انا مغتربه بالنمسا بقالى10شهور ومتزوجه من8سنوات وجى كان فى النمسا وانا كنت فى مصر وبعدين انا كنت رافضه الغربة وبعدكده جيت وياريتنى ماجيت انا مخنوقه ومش شايفه اى ميزه ان انا اقعد هنا اولا تعليم بنتى المانى واعر انه مالوش اهميه وهى كانت تتعلم انجليزى ومستواها مش حلو انا لا اعرف المانى ومش قادره افيدها ثانياانا كنت بشتغل فى مصر وبعدين الشقة ضيقه جدااااااااااااااا وانا مش واخده على كده ابنى بقاله 3شهور رافض الاكل وش عارفه ماله بصراحه البلد صعبة اشعر بجو كله معاصى مش قادرة اتكيف وعاوزة ارجع مصر ومش عارفه اقول لزوجى ايه

أختي في الله أم يوسف ربنا يهون غربتك, دائما الأشهر الأولى صعبة في الغربة و لازم الصبر عشان الواحد يتعود و يتأقلم
بالنسبة لدراسة أولادك هذه نقطة مهمة جدا أختي لازم تحكي فيها مع زوجك, يعني لو قررتوا مثلا الرجوع لمصر ماذا ستفعلوا من هذه الناحية ام أنكم مثلا ناوين تبقوا في النمسا لحد ما الأولاد يخلصوا الدراسة؟
حاولي تعرفي لو المدرسة توفر لكم مدرس مساعد لأولادك يعطيهم حصص بعد الجوام العادي, أو مثلا هل ممكن تحطيهم في مدارس تهتم بمن اللغة الألمانية ليست لغته الأم
طولي بالك أخيتي, إنت من داخل نفسك رافضة العيش في النمسا لذلك تنظرين للأشياء السلبية أكثر و ربما تتغاضين أو لا تستطيعين رؤية الأشياء الإيجابية. ليس لي فكرة عن النمسا لكن ربما هناك إيجابيات في هذا البلد
من كلامك نستخلص أن الحل الوحيد هو العودة, لكن يا غالية لو العودة شبه مستحيلة لكم في هذا الوقت الراهن فكري كيف تتأقلمي مع الوضع و تقلصي السلبيات قدر المستطاع
فوضي أمرك لله و إن شاء الله يجعلك مخرج من حيث لا تحتسبي
إبحثي عن مغتربين مسلمين في المكان الذي تعيشين فيه و إسأليهم عن تجاربهم
وفقك الله لما يحبه و يرضى و أسأله تعالى أن يرضيك بما قسمه لك

جزاك الله خيرا اختى ام عبدالله الله اسال اان يبارك لك فى حياتك

إنا برأيي انتي ابدأي سجلي دورات لغة واتعلمي الألمانية بتستفيدي منها بعدين
واعملي متل ما قالتلك أم عبد الله بالنسبة للمدرسة اسالي عن دروس خصوصي تابعة للمدرسة واحكي مع المدرسة بوجود مترجمة مشان تعبري عن يلي بدك ياه
ومن ناحية تانية ناقشي الأمر مع زوجك بالهدوء وحطو النقاط على الحروف وادرسو السلبيات والإيجابيات
ربي يهونها عليكي غاليتي
تقبلي مروري

أولا : أهلا بيكي وسطنا مغتربة جديدة كتكوتة حلوة وإن شاء الله تتبسطى معانا
ثانيا : كلنا تقريبا كنا هنتطلق أول ما إغتربنا هههههه فاكرانى بأهزر
أنا كنت خلاص على وشك إنى أنا وزوجى نضرب بعض ... طبعا الرجال بيحبوا العيشة فى الدول الأجنبية للنظافة والراحة والسهولة فى المعاملات وخلافه مما يهم الرجال .. والستات مش عايزة تسيب بلدها ولا حضن الأم والأب ولمة العيلة وعيلة العيلة والجيران والأصدقاء وخلافه ... بس هنعمل إيه .. أبحرنا بعيدا عن أوطاننا فيجب أن نجد أوطانا بديلة إلى حين العودة إذا قدر الله لنا ذلك

بصى أنا أول شهور إغترابى كنت أصحى من النوم مش متأكدة إذا كنت عايشة واللا ميته!!! آه والله كل يوم كنت أنام أحس إنى هأموت من القهر والعياط وقلبى كان هيقف من الزعل وقلت أكيد أكيد هأنام فى يوم ومش هأصحى غير فى القبر

