حلو الموضوع يا مايا
الكردت كارد كتير حلو ..
بس سلاح ذو حدين
عني اكيد معي كروت ..من سيرز و كولز وميسز
صراحه حلوين
لان بحصل علي التخفيض قبل الكل ..
خصوصا كولز .زبيعمل اول تخفيض انه خدي اكسترا 30 بالميه علي البضاعه يلي مخصومه اصلا 30 ..
بهي الحاله كتير حلو ..
لان علي ما ينزل للعامه ب 60 بالميه بكون طارت البضايع و القياسات
فكتير بحب الكردت للمحلات
علي انه في شي مهم جدا ..
لازم ننتبه له
ان الفوائد اولا عدا عن انها دخول بالحرام
فهي عاليه جدا عاده لهذه الكروت ..يعني تتجاوز منها 26 بالميه ..وهس نشبه عاليه طبعا
طريقتي جدا حريصه باستخدامها
اول شي انا موقعه علي النت بكل حسابات الكروت ..
وبكره الكرت يلي ما بيقبل ياخد دفعه الا بموعدها ..وهذا تارقت ..ما بسمحلي اعمل دفعه ان ما عندي مشتروات ..

نجي للاستخدام ..
بشتري اول يوم ..
بعد يومين فورا بدخل للبطاقه علي النت ..وبدفع المستحق
علما ان بتكون المشتروات لسه مو نازله ..يعني بكون علي 0.00
بس بروح علي ادفع ..
وبدفع بالمبلغ يلي شريت فيه ..
بصير الحساب
-100.00
سالب 100 ..
فمشترواتي ب 100 دولار ..
لا بهكل هم و لا بتعب راسي ..خلاص دفعت الفاتوره ..
تجي تروح مالي علاقه فيها ..
هي طريقتي
فقاعده توته ..
مطبقه ..يلي معوش ما بلزموش

صح بوادي بس اغلب المحلات ما بيقبلوا غير حتى ينزل المبلغ صح؟ وياعيني عالفوائد لما الواحد ينزنق والا ينسى بيطلع شاري بسعر اعلى من سعر اتنزيل قبل الكوبون

أنا بصراحة بعتمد على التخفيضات أكتر شي مش الكارت يعني بتوصلنا دعايات اسبوعية لعدة محلات flyers وفيها احيانا تخفيضات من 40 الى 50 بالمئة وياما وفرت بهذه الطريقة سواء بالاكل أو الملابس أو اللعب أو بدخل على مواقع المحلات وبلاقي شو في عندهم تنزيلات

كتبت بواسطة mayaaa

صح بوادي بس اغلب المحلات ما بيقبلوا غير حتى ينزل المبلغ صح؟ وياعيني عالفوائد لما الواحد ينزنق والا ينسى بيطلع شاري بسعر اعلى من سعر اتنزيل قبل الكوبون

لا مايا ..المبلغ ببين علي البطاقه غالبا بعد 3 -5 ايام ..حسب البطاقه ..
وهون مربط الفرس ..وهذا السبب اني بفضل بطاقات علي بطاقات ..
يعني تارقت روعه ..فورا ببين ..بس ما بقبل انه ياخد دفعه الا لما يجي وقتها ..ومعك اسبوعين للدفع ..وانا ما بحب هيك
لان بنسي
فكتير احيانا ..بشتري ..وفورا بروح الكستمر سيرفس ..وبدفع عندها ..
كاش طبعا
عندك مثلا ميسز حلو ..روعه بقبل فورا ..
بتدفعي اول باول ..
ديلردز نفس الشي ..
حسب ..كل كرت اله طريقه تعامل ..
حتي تعرفي تعاملهن ..لازم تجربي مره و تشوفي
بس ابدا ابدا ما بنصح البنات يلي بنتظروا الفاتوره تجي بالبريد ..
لانها بتجي خبطه علي الراس مع بعض ..
يلي بتحب تتعامل مع البطاقه
افضل طريقه انها تفعل الحساب علي النت ..ضروري جدا
حتي تسلم من النسيان
وفي طريقه كمان حلوه
كل البطاقات عليها تذكير بالدفع علي الجوال و الايميل ..بكل اسبوع ..
الي ان تدفعي يلي عليك
يعني
لازم تكوني قد المسؤوليه لما بتقدمي علي استخدام البطاقه
وانا وحده بكره الكاش كره العمي ..ما بحب احمل كاش ابدا ابدا

