سواك باكس ! منك هوينة يامسوكة بسم الله عليكي

متابعة

تسلموا لى يا حبيبات قلبى أنا نفسى فعلا بس حد يستفيد علشان طبعا آخد حسنا على حسابكم هههههههه

المرة اللى فاتت إتكلمنا عن سواج باكس وعرفنا


إيه هو سواج باكس – وبيدينا إيه وإزاى ممكن نستفيد منه فى زيادة الدخل


النهاردة هنتكلم عن طرق مختلفة نقدر منها نكسب نقط فى السواج باكس



١- شريـط الأدوات أو الــ Tool Bar






طبعــا ممكن نعمـل البحث عن طريق الصفحة بتاعتهممن هنـــا


وممكن الأسهـل من كـده إنكم تعملوا تنصيب لشريط الأدوات الخـاص بيهم من هنـــا


وعن طريق الشريط ده هتلاقوا مكان للبحث بصورة سريعة ممكن تستخدموه بدل ما


تعملوا البحث من الويب سايت نفسـه .. بالإضافة لكده ممكن من آن لآخر يظهر

لكم فى الشريط كود تكسبوا بيه نقط فى الويب سايت


نصيحـة : لو عندكم مجموعة من الويب سايتس اللى متعودين تدخلوا عليها كل يوم


مثلا المنتدى هنا أو نيوز أو فيسبوك .. حاولوا تعملوا عليها بحث ..كل مرة بشكل مختلف علشان تكسبوا نقط



وكل يوم جمعة بيكون إسمه ميجا باكس داى بتعملوا بحث وفجأة تلاقيه أعطاكى ٤٠ أو ٥٠ نقطة مثلا لمجرد البحث


٢- إتفرجــوا علــى Swagbucks TV


إفتحوا اللينك اللى فوق أو من شريط الأدوات اللى هتنزلوه هتلاقوا التى فى بتاعهم


Food Network من أفضل القنوات اللى ممكن تتفرجوا عليها


وكمان فيه قنوات للديكور … زى مثلا HGTV, DIY


يعنى إتفرجوا براحتكم فى القنوات كل ١٠ كليب = ٣ نقاط من سواج باكس


الحقيقة أنا بأشغلهم فى الخلفية وأنا فاتحة الكمبيوتر وفى الغالب بأقفل الصوت وكل أما أفتكر بأضغط على كليب وأشغله


بس بصراحة لما بأركز بأعمل منها نقط كتير جدا



٣- إحرصوا على إنكم تعملوا الـــ Daily Poll


وهى إقتراع يومى على سؤال معين إختاروا الإجابة اللى تعبر عن رأيكم

مش هتآخد منكم ٥ ثوانى = ١ نقطة من سواج باكس



٤- كملــوا الــ Special offers


فيه لينك عن العروض الخاصـة .. ودى بتكون مجموعة من العروض


مثلا تعملوا تسجيل فى شركة معينة وتحطوا بياناتكم زى الإيميل وتآخدوا نقط


وفيه عروض بتكون لمدة محدودة يعنى مثلا شهر للتجربة Trial Period


ما أنصحكمش بيه إلا لو كنتم واخدين بالكم علشان تلغوا الإشتراك قبل إنتهاء المدة


يعنى مثلا أنا إشتركت فى عرض من نيت فليكس Net Flex


تشتركوا فيه لمدة شهر للتجربة وأخدت ١٠٠٠ نقطة من سواج باكس


لكن أخدت بالى ولغيته قبل أما الشهر يخلص وإلا كان هيسحب من الكريدت كارد أوتوماتيك


العروض دى بتكون مجزية جدا وأرقامها عالية لكن لازم تدخلى بيانات الكريدت علشان كده


لازم نآخد بالنا ونلغيها فى المدة المحددة … لكن هناك العديد والعديد من العروض المجانية


واللى مش لازم تدخلوا فيها بيانات الكريدت كارد بتاعكم




٥- إطبعوا الكوبونـــــات

سواج باكس عنده مجموعة من الكوبونات أغلبها كوبونات بتاعة كوبونز دوت كوم


كل كوبون تطبعوه وتستخدموه تآخدوا عليه ١٠ سواج باكس

خللوا بالكم ال ١٠ سواج باكس مش بيتحسبوا إلا لما تستخدموا الكوبون


فعليا مش بس تطبعوه وخلاص بس النقاط ممكن ما تظهرش فى الحساب


على طول خللى عندكم صبر .. بس هى فعلا شغالة وأضمن لكم لأنى جربتها قبل كده



وإنتظروا منى المزيـــد من سواج باكس

ماشاء الله عليك يامسوكة احسن انك مدبرة منزلية ناجحة

انا يمكن اختلف عن رأي البنات في انهم يبحثون عن طرق لكسب المال انا احتاج طرق لتوفير وادخار المصروف

ماعندي حسن تدبير ابداً خصوصا لمصروفي الشخصي

بنكوا حياتي كيفك شكلك خلص هديتي اللعب مع اهلك وصرتي قديمه وبطلتي ضيفه صرنا نشوفك يا بنت ..........

انا متلك مسوكه زوجي بيقولي انتي انتبهي من التبذير وكتر الف خيرك هاد لحاله تحويش

ماشاءالله عليك مسوكة
موضوعك جدآ ممتاز وباين عليك فاااهمة مررة بشغلات التوفير الله يحفظك شي حلو صراحة

ماشاء الله عليكي يا مسوكه ياام الافكار الحلوه انا اول مره بعرف عنه واذا قلت لزوجي حيقول هدول كذابين ومش حيخليني اجربه لانه هون في احتيال كثير واشكال واسالين عمرك ما سمعتي فيها
توتا مايا ماهو كل شئ هون بده ترخيص يعني صحيح بتطبخي للعرب بس للاسف بعد هيك بروحوا بحكي عليكي وبصيروا يعلقوا حتي لو بمصاري وبعدين انا ما بثق بالعرب للاسف هون يمكن هم اذا صار شئ بروحوا بشكوا عليي بعدين بحكوا ما هي يتشتغل او زوجي معاه مصاري برفعوا عليي قضيه بخربوا بيتي انا للاسف بتجنب ان اعمل شئ او اخد خدمت من العرب

افكار روعة بدأت التطبيق والله يجعلو بميزان حسناتك يارب
سؤال النقاط فينا نضيفها على الباي بال؟؟

مسوكة نياله زوجك بيك ..ما شاء الله عليك ..صراحة اول مرة اسمع بالامور هذي ,,,
اصلا في كندا الضريبة كبيرة جدا تخلي الواحد مكسر من ايديه وما يعمل شيء ...
واتا مثلك مايا يقول لي زوجي وفري في البيت تبق ساعدتيني وعطيك الصحة .

متابعة معك مسوكة

أهلا أهلا بالحبوبات
أولا : أنا كنت مبذرة جدