الله يباركلك هومي برجاحة عقلك ماشاء الله ذكرتيني بقصة الصحابية ، انا من اشوف كذا منظر او يصير شي والله اموت رعبة وماعرف ثلث الثلاثة كم، الله المستعان

متسننه اي صحابيات الله يهديكي ياريت بس ربي يهدينا ويرضى عنا وانا بكون طايره من الفرحه

بالنسبه لشغلت ما نخوف العالم وانا صغيره كنت ارعب امي رعب تروح ما تموت يعني قولي باليوم عشر مرات اخواني كثار وورى بعض الله يخفظهم لما كانوا صغار كانوا مجرمين انا اكبر منهم بكثير يعني وقفت وراي خمس سنين وبعدين بلشت كل سنه تجيب ولد واقل شي كانوا يعملوه يحرقوا جوا البيت يعني واحد مغرم بالنار كذا مره بثواني يحرق بردايه فراش مره عمل حريقه كبيره بجنب اسطوانة الغاز ومغرم بالكهربا يدحش اي شي بالابريز وصعقته الكهربا كذا مره ونعرف لما ينزل عداد الساعه وتقطع الكهربا عن البيت نعرف انه فيه مكان ما ورقعته الكهربا يعني كانت وهي نايمه تكون صاحيه شوي وتربطهم قبل النوم ..كان اخو الي ثاني بنفس الفتره كمان صغير يعني اصغر ينه وحده هاد كان يجرم بحاله يوم ينط ويفتح راسه يوم بالسكين يقص من لحمه يوم يوقع بكسر اسنانه كل ما يعمل اشي ناخذه عالمستشفى ويقطبوه يعني مش رعب مجرم ...والثانيين اشي تبع خراب سلمي يعني يكب الزيت الطحين مواد التنظيف يشرب كاز خفيف يعني
هاد كله عشان اوصلك شعورها لما أجيها انا اشهق ووجهي اصفر واقوولها مامااااااااااااااااااااااااااااااااااااااااا الحقي فلان !! وبالاخر شو يكون كابب مي عالفراش او اكل او موسخ حاله بالطين ...فردت فعلها اكل قتله انا لانها بتكون متوقعه انه خلص عملها وموت حاله او موت واحد من اخوانه وتصير تضربني وتبكي تقولي ليش هيك عملتي خوفتيني والله لاتجيبوا اخرتي خخخخخخخخخخخ (انا والا اولادك) فتقولي لما بيكون عامل شغله مابدها اسعاف او مطافي خلص عادي اتركيه مش مهم ....يعني بيجوز لو جد لا سمح الله تكون حياه او موت مستحيل ارعب زوجي خلص بتصرف وبعدين بخبره بطريقه منيحه
وصارت مره اتصلوا فييه اهله وخبروني انه امهم تعبانه بالمستشفى وهو بالشغل طيب احترت كثير اتصل فيه (يعني شو بده يعمل؟) والا اخليها لليل(بجوز يزعل) فاتصلت فيه وقلتله اتصلوا اهله وقالوا عمتي ابصر مالها مافهمت بس انه بيخبروك احكي بعدين لما تفضى وفلان ماكان زعلان حكى معي عادي ....ويومها اجا مرعوب ودمه ناشف وشوي يموت من الخوف تخيلي لو قلتله بالمستشفى ؟ ولما وصل البيت قلتله ترى بعرف انها بالمستشفى بسخفت عليك وطبعا شكرني كثير قالي بجوز افكرها ماتت ومش راضيين يقولولي !!! يعني متوقع اني اجمل الحقائق وابسطها ...

