انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 12

الخروج من نطاق الأمان ..... زيارتنا للجئ بورما

(ملتقى المغتربات والمبتعثات - منتديات لكِ النسائية - الأرشيف)
...
  1. #1
    صاحبة الـ@ـسك's صورة
    صاحبة الـ@ـسك غير متواجد مشرفة ملتقى المغتربات
    تاريخ التسجيل
    Apr 2007
    الموقع
    كوسة وبط سابقا ....مصرية فى بلاد العم سام- أمريكا
    الردود
    7,847
    الجنس
    أنثى
    التكريم
    • (القاب)
      • همة نحو القمة
      • متألقة صيف 1432هـ
      • مبدعة صيفنا إبداع1431هـ
    (أوسمة)

    الخروج من نطاق الأمان ..... زيارتنا للجئ بورما

    السلام عليكم حبيباتى فى لك مغتربات وغير مغتربات .... أتمنى تكونوا بصحة جيدة وفى أحسن حال إن شاء الله

    أنا بقالى فترة بأكتب فى مدونتى وبأحاول أطبق فى حياتى مبدأ جديد على وفكرة جديدة على وهى فكرة الخروج من نطاق الراحة والأمان

    نطاق أو دائرة الأمان هى ببساطة دائرة خيالية بنحوط بيها أنفسنا ومش بنحب نخرج بره الدائرة دى .. إما لخوفنا من الفشل أو خوفنا من سخرية الآخرين أو كسل أو تراخي .. ويعدي بينا العمر ونرجع نقول كان نفسنا نعمل كذا وكذا ونبدأ بلوم الظروف والناس اللى حوالينا


    المهم أحب أنقل لكم تجربة من تجاربى فى الخروج من هذه الدائرة


    من فترة كنت سمعت عن كوميونيتي للاجئين اللى جايين من بورما .. وطبعا كالعادة أسهل حاجة أو يعني اللى بييجي على البال إن الواحد يبعت لهم تبرعات عينية أو مادية لشخص موثوق فيه وخلاص .. لكن الحقيقة ربنا هدانى لتفكير أبعد من كده


    لما كنت بأسمع محاضرات الدكتور الفقى -رحمه الله – قررت إنى أخرج من دائرة الراحة والأمان بتاعتى وقلت لأ لازم أروح لهم وأشوف إحتياجاتهم إيه .. مش بس بالفلوس والتبرعات .. مش يمكن محتاجين حد يسمعهم .. مش يمكن محتاجين مساندة نفسية ومعنوية أكثر من المساندة المادية مش يمكن محتاجين تعاطف .. محتاجين حد يطبطب عليهم ويسمع اللى مروا بيه والجحيم اللى هم جايين منه؟ لازم يستشعروا إن المسلمين مش سايبينهم كده



    وبرضه كنت خايفة عليهم من جماعات التبشير ... ممكن يستلموهم ويساعدوهم وإنتوا عارفين الباقى

    والحقيقة قدمت رجل وأخرت عشرة فى الموضوع ده .. مش عارفة ليه .. كل شوية نفسى الأمارة بالـ .. تقول لى يا شيخة لسه هتدبى المشوار .. لسه هتروحى إبعتى تبرعات وخلاص مش مهم .. لكن قلت فى نفسى لازم أحاول أرتفع بنفسى شوية .. وأتمنى من الله أن يتقبلها منى


    توكلت على الله أنا وزوجى وفضلنا ندور لغاية لما ربنا هدانا ولاقينا نمرة واحد كنا فاكرينه شيخ الجامع بتاعهم .. كلمناه وحددنا ميعاد للمقابلة وكانت المقابلة


    طبعا طول الطريق قعدنا نشرح للأولاد الموقف وإيه الحكاية وإيه اللى بيحصل علشان يكون عندهم فكرة عن الموضوع





    الحقيقة أول ما روحنا هناك كنت حاسة إنى مخنوقة ومش عارفة أتكلم … حسيت بالفقر والجوع والجهل والتخلف والتشرد اللى بقت أمتنا فيه .. إفتكرت الغلابة فى بلدى وفى كل حتة .. إفتكرت المذابح فى سوريا وبورما وفلسطين .. إفتكرت.. واللا بلاش خلينا فى موضوعنا


