احذروا المدارس الهنديه يامغتربات تبوك
السلام عليكم ورحمه الله
اخواتي في الله لما عانيت كثيرا من المدراس الهنديه في تبوك بالسعوديه
قررت اني احذر كل الناس منها
بما اني اعيش مصريه واعيش في السعوديه قررت اني ادور علي مدرسه انترناشيونال كويسه وللاسف مفيش في تبوك الا مدرستين بس انترناشيونال الهنديه العالميه وتبوك العالميه
حاولت اقدم في العالميه لكن كان معاد تقديمها قفل للاسف . فمكنش في قدامي الا المدارس الهنديه العالميه . ناس كثير مدحوها وقالوا كويسه جدا في الانجليزي فمكنش في قدامي خيار تاني
لكن للاسف اللي شفته فيها اسوا شئ ممكن يتشاف في مدرسه علي الاطلاق
بدا من نظافه المدرسه ونظافه دورات المياه فيها اللي دون المستوي بشكل صعب جدا لا تصلح علي الاطلاق انها تكون دورات مياه للاطفال
وفصولها المكدسه بالاطفال بشكل يخلي الطفل مش ممكن يستوعب والاهم من كل ده مدرسينها سيئين جدا الي ابعد مدي . لا يصلحوا للتدرييس للاطفال . ابدا تقريبا مش بيدرسوا اي شئ للطفل في الامدرسه تكت به في كراسته بس المفروض يكتب كذ ويحفظ كذا . اقوله ياحبيبي المدرسه مكتبتش معاك يقولي قالت لي اكتب في البيت . وكل ده بالاضافه للاهمال الشديد للغه العربيه بياخدها تقريبا مرتين بس في الاسبوع . وبنفس الطريقه طبعا الكتابه بس في الكراسه مش بيدرس اي شئ في المدرسه وانا اللي بذاكر معاه كل حاجه في البيت . ده بقي بالاضافه انهم مش بياخدوا دين ولا قران خالص في كي جي 1 القران من اول كي جي 2 وقليل جدا ومفيش اي تعاليم للدين ولا احاديث نبويه ولا اي سلوكيات خالص . ولا اي مهارت بيتعلمها الطفل في المدرسه . كل ده بقي حاجه والامتحانات دي بقي اللي عمري ما شفتي زيها ابدا في رياض الاطفال اول مرة اشوف طفل في رياض الاطفال بيمتحن في لجان امتحانات و مفيش مدرس بيساعده في الامتحانات . انا نفسي اعرف وظيفه المدرسه في المدرسه دي اي . منتهي الاهمال في التدرييس ومنتهي الاهمال في التعامل مع الاطفال . كل يوم ابني يجي حاصل له حاجه في المدرسه
مرة وولد قافل علي ايده الباب . ومرة التانيه ولد رسم علي هدومه من وراء بالالوان . واكثرشي خلاني قررت اني لازم احذر الناس كلها منها . اني جالي النهارده عنده امتحان حساب .الامتحان عباره عن كتابه الارقام من اول 11 لحد 50 عن طريق اكمل الرقم الناقص . والمدرسه ادت له الورقه وسابته ومشيت وهو طبعا مفهمش اي ده راح كاتب نفس الرقم في الفراغ عملت اي المدرسه شطبت له ع الورقه كلها وقالت له صفر . اي سلوك ده مع طفل في رياض الاطفال
اعذروني للاطاله ولكن لاني ملقتش في اي مكان تحذير يوضح طبيعه المدراس دي وبحثت كثير عن النت قبل ما قدم له فيها موصلتش لحاجه عشان كده قررت اني احذر الناس منها واعرفهم طبيعتها وطبيعه مدرسيين الهنود اللي المفروض انهم بيدرسوا انجليزي لكن طبعا نطقهم وحش جدا . الطفل بيتعلم منهم انجليزي فعلا لكن نطق سئ جدا . يعني فعلا مدارس بلاش منها احسن انا لو كنت درست لابني في البيت كان افضل بكثير
الحمد لله قدر الله وماشاء فعل
رد مع الاستدلال
كتبت بواسطة صاحبة الـ@ـسك
الروابط المفضلة