والله بوادي الصحيح بدها وحده عندها حس بالمسؤوليه وكمان عقلها معها زي ما قلتي عشان تعرف الدفعات وخصوصا اذا معتمده عليهن وكل شوي جاييتها فاتوره من محل شكل بالنسبه لا بحب الكاش من زمان زوجي ضايفني عالحساب ومعي الديبت وكان عنا كروت كثير ولا بعرف شو هي دايمن معي كاش بحب الكاش وبحب امسك مصاري بايدي وبحب احسب لاني الصحيح بحوش كثير من مصروفي يعني لما بيعطيني كرت ويقولي اشتري عليه خلص بشتري المهم مارح اقدر الم فلوس على جنب بينما لما يعطيني واحنا طالعين مرات بختصر بالمشتريات وبلم فلوسي وبلاقيها

تعرفي مايا انا اليوم روحتت علي سيزر اشتريت شويت ملابس لديانا ولقيت عندي 13.5 دولار هدول من البوينت انا ما كنت بعرف انهم بحوشوا لك مصاري فكرتهم بضحكوا علينا خصموا من المصاري شوي وكملت الباقي علي الكرت تبعهم
وروحت علي جي سي بيني كمان اشتريت شويت اغراض برضه للصغار ولزوجي ما لقيت شئ لنا بطلت اعرف اشتري لي شئ تعقدت
المهم اشتريت برضه علي الكرت
لانه جي سي بيني ببعتوا لي كوبون 20 دولار لما اوصل لنقاط معينه انا بعتوا لي اخر مره اول السنه لانه زمان ما استخدمت الكرت بس بضطر لانه ما في كاش معي وكمان الشئ الما بدي اياه برجعه يعني اشتريت 2 بوط لاحمد ما عرفت اي واحد حيعجبه رسي علي واحد وبدي ارجع واحد

اماني الواحد دايمن بيقدر يرجع اكيد بتعرفي بس عارفه من يوم ما صرت اشتري اون لاين والله اني مرتاحه كثير زمان كان يضل جوزي متسرسب من الانلاين خايف الكردت تنسرق او معلوماتنا بعدين هو صار يعرف اكثر عالنت اشترينا انتي فايروس على انتي سباي وار وعلى انتي مش داري شو الكمبيوتر محمي مثل ما تقولي زائد البنك متكفل بالسرقات يعني اذا انشرق اشي من النت او هاكر بيرجع كلشي المهم اللي اقولك اياه صار اسهل علي اشتري
*اول اشي فيش معي حدى يقرقع راسي بقصح الصغار وابوهم كمان يا اما همه بيصيروا يتدخلوا بالتنقايه وببطل اعرف انسق او بتدايق بيعجبنيش اللي اختاروه وببطل اعرف اكمل شابنق او جوزي نفسه بيزهق وبيصير يالله يالله او اذا حطيتهم معاه بضل خايفه يتغلبوا ويغلبوه ..