قرات الموضوع كاملا امس وضحكت من قلبي على ما كتبته مايا (((أتمنى ما خربطت بالاسم

عن نفسي انا أطل من العين السحرية والهاتف في يدي هههه

و لا أتردد في طلب الشرطة
وهذا مش إزعاج لهم بالعكس شغلتهم حمايتنا

اذا كان مرة واحد سكران قال لي برا في النهار قال بونجور انا مت من الرعبة ومن يومها قررت أخذ معي هاتف نقال لما اخرج من البيت فما بالك يخبط علي الباب


وعموما انا لا افتح الباب لأنو ما يجيني أي احد إلا إذا اتصل بي







الله يسعدكم جميعا
سهام قصتك راءعة

في موقف حصل اول العام عند عيله ساكنين في موبل هاوس البيوت الزي السياره المتنقله المهم زوج المره متوفي قبل الحادثه بكم شهر بسبب لصوص جايين علي بيته والمره هذه المره لوحدها ومعاها بيتي عمره 6 اسابيع وسمعت صوت رجالين بدهم يدخلوا البيت واحد بفتح بالباب وهي معاها بندقيه راحت اتصلت علي 911 وقالت لهم انها عندها بندقيه وبدها تطخ الحراميه يعني كانها بدها تستاذنهم طبعا الموظفه ما بتقدر تقولها اقتليهم بس قالت لها بالحرف الواحد اعملييييييييييي البتشوفيه حيحمي ابنك ونفسك يعني كانها بتقولها اقتولهم لانهم بتهجموا عليها طخت علي الباب قتلت واحد قبل ما يدخل البيت والتاني اصيب اعتقد بس ما حاكموها بشئ لانه دفاع عن النفس بس برضه هون ما بقدر الموظف 911 ان يحكي لها اقتليهم بس قالت لها احمي حالك يعني افهميها لوحدك والناي هون صارت تشتري مسمدسات بكثره بعد ما فاز اوباما قبل 4 سنين وخاصه الناس البيض

هههههه اخ يا خواصري ...لا احلي شي متابعه الاخبار و حرقت الطبخه و ضيعت الولد و را الكنبه...ههههههه

مايا
والله انت مثلي انا بتكلم بكل هدوء مع زوجي ..
لان بخاف ينفعل و يرتعب و هو كتير بيرتعب ..
ما بحب ابدا احكي الا بعد ما اهدي صوتي ..وبحكي بكل هدوء ..
حبيبي واصله المستشفي ساعه زمن ..ما تقلق ..بقلي شو فيه بقله و لا شي بس بدي اطمن علي بنتي و لا ابني
بخبرك بس اوصل ..ما في شي اطمن ..
بس يجي بقلي هي هيك افي شي ..
مره بنتي حكونا ان كتفها نزل من محله ..وانا كانك ضربتني علي راس ي ..نزل شلون يعني نزل ..
انا قلبي بيخفق...ودموعي وسايقه للمدرسه ..
بس ابوها حكيته و بلعته اني بالمشفي يجي يجيب الاولاد من المدارس ..
فعلي باله شي عادي انجن لما جافهم ملزقينها متل همتي دمتي ..خخخخخخ
بس افضل لان متل ما قلتي بخاف يعمل حادث و لا يصير شي..
وتخويفه ما راح يقدم و لا ياخر ..بس اني بحب اعطيه طرف خيط مشان ما تصيبه صدمه فجأه ..خخخخخخ

وما شا الله الله يحفظ اخوانك يا مايا ..عصابه مافيا

مزبوط اماني بتذكر القصه ماكان موبل هاوس كان فارم هاوس وماحوليها جيران نائيه شوي المنظقه وكانت مع ال911 زي ماحكيتي قالولها اعملي اللي بيحميكم انتي والبيبي وطخته والثاني هرب مزبوط هو هون القانون بتقدري تقتلي اي حدى ضمن بيتك او ارضك وحتى عنا بالاردن بتقدري وبيعتبر دفاع عن النفس ...........
بوادي كل الاولاد هيك كانوا اولاد عمي نفس الاشي كل شوي واحد عامله مصيبه وحتى كانوا يغرونا احنا البنات بالمغامرات تبعتهم بس كنا نخاف انا مش حمل قتلات يختي والله امي بتجرم فييه انا بحب استنى للاخر عشان اقول مين عمل وايش بالزبط يعني بفسد خخخخخخخخخ

بنات مين عندها دي بلو ري بدي اجيب واحد بس بدي اشي وايرليس يعني احطه بمكان ثاني غير عند التلفزيون الهوم ثيتر خربه بطبوط وبدي شغله ارفعها عن ايده Blu-ray Players