السلام عليكم ورحمة الله وبركاته

حبيباتي وصديقاتي اللي قلقتكم بقرقرتي وقرفتكم اليوم خلص قلت بس بدي افيدكم بشغله بعرف اعملها بايدي وباذن الله انتوا كمان بتعرفوا تعملوها صدقوني بس اتشجعوا لا بدها هديك السكيل ولا الشطاره بس ترتيب وطولت بال

اليوم بدي اورجيكم كيف تقصروا بنطلون الجينز بدون ما يبين عليه انه مقصر كلنا منعرف بنطلون الجينز اهم اشي شكله من تحت والدرزه اللي عليه مهم تضل موجوده وهي اللي بتعطي بنطلون الجينز شكله

ومع غلاء الاتريشن والتصليح والواحد ما بيصدق يجيب البنطلون عالسيل مش كمان نحط عليه 7 دلر تقصير وغالبا الاطفال بناطيلهم طولها ما بيجي مزبوط فمنضطر نكفه او ما ناخذه لانه طويل او ايش نحط عليه كمان فلوس ونقصره عند الخياط او بالدراي كلين

مابدي اكثر حكي هل منشوف مع بعض كيف بده يطلع كانه ما تقصر ولا انلمس
.
1) مناخذ مقاس البنطلون صح اثناء لبسه منكفه ومناخذ الطول المناسب والعلامه تكون صح انا بحب اخلي بالبنطلون انش زياده وعادي اما بخليه مكفوف او بيكون مريح زياده عالرجل وهاد البنطولن رح ينلبس على بوت عالي فحبيت استغل هالموضوع واخلي انش زياده بالبنطلون عشان تلبسه عالصيف وهو اني ويه رح يكون جوا البوت

2) منقلب البنطلون عالقفا او عالوجه الثاني كل الشغل رح يكون عالوجه الثاني
ومنزبط العلامه بالسطره والقلم وراعوا المسطره تتحرك على طول الخط بحيث يكون بعد الخط عن طرف البنطلون نفس الرقم هيك بيكون مستقيم 100% فبتاخذوا بعد العلامه عن طرف البنطلون وبتمشوا المسطره وبتعملوا كذا نقطه وبعدين منعمل خط عشان نقص





3) منقط الرجل الثانيه بعد ماناخذ نفس البعد اللي اخذناه بالرجل الاولى ومنتأكد بان نطابق القطعه اللي قصيناها لازم تكون مطابقه للخط الللي عملتيه عالرجل الثانيه

4) هل منرجع للقطعه اللي قصيناها من الرجل الاولى ومنقص طرفها بتاخذوا مقاس انش وبتقصوا لازم يكون معاكم من بعد الخياطه البنيه او الدرزه 3ملل فقط بس مبدئيا خذوا راحتكم بقص القطعه وبعدين ارجعوا قلموها بجيث يكون معها فقط 3مل من فوق الخياطه البنيه او الدرزه



هدول يمكن 5مل بس برجع باخذ منها شوي بعد ما اوصلها بالرجل عشان ما يضل فيها شراشيب خيطان

5) منجيب القطعه اللي كانت عالطرف ومندخلها جوا البنطلون القطعه بتكون عالوجه الصحيح والبنطلون بالمقلوب و

هيك منكون خيطاناها خياطه ماكنه طولوا بالكم واستعملوا هادي الغزره بس قربوا الخياطه على بعضها بغرزة السراجه




انتبهو لما تبدئوا الخياطه اول تسرجوا سراجه سريعه وثبتوا القطع من الزوايا بالاول يعني الخياطه تتلاقا من الخياطه بقصد خط الطول

نكمل
هيك صارت القطعه موصوله بالبنطلون ضل نرتب الاطراف


منقوم بقص الخيوط الصغيره وتنظيف القماش تماما بحيث تكون القطعتين مع بعض خط نظيف من اي زوائد او خيطان المفروض تكون بس 3ملل
منستعمل غزرة رجل الغراب للتنظيف بحيث نخيط الثنيه بالبنطلون وماتكون هيط طايره





شوفو كيف من بره رح تصير



وهيك كويناها كويس وظغطناها قبل ما تكووها بلو القطعه عشان تفرد الخياطه معكم لا تكوو عالناشف

بتجنني يا مايا اسم الله عليك والطريقة روعة ومبين ولا كأنو مقصر أبدا ماشاء الله الله يجعلو بميزان حسناتك

ما شاء الله حلو قوى الفكرة دى يا مايا
تعرفى أنا فااااااشلة فى الخياطة وماليش فيها خالص وتقيلة على قلبى جدا جدا وما عنديش ماكينة خياطة بس ساعات بيبقى نفسى أتعلم خياطة علشان أعمل لنفسى حاجات لأن هنا صعب نلاقى حاجات لينا
شكرا مايا موضوع هاااايل ومفيد تستاهلى هليه ٥٠ نقطة مش ١٠ كمان
موااااااه ليكي يا قلبي
ومبروك على الحلوة البنطلون والبوت

روووعه يا مايا يسلموا ايديكي التقصيل ولا كانه باين عن جد ماشاء الله
ان شاء الله تتهني فيه يارب
وكل عام وانت بالف خير

اماني ومسوكه انا اتعلمت الطريقه وانا بالكليه صرت اهتم بمظهري وانا قصيره نوعا ما دايمن دايمن بدي اقصر خصوصا الجينز فاتعلمت طبعا اللي عندها ماكينه مارح تاخذ منها دقيقه انا عندي وحده بس ابني بينشف ريقي عليها وبيضل يمد ايده وبخاف اخيط على ايده حبيبي قلت بلا وجع راس بعملها على ايدي وبورجيكم عشان اللي ماعندها ماكينه اقل شي عندها ابره وخيط

هلأ اللي عندها ماكينه بس بتدرز بدال السراجه وفيه خيط بيجي شفاف ورفيع بس متين بيتعبى بالماكينه وبينعمل زيكزاك بدال رجل الغراب مستحيل يبين بس بدنا ننتبه بالكوي عشان ما يذوب نحط قطعت قماش ما نكوي عالبنطلون مباشره انا رتبت الخلف لان يمكن تكتاج تكفه شوي خليت فيه زياده للصيف ما قصرته بالزبط على طولها

ماشاء الله تبارالله عليكي ميوش جد جد ماكأنه مقصر ولا شيء الله يعطيك العاافيه عالطريقة الراااائعه ويكتبلك الاجر ياارب...

كمان ملاحظه: فيه بناطيل بتيجي من تحت اعرض من فوق هدول لما تشيلي القطعه اللي تحت وترجعي توصليها بالبنطلون رح تلاقيها صارت طبيره او وسيعه مارح تتطابق مع البنطلون فلازم تنقصي منها انا بفضل القص يكون من الزاويه الداخليه من السيم الداخلي ومنرجع ومنوصلها بخياطه مرتبه وبعدين منوصلها بالبنطلون طولوا بالكم بالخياطه واحيانا بتحتاجوا تدخلوا الابره من جهه وتسحبوها من جهه يعني مارح تنغرس وتطلع بنفس الحركه معليش مش مهم المهم طولت البال حتى لو زبطتيه على يومين

ماشاء الله عليكي
نفس طريقة ماما تمام بس ماما بتعملها بالماكينة