    أول ما وصلنا قعدوا الناس يبصوا لنا والأطفال تلف حوالين العربية زي ما يكون منتظرين يشوفوا جايبين لهم إيه .. المنظر تعبنى نفسيا وقهرنى على حالنا .. حقيقي


    قابلنا الشيخ رشيد .. هو مش شيخ الجامع لكن هو اللى بيحفظهم القرآن بالجامع


    سألناه هل ينفع نتقابل معاهم ونتكلم معاهم لكن للأسف ما يعرفوش إنجليزي مش هنعرف نتفاهم معاهم ودى كانت أول صدمة لى ما عملتش حسابها كان نفسى آتكلم معاهم ويفضفضوا معانا ويلعبوا مع الأولاد و و … المهم


    سألناه بييجوا هنا إزاى قال الدولة هنا فاتحة لهم دراعها زى ما بنقول بالمصرى ومفيش دولة تانية بتآخدهم على حسب ما فهمت من الشيخ رشيد ..هم بيهربوا لماليزيا أو بنجلاديش ومن هناك على السفارة ويآخدوا لجوء لأمريكا

    الدولة هنا الأول بتحطهم فى برنامج إسمه الـ ٨ شهور تعمل لهم إعانة لمدة ٨ شهور لغاية لما يوفقوهم فى عمل تبع إمكانياتهم ودراستهم .. لو ما لقوش عمل فى الفترة دى بيقدموا على برنامج إسمه الـ ٥ سنين وده صعب قوى قوى يتقبلوا فيه


    سألناه عن حالهم قال إنهم زهقانين وأغلبهم عايز يرجع تانى ماليزيا أو يرجع بورما ويقف فى وش الجماعات اللى هناك .. قال لنا حكومة بورما بتقول إنها مش بتحارب الروهينجا لكن الحقيقة إنها حرب عرقية وبتمد جماعات وقبائل تانية فى المنطقة بالسلاح وخلافه علشان يموتوا المسلمين ومش بيعملوا لهم أى إجراءات علشان يوقفوهم أو يقبضوا على اللى بيعملوا المذابح دى





    سألته عن إحتياجاتهم .. قال الدولة فى أول ٨ شهور بتدفع لهم الإيجار والمية والكهربا وخلافه وبيآخدوا فلوس للأكل فقط




    Food stamps


    أكبر إحتياج ليهم هو الملابس وأكيد طبعا السيدات عنهم مش بيلاقوا ملابس بسهولة ليهم علشان تكون ملابس مسلمات محجبات

    أكتر حاجة ضايقتنى إنهم مش بيودوا أولادهم للمدراس!!! قلنا له ليه قال لى هم متعودين على كده عيشتهم على طول كده بيحفظوا قرآن فقط لكن مدراس لأ .. بصراحة إتضايقت وقلنا له يحاول يقنعم لأن المدراس هنا ببلاش والتعليم كويس ليه ما يعلموش الأولاد ويساغلوا الفرصة اللى ما كانتش متاحة ليهم فى بلادهم


    طبعا المكان والمنطقة اللى هم عايشين فيها يعني مش كويسة .. بس أكيد أحسن من عيشتهم فى بورما .. وأكيد أحسن من عيشة ناس كتير فى بلادنا على الأقل مش ساكنين فى مقابر واللا فى مناطق كلها زبالة .. وبيوصلهم مية نضيفة وصرف صحى ومش عايشين فى خيام إيواء




    فى طريق العودة الأولاد كانوا متضايقين إنهم ما لعبوش معاهم .. وطبعا إدونى كلمتين من بتوع الأمريكان من نظام


    It is boring and it is not fair

    والكلام اللى كلكم بتسمعوه ليل مع نهار .. وأكيد إستغليت الفرصة وإتكلمت معاهم عن إن مش كلنا بيبقى معانا فلوس ومش كلنا بنجيب كل اللى نفسنا فيه .. ولازم الواحد يبص للى أقل منه ويقول الحمد لله .. وقلت لهم شايفين الأولاد دول ما عندهمش إكس بوكس واللا آيباد والكلام ده ولا حتى عندهم كمبيوتر ولا إنترنت كل اللى عندهم كورة بيلعبوا بيها مع بعضهم وخلاص … لكن بيعرفوا يلعبوا وبيتبسطوا مش لازم يكون عندنا كل حاجة علشان نتبسط