*بالمحل دايمن بتخربط مثلا بكون ماسكه قطعه وبلبق عليها بعدين يو والا انا ملاقيه وحده ارخص واحلى وبرجع بدي البق وبضل حاسه لايكون فيه اشي هون والا هون متخبي عني ومش شايفيته وبلكي المحل الفلاني عندهم سيل بصير الف والف والف وبتعب وبالاخر ما بيعجبني كثير اللي جبته نادر اكون راضيه 100%
* بالمحل بضل خايفه اني اشتريزياده او تطلع الفاتوره عاليه اكثر من اللي معي فعند الكاش اما بيطلع المبلغ ناقص بنجبر ارجع او اني اشتري على كذا مشوار او يطلع معي زياده واصير اتحسف لو اني اشتريت الشغله الفلانيه كان اوكيه هو بيكون عادي بقدر ارجع واجيبها بس بكون خلص عفت حالي من الدواره
هلأ عالنت بلمهم بالسله وبشوف فلوسي كفت ما كفت وبشوف اونلاين كود لانهم اكثر من الكوبونات الي بالمحلات بكثير دايمن فيه حوليهم كوبون منيح صرت اوفر يختي كنت اسمع بالناس معها كوبون صرت لا الحمدلله الاقي بعدين المحل كله قدامي بشوف شو بيلبق لشو وبختار الصحيح على مهلي بهالليل بعد ما يناموا بزبط النمر السايزات بقصد على الاوان وياما من التعب بالمحل بشيل القطعه بكون شايفه السايز عالعلاقه والا العلاقه مبدله والبلوزه اصغر او اكبر وبنجبر ارجعها كثير صارت معي او اشوف شغله وامسك شغله تانيه
كمان لما بشتري من محل او لاين بكون شايفه كل المحلات وشايفه كل محل كم حيكلفني وكم عنده تخفيض وبشوف شو بيناسبني وبشتري
هل اشتريت اواعي العيد وخبيتهم عنهم رح اطلعهم ليلة عرفه بينبسطوا عليهم وبيحسوها مفاجئه
هل السايزات انا دايمن بلف وبدور وبرجع بشتري من اولد نيفي وعارفه سايزاتهم ومجربيتها والصحيح بيجوا رسم على بناتي عمري ما رجعت اشي حتى الاحذيه بتكون مزبوطه

وسلامتك ماعاد اشتري من المحلات الا اذا اخر الموسم لانه اخر الموسم بالمحل غير ما بيكون معروض عالنت بيكون توالي وهيك فلا بنصح الواحد يروح للمحلات باخر الموسم

طيب مايا من ناحيه نوعيه الملابس يعني انا لازم امسك القطعه احسها واشوفها كيف خفيفه او تقيله غير لما يكون علي النت وبعدين القياس انا بغلبي يعني الاحذيه لازم تكون معي الرجل هههه مره بتكون ضيقه ومره واسعه يعني انا امبيرح اشتربت 2 بوط لاحمد بس مختلف الشكل والاتنين نفس القياس واحد طلع ضيق وواحد طلع كويس شو رايك تعقدت
وكمان الفساتين لدينا عل يحسب القصه اذا كانت قصتها زي البنسه حتي لو رقم لبسها لا يطلع شوي ضيق انا بحب اشتريه شوي مبحبح لانه تقدر تلبسه السنه الجاي وكمان بتحت تلبس تحته بلوزه كم اذا في مناسبه بالشتاء تلبيقه يعني
وكمان انا امبيرح روحت لحالي الصغار كانوا بالمدرسه العربيه وانا روحت علي محل اسمه sam moon
بجنن هذا تخصص شنط انا عيوني ما قدرت اسكرهم وانحولت بجنن بجنن بجنن المره الجاي بدي اصوره لكم هذا جديد فاتح للشنط والاكسسوارات وبس كل انواع الشنط والاسعار بس شئ بيوخد العقل ب سما اشترتي شئ نفسي بشنطه حمرا شوفت وحده بس ما اشتريت شئ بدي اخذ زوجي علشان يشتري لي وحده لانه ببخل علي حالي بصير احكي غالي
يعني انا روحت علي سيرز علشان اشتري شئ للمطبخ روحت اشترت لديتنا قلت عنه ما انشري للمطبخ

