ذكر الجرايد بنات هناك حفظ للكتابة أوتوماتيكي
لما تكتبي هو يعمل حفظ للموضوع
ولما تخطئي أو يذهب يكتب لك في أسفل الرد بالأصفر استرداد المعلومات تلقائيا ، تضغطي عليه وكل شيء يرجع لكِ من جديد

تحياتي للغاليات

لي عودة