    بص لى إبنى الكبير وهو منبهر وبيقول لى: معقووول ما عندهمش إنترنت!!! حاجة غريبة قوى إزاى ده

    طبعا ضحكت فى سري.. آآآه يانى العيال دي مرفهة قوى لا إله إلا الله .. لازم يشوفوا الجانب الآخر من العالم


    لو عايزين تعرفوا أخدت لهم إيه؟ أقول لكم

    أخدت لهم حاجات بسيطة ملابس من الأولاد ولزوجة ولى .. الحقيقة بعت عبايات وإيشاربات كتير عندى أنا مش محتاجة كل ده … حطيت فى بالى إنى بأستر مسلمة والحقيقة الشعور ده جديد على قوى ومبسوطة منه وحبيت أتشارك معاكم فيه

    بعت لهم إسدالات الصلاة اللى كانت عندى كلها وقلت أنا نازلة مصر إن شاء الله أبقى أشترى تانى وأبعت لهم .. كمان بعت حاجات كانت عندى فى البيت إشتريتها بالكوبونات وحاجات أخدتها فرى


    الحقيقة وبيني وبينكم أول مرة أكون مبسوطة قوى كده من موضوع الكوبونات ده !!! لقيت ليه فايدة كبيرة قوى … فايدة مش فى الدنيا .. فايدة إن شاء الله فى الآخرة بس ربنا يتقبل


    التجربة اللى مرينا بيها علمتنى إزاى أعيش ببساطة ومش ضرورى كل حاجة تبقى عندى دلوقتى حالا .. علمتنى أقرص على نفسى شوية وإزاى أدور على وسائل للتوفير وعلى البدائل .. العيش ببساطة خلانى أساعد الناس علشان تقدر ببساطة تعيش


    هدفى من الموضوع ده إنى أشجعكم … يا جماعة يا اللى فى أمريكا أو فى كندا أو فى أى مكان .. إسألوا على إخوانكم المسلمين .. إسألوا على اللى تعبانين .. دوروا هل فيه فى بلادكم أماكن تجمع للناس من الروهينجا … ناس من سوريا .. مسلمين محتاجين مساعدة .. مستضعفين محتاجين نصرة من أى نوع .. مادية أو معنوية

    محدش يقول المثل البايخ ” اللى يحتاجه البيت يحرم على الجامع ” ده مثل أنانى وخاطئ ١٠٠٪ من وجهة نظرى .. يا جماعة مدوا إيدكم للمحتاجين .. مدوا إيدكم ليهم ما تبخلوش بفلوسكم .. ولو إتبرعوا بوقتكم فى مساعدة حد .. جار أو جارة محتاجين مساعدة … ناس كبيرة فى السن .. تطوعوا للعمل الخيري يعني ممكن تتبرعوا بوقتكم حتى للمكتبات العامة مش ضرورى يبقى للمسلمين وبس… لأ كمان حاولوا تساعدوا فى المكان اللى إنتو فيه هتدوا إنطباع حلو عن العرب والمسلمين وده فى حد ذاته هدف كبير


    فكرة تانية .. ممكن تحددوا أسبوع من كل شهر تتبرعوا فيه بالفلوس اللى وفرتوها بالكوبونات .. ولو نص دولار .. وإتبرعوا بيه للجامع أو إعملوا حصالة وحطوا فيها الفلوس ومرة على مرة هتعمل مبلغ إوهبوه لفعل الخير بأى مكان فى العالم


    إخرجوا برة الدائرة هتلاقوا إنكم تقدروا تعملوا حاجات كتير .. بس إتشجعول وإطلعوا برة .. ومهما كان اللى هتعملوه قليل لكن بيساعد أكيد


    أخيرا أحب أحط لكم رقم واحد بيساعد الفارين من بورما فى أمريكا هو بولاية أوريجون الأمريكية .. أخدنا رقمه من الشيخ رشيد وإستأذناه إننا نقول للناس عليه .. لكن لم أستأذن الشخص نفسه وأعتقد مش هيكون عنده مانع .. اللى يحب يساعد يتصل بيه يسأله ممكن يساعد إزاى وإسألوه يمكن يكون يعرف مكان تجمع الروهينجا فى ولايتكم .. وجزاكم الله خيرا


    Abdurauf (OR) : 503-799-0997


    معلش الموضوع طويل وأتمنى إنكم ما تكونوش زهقتوا منى ويا رب تكونوا إستفدتوا منه
    ديدي الكن و amani1 و MARWAH و 3 وأخرون أعجبهم هذا.