اماني انا قليل اغير عن اولد نيفي للاولاد هلأ الملابس الدرسي وهيك صح بدها قياس بقصد الفستين اللي قماشها لا بياخذ ولا بيعطي بس هدول ما بشتريهم الا ااذ فيه نزله عالاردن بجيبهن من كولز واولد نيفي وصدقي ما بخليهم يقيسوا خلص بوخذ احلى واحد واذا صار اختلاف برجعه هو لما تروحي محلات كثير صح بتتلخبطي بس لما تكوني مجربه محل معين بتعرفي هل اولد نيفي قليل جدن يخربطوا بمقاساتهم وعشان دايمن بشتري من عندهم سهل اعرف باي نمره صارن يعني الكبيره بنطلون نمره سته ما رح يريحها من الورك منا عندي ستته من اختها فخلص بجيبلها سبعه اكيد بيجي الابوات نفس الاشي عندها 12 وجاي عليها منيح بس كونه شتويه ومابدي تلبسه شهرين وخلص جبتلها 13 واسع شوي فرح اتقللها الجرابات والسنه الجايه بتلبسه هيك عملت اللي فاتت جبنا بوت ثلج اند قيس وات ؟ ما اثلجت هههههه وهيها رح تلبسه هي نفسها السنه هادي الصغيره ما بترتضى تلبس من اختها واجيب لاختها جديد لو تنطبق السما عالارض بدها تشتري مثلها مثل اختها فبحاول استفيد منه سنتين
فانتي اولادك بيكبروا وبمرحلت نمو لا تشتري فستين ما رح تستفيدي الا اذا خلفتي غيرها باذن الله انتي جيبيلها تنوره او بنطلون او شورت هيك بيكون عندها قطع كثير تلبقهم على بعض الا اذا الكم قرايب ومناسبات ساعتها لا امبلى الفستان احلى بس جيبيلها اللي يريحها تريكوا- قطن هدول بياخذوا وبيعطوا عالجسم وممكن تلبسيها اياه وهو ضيق شوي مو متل القماش العادي ان داق خلص مستحيل يريحها ....ما تنسي خبره انا بالشرا خصوصا البنات عندي ثنتين ورا بعض وكثيركثير ملابس اشتريتها وراحت لاصحاب النصيب تشحيد وكانت غلطات فاذا انتي بتتحيري اسألي البنات

هلأ حاولي ما تشتري من سيرز ولك غالي ومش حلو جد شوفي شيلدرن بليس انا حسيت بنتك صغنونه والله ملابس البنوتات الصغار اشي بيوخذ العقل جيمبوري وشيلدرن وقاب بيصير عندهم تنزيلات بتطلع القطعه شو رخصها

بانتظار الشنط انا متلك بعشق الشنط بس من يوم ما اندليت على تيجي ماكس وصرت اشتري ماركات بسعر العادي بطل اشي يعجبني بالغالب بشتري ناين وست بس ما بيمنع انهم يكونوا حلوين منتي عارفه ما بلف كثير بالمحلات مش لسه بقولك؟

انا متل اماني لازم امسك بايدي ...
وما بحب ابدا اني ما امسك ..واشتري هيك ..
وما بعرف كيف الناس بتشتري علي النت ..
بس بقلك بالمحل بضيع من الخيارات
فانا بحط ابني و لا بنتي معي علي النت ..بنختار مع بعض ..بكتب الرقم او بنسخ السله ..وبروح ادور عليها ..فخلاص بكون عارفه شو بدي بالضبط
فبروح فورا بتناول بخلي ابني يقيس .زوبطلع ..
وخلصنا ..
ان شي ما لقيته عاده بكون مختاره بدائل
ولهيك ميسز احلي موقع لي ..لان بخبروني ان القطعه متوفره بالمحل ..
يعني بشوفها و بطلب هل متوفره و ببلغوني بلحظتها فبروح علي اجر ثابته
انه موجوده و موجود القياس ..
ولاحظت المحل احيانا ارخص من النت...والعكس..احيانا النت ارخص من المحل .زبس لما بحكيلهن بيعملوا ماتش برايس