السلام عليكم ورحمة الله وبركاته
بتمنى كل الأخوات يكونوا بألف خير ، صارلي زمان ما دخلت على المنتدى فيمكن الموضوع اللي بدّي اطرحوا يكون انطرح قبل ما بعرف، المهم إنّو بدّي تساعدوني بالافكار والتجارب لو تكرمتم
انا عايشة بالمانيا والمدينة اللي أنا عايشة فيها ما فيها عرب كتير يعني رمضان ما بحسو فيه الأطفال لو ما عملنا مجهود معاهم
أنا عندي أفكار بدّي أطبقها ان شاء الله مع بناتي عمرهم 6 سنين و 3 سنين يعني إنّو نعمل سوا ديكورات من الورق مكتوب عليها رمضان مبارك وكمان بفكر اعمل معاهم يومية لشهر رمضان كل يوم أكون مكتوب فيه شي يسعد الأطفال ...
بتمنى تحبو فكرتي وتشاركوني بأفكاركم

فكرت إنّو كتير منكم وخصوصا اللي عندهم أطفال بعانو من نفس المشكل
يعني فبلادنا ما بنحتاج نعمل اجواء خاصة لهيك مناسبات دينية لانو الحمد لله كل الطقوس بتخلي الواحد كان صغير او كبير بيعيش هالفرحة بحلول رمضان او العيد ...
بس احنا هون للأسف عّم ندفع ضريبة الغربة وخصوصا أولادنا ما يذوقو طعم هالمناسبات الدينية المهمة في حياتنا كمسلمين
فالواجب علينا كاهل على الأقل نعيشهم هالأجواء ببيوتنا ونحسسهم باهمية هالشي ....
لهيك أنا كتبت هالموضوع وتمنيت يكون فيه تفاعل ونستفيد من بعض

فكرة رائعة

شكرًا على الاهتمام بالموضوع

أفكار جميلة شكرا ليلى .. أنا كمان بأحب أعمل زينة رمضان الورقية وبأقوم بغسل سجاجيد الصلاة وتعطيرها بالمسك إستعدادا للقيام في هذا الشهر الفضيل وتنضيف المنزل بمشاركة الأولاد علشان يشعروا إن رمضان ضيف غالي ننضف له البيت ونستعد ونصلي بأجمل الثياب

السلام عليكم ورحمة الله
اهلاً ليلى مع سحابة
مغتربة مثلك وحبيت
اخبرك انه هذا الموضوع
فادني جدا جدا واقتراحات
الاخوات ممكن تستعيني
فيه وهذا رابط الموضوع بالحوار

رمضان وأبواب الخير .. شاركونا مقترحاتكم ツ

كل سنة بتمر بقول فيها لزوجي بدنا نزيين لرمضان و بيمر الوقت و بنعملش شي، اما هاي السنة كنت اول ما خلص كريسماس شريت شوية أشياء على التخفيض باقل من دولار و استعملتهم لادخال البهجة في قلوب اولادي، و زيننا زينة بسيطة و ان شاء الله لما يحضر العيد بنزين بزيادة شوي
الاخت بوادي مرة كلمتنا عن فكرة اوراق شجر بعدد ايام رمضان و كل يوم اولادها بيقطفوا ورقة، نفذت الفكرة لأولادي لكن زدت عليها انه كل ورقة مكتوب عليها شي معين خاص بهاليوم، مثل تسبيح ١٠٠٠ مرة او حفظ حديث جديد او قيام الليل او مشوار للمسبح او خبز كيكة أشياء ليها علاقة بالدِّين و أشياء للمتعة و اولادي كثير متشجعين هالسنة غير عن غيرها، و عدتهم لكل سورة بيحفظوها من جزء عم راح يكون ليهم هدية فيها بس بجمع الهدايا ليوم العيد ان شاء الله.
قبل لا بدا رمضان قمنا بحملة تنظيف و تجديد بالبيت و غيرنا عفشنا و ديكورنا (لانه كان قديم كثير عمرة كان ١٠ سنوات و شوي) و برضة الصلاة بنصليها جماعة قدر الإمكان.
اولادي أعمارهم ١٢ و ٩ و سنتين و نص
راح أدور على الصور و انزلها

للاسف باقي الصور بيبانوا فيها اولادي، (لا تدققوا الهلال اللي طالع كأنه موزة، كان حلو و وقع عن الحيط و لما زوجي رجع رفعه و رتبه طلع شكله موزة و على فكرة هو عبارة عن سلك طويل من اللي بيعينوا فيها لكريسماس، بيبيعوا عنا زينه رمضان لكن حبيت اعمل شي بيدي انا و الاولاد و هاد اللي طلع معانا)

افكار رائعة
وجدت العديد من الاخوات يبدين اهتماما بزينة البيوت في الاعياد ورمضان
اكثر مما نفعل في دولنا العربية
وعندما سألت عن السبب
اخبروني انهم يفعلون ذلك لتعزيز الدور الديني في نفوس الاطفال
حيث ان النصارى يزينون في مناسباتهم المختلفة مثل الهالوين والكريسماس ويوم الشكر وغيره


كل التحية لكم يا اخواتي
اعانكن الله وثبتكن