    زورونى فى مدونتى .... مدونة مغتربـــــة

    حكـــايتى فى الغـــربة .... من الــ ..... إلى الــ ...... ✿متميز✿الجزء 1

    ☆$$رحلتى مع التوفيــــر .... إستخدام الكــــوبونـــات $$☆ الجزء 2 *تجربة ناجحة

    ☆$$رحلتى مع التوفيــــر .... منين أجيب الكــــوبونـــات؟؟؟ $$☆ الجزء 3+ردود قيمة

    ☆$$رحلتى مع التوفيــــر .... لعـــبة الصيدليـــــة؟؟؟ $$☆ الجزء 4 *تجربة ناجحة

    ☆$$رحلتى مع التوفيــــر .... إيه هو البرايس ماتش؟؟؟ $$☆الجزء 5 *تجربة ناجحة+ردود قيمة

    $ رحلتى مع التوفيـر ..نصائح للتقليل من فاتورة الكهرباء ُ Energy Bill $ ج 6 ☆ردود قيمة






    ♥●♥ ركــــن الأطبـــاق ♥●♥ تفريـــز الوجبات ♥●♥ المعجنـــــات ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥ الحلـــويـــــات ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥أطباق من اللحم ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥ وصفـــــات الفراخ ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥ مقــدمـــــة ♥●♥
    .. بـــدائـــل لمنتجات الألبــان المتنوعة .... من معمل بطوطة ..
    ☆☆ الديــــــــكـ الرومــــــــيـ يـــــا جمالــــــــــه مــن بطوطــة ☆☆

    ⁂彡 كيــــك الكــــوكاكـــولا .... روووعة من مطبخى سااااااخنة بااااردة












  2. #2
    *سهام الليل*'s صورة
    *سهام الليل* غير متواجد زهرة لا تنسى - همة نحو القمة
    تاريخ التسجيل
    Mar 2007
    الموقع
    بين احبابي
    الردود
    4,275
    الجنس
    أنثى
    التدوينات
    2
    التكريم
    • (القاب)
      • لؤلؤة الاحسان
      • متميزة صيفنا إبداع 1431هـ
    (أوسمة)
    جزاك الله خيرا مسوكة على احساسك الرقيق وقلبك الطيب ,الانسان المسلم لازم يهمه امر المسلمين اينما كانو ومثل ما قلت الواجد يتقرب من المهمومين حتى يتعرف على مشاكلهم اكثر ويحمد الله في كل ثانية على النعم الي يتمتع بها بدون ما يحصيها .ولا يمكن يحصيها .
    مع كل الظروف التي يعيشونها اللاجئين في امريكا يبقة حالهم احسن بكثير منن بم يتسنى لهم الفرار من جحيم الموت والتقتيل في بورما .
    اسال الله تعالى ان يرفع الظلم عنهم وعن كل المسلمين في العالم .
    جزاك الله خيرا ةبارك الله فيك
    انا رجعت الي لمة الاحباب
    إذا لم تقدر على قيام الليل، ولا صيام النهار، فاعلم أنك محروم، قد كبلتك الخطايا والذنوب.
    الحسن البصري






  3. #3
    MARWAH's صورة
    MARWAH غير متواجد مشرفة ملتقى المغتربات-متميزة أركان الأطباق
    تاريخ التسجيل
    Oct 2007
    الموقع
    manchester
    الردود
    5,597
    الجنس
    امرأة
    التكريم
    • (القاب)
      • المحققة الحكيمة
      • أميرة العيد
      • سيدة واعية
      • سفيرة المغتربات 2
      • الحامل الذكية
      • الوصيفة الأولى
      • حوارية متميزه
      • ريحانة الرشاقة 2013م
    (أوسمة)
    بارك الله فيكي مسوكة زيارتك كانت إنسانية جدا وثوابك عظيم جدا
    وفتحت عيوننا على أمور جديدة ما كنت منتبهتلها
    ربي يعينهم ويوقف معهم ويعين أهلنا ببلادنا أيضا
    صاحبة الـ@ـسك أعجبه هذا.