اللى باقوله لنفسى لتزكيتها ولتقبل الأمر والواقع .. أكيد ربنا له حكمة فى إغترابنا ونسأل الله أن تكون حكمته فى هداية البشر للدين الحق .. وأن نكون سفراء جيدين لديننا بأخلاقنا ونظافتنا وإبتسامتنا فى وجه من يقابلنا لعل وعسى أن يهدي الله بنا من خلقه

لا أنصحك أبدا أبدا بالبعد عن زوجك ... مهما حصل .. إذا هو مصمم على الإستقرار بالنمسا إحتسبى عند الله وإسألى الله العون والثبات ... وإبتسمى فى وجه زوجك ولا تضايقيه كفاية عليه تحمل الأعباء خليه يرجع للبيت يلاقى زوجه جميلة تعينه على أعباء الدهر .. ما تفتكريش إنى بأقول لك كلام إنشا .. أنا تعلمت الدرس لأنى ما كنتش كويسة مع زوجى ولم أقدره وأقدر أعباءه والحمد لله الذى أيقظنى قبل فوات الأوان

تعالى هنا كتير .. يسعدنا التعرف عليكي أكثر ...من الحاجات اللى فعلا فعلا نفعتنى فى أول غربتى وتجعلنى أحتمل هو المنتدى هنا كونت صداقات بالهبل وكلهم رفيقاتى وحبيباتى .ز مع إنى لما جيت ما كانش ركن المغتربين موجود بس كنت لازقة فى الأطباق هههه

إشغلى نفسك بتطبيق أطباق جديدة مثلا تسعدى بها زوجك وتشعرى بالإنجاز ... شوفى هواية جديدة تحبيها ... تعلمى اللغة الألمانية .. تطوعى فى المسجد ... أو حتى بالمكتبة العامة .. وأولا وقبل كل شئ إستزيدي من القراءة فى كتاب الله وسماع أى دروس تحبيها
الله يعينك ويكتب لكم الخير
أختك ام حسن

اهلا بك ام يوسف
بصراحه ام عبد الله وصفتك ووصفت حالتك الصحيحه
لو جمعتى كلمات ام عبد الله ومروه ومسوكه حتلاقى كلامهم صح

اولا عليك ان تخرجى نفسك من حاله الاكتئاب وترى ما هو جميل حولك

مفيش مكان فى الدنيا كله سلبيات ولا مكان كله ايجابيات ولكن عليك بالبحث

والمتابعه لو سألت ستجدى مدارس مختلفه ويكن ان تجدى مدرسه انجليزيه

وكما قالت مروه عليك بالذهاب الى المدرسه وهم سيوفروا للبنت مدرسه تساعدها فى اللغه

وعليكى ان تجدى لنفسك فرصه جديده للتعليم والاستفاده والمشاركه فى شىء ينفعك
ويخرجك من حالتك
-- لا تتركى زوجك بمفرده اعملى لنفسك جو وعيشه حلوه وعش سعيد

حاله ابنك ممكن تكون منعكسه منك وممكن يكون بيسمعك وانت بتتكلمى مع اهلك
فوصل له الاحساس السلبى خدى ابنك واخرجى لمتنزه وخدى معك له اكل
يمكن تغيير الجو يحسن من نفسيته
اعملى رحلات بسيطه فى الويك اند تسعدى بيها نفسك واولادك
انظرى للحياه بنظره متفائله
الله معك

فينك يا بنت تعالى طمنينا عليكي

جزاكم الله خيرا ربنا يثقل موازينكم يوم القيامه بصراحه انا مش قادرة استححمل ودخلت المستشفى من الزعل ظغطى عالى اووى والحمدلله اسالكم الدعاء

لا حول ولا قوة الا بالله سلامتك يا غالية الف سلامة طهور ان شاء الله هوني عليكي حبيبتي واستعيذي بالله من الشيطان الرجيم اسأل الله العلي القدير ان يشفيكي ويرضيكي ويهون عليكي يا رب

حبيبتي الله ايسر أمرج يا رب
أختي الغالية الإنسان طبيب نفسه روضي نفسك على الغربة حاولي اتشوفين الجانب الإيجابي في هذا البلد من ناحية شغل زوجك من ناحية وجودكم مع بعض وتعاونكم في تربية أبناؤكم
من ناحية انه زوجك محتاج وجودك إلى جانبه مما يقوي علاقتكم ان شالله