  4. #4
    * شهدوده *'s صورة
    * شهدوده * غير متواجد كبار الشخصيات
    تاريخ التسجيل
    Jan 2009
    الردود
    12,299
    الجنس
    امرأة
    التدوينات
    1
    التكريم
    • (القاب)
      • إبداع وإبتكار
      • درة صيفنا إبداع 1432هـ
      • شعلة العطاء
      • مبدعة صيفنا إبداع1431هـ
      • شعلة العلم
    (أوسمة)
    ماشاء الله
    بوركتي ياغالية
    زيارة يتمناها كل مسلم فعلا
    الله يفرج همهم ويرزقهم الصبر
    كل كلمات الشكر لا تفي حقك في طرح الموضوع
    جزاك الله خيرا
    صاحبة الـ@ـسك أعجبه هذا.
    أَسْتَوْدِعُكُمْ الله الّذِي لاَ تَضِيعُ وَدَائِعُهُ

  5. #5
    شذى الورد 2014's صورة
    شذى الورد 2014 غير متواجد عضو نشيط
    تاريخ التسجيل
    Oct 2011
    الموقع
    بين أحبابي
    الردود
    241
    الجنس
    أنثى
    التكريم
    (أوسمة)
    بارك الله فيكي مسوكة زيارتك كانت إنسانية جدا وثوابك عظيم جدا
    وفتحت عيوننا على أمور جديدة ما كنت منتبهتلها
    ربي ساعدهم ان شاء الله ويبعد الظلم عنهم
    صاحبة الـ@ـسك أعجبه هذا.

  6. #6
    ام اروى 86 غير متواجد مربية ناجحة
    تاريخ التسجيل
    Apr 2013
    الردود
    1,277
    الجنس
    امرأة
    التكريم
    • (القاب)
      • متميزة ركن الأمومة والطفولة
    (أوسمة)
    ماشاء الله عليكى ربنا يجعل كل ما قمتى به فى ميزان حسناتك
    مش عارفة فى اخوة من بورما فى كندا ولا لأ
    لانى لم اقابل منهم الااخت واحدة فى حضانة الاولاد
    ان شاء الله نبحث عنهم ونساندهم هذا اقل واجب علينا
    رفع الله الظلم عن كل المسلمين وفرج كربهم فى كل مكان
    صاحبة الـ@ـسك أعجبه هذا.

  7. #7
    tuta.'s صورة
    tuta. غير متواجد الفائزة الاولى فى مسابقة المرأة فى الإسلام
    تاريخ التسجيل
    Mar 2012
    الموقع
    USA
    الردود
    1,430
    الجنس
    أنثى
    التكريم
    (أوسمة)
    بارك الله فيكي مسوكه، بتعرفي شفت موضوعك و رحت بعده لتارجيت لقيت ثلاثه سود كبار بالسن متحمعين عند العصير اللي بدي اخذه شوي و اسب عليهم شايفيني جايه بدي عصير و هن مش متحركين من مكانهم بعدين سمعتهم بيحكوا مع بعض بيتناقشوا نقاش حاد بس مو بالانجليزي افتكرت موضوعك قمت قلت ليكونوا منهم همممممممم بس خلصت الحكايه بس يو نو غيرتي نظرتي للسود مش كل اصابعك زي بعضها
    صاحبة الـ@ـسك أعجبه هذا.

  8. #8
    Mi*Mi's صورة
    Mi*Mi غير متواجد مبدعة دورة تعليم الأمهات اللغة الانجليزية
    تاريخ التسجيل
    Mar 2009
    الموقع
    أينما قدر لي... مصريه فى الامارات
    الردود
    2,184
    الجنس
    امرأة
    التكريم
    • (القاب)
      • مبدعة دورة تعليم الأمهات اللغة الانجليزية
    (أوسمة)
    تجربه رائعه بارك الله فيك و اسرتك الجميله
    فعلا لازم نخرج بره الدايره اللي حوطنا نفسنا بيها و حرمنا نفسنا من متعه تقديم الخير للاخرين
    صاحبة الـ@ـسك أعجبه هذا.

  9. #9
    -جنان-'s صورة
    -جنان- غير متواجد مشرفة ركن اللغات
    تاريخ التسجيل
    Sep 2007
    الموقع
    في مغربي الحبيب
    الردود
    12,771
    الجنس
    امرأة
    التكريم
    (أوسمة)
    بارك الله فيك اختي صاحبة المسك و كتب لك اجر هذه الزيارة الانسانية
    واساله تعالى ان يفرج هم اخواننا في بورما و سوريا و فلسطين و مصر
    صاحبة الـ@ـسك أعجبه هذا.

    الله يرحم زوجك غاليتي عهودة و يربط على قلبك

  10. #10
    صاحبة الـ@ـسك's صورة
    صاحبة الـ@ـسك غير متواجد مشرفة ملتقى المغتربات
    تاريخ التسجيل
    Apr 2007
    الموقع
    كوسة وبط سابقا ....مصرية فى بلاد العم سام- أمريكا
    الردود
    7,847
    الجنس
    أنثى
    التكريم
    • (القاب)
      • همة نحو القمة
      • متألقة صيف 1432هـ
      • مبدعة صيفنا إبداع1431هـ
    (أوسمة)
    مشكورات يا غوالى على دخولكم وأتمنى الموضوع يكون أفادكم ورمضان كريم علينا جميعا ولا تنسوا مصر فى دعاءكم أرجوووووكم وكل بلاد المسلمين

    زورونى فى مدونتى .... مدونة مغتربـــــة

    حكـــايتى فى الغـــربة .... من الــ ..... إلى الــ ...... ✿متميز✿الجزء 1

    ☆$$رحلتى مع التوفيــــر .... إستخدام الكــــوبونـــات $$☆ الجزء 2 *تجربة ناجحة

    ☆$$رحلتى مع التوفيــــر .... منين أجيب الكــــوبونـــات؟؟؟ $$☆ الجزء 3+ردود قيمة

    ☆$$رحلتى مع التوفيــــر .... لعـــبة الصيدليـــــة؟؟؟ $$☆ الجزء 4 *تجربة ناجحة

    ☆$$رحلتى مع التوفيــــر .... إيه هو البرايس ماتش؟؟؟ $$☆الجزء 5 *تجربة ناجحة+ردود قيمة

    $ رحلتى مع التوفيـر ..نصائح للتقليل من فاتورة الكهرباء ُ Energy Bill $ ج 6 ☆ردود قيمة






    ♥●♥ ركــــن الأطبـــاق ♥●♥ تفريـــز الوجبات ♥●♥ المعجنـــــات ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥ الحلـــويـــــات ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥أطباق من اللحم ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥ وصفـــــات الفراخ ♥●♥
    ♥●♥ ركــــن الأطبـــاق ♥●♥ تفريـــز الوجبات ♥●♥ مقــدمـــــة ♥●♥
    .. بـــدائـــل لمنتجات الألبــان المتنوعة .... من معمل بطوطة ..
    ☆☆ الديــــــــكـ الرومــــــــيـ يـــــا جمالــــــــــه مــن بطوطــة ☆☆

    ⁂彡 كيــــك الكــــوكاكـــولا .... روووعة من مطبخى سااااااخنة بااااردة












مواضيع مشابهه

  1. زيارتنا لمطعم واحد فول..((ركن السياحة))..
    بواسطة ابداعات مكنونة في السياحة والسفر
    الردود: 32
    اخر موضوع: 25-07-2011, 07:01 PM
  2. اللهم آمين ،،آمين ،،آمين....
    بواسطة eltizem في روضة السعداء
    الردود: 1
    اخر موضوع: 11-12-2009, 01:25 AM
  3. يت المغربيات عموما ولكل من تود زيارتنا مرحبا بكن**77**
    بواسطة رضى الروح في ركن الألعاب والترفيه
    الردود: 10
    اخر موضوع: 16-05-2007, 06:13 PM
  4. *** محتارين مع سيارتنا اللي يعرف يقول لنا !!! ***
    بواسطة lola7 في نافذة إجتماعية
    الردود: 7
    اخر موضوع: 27-04-2006, 12:48 PM
  5. *** محتارين مع سيارتنا اللي يعرف يقول لنا !!! ***
    بواسطة lola7 في الملتقى الحواري
    الردود: 3
    اخر موضوع: 24-04-2006, 08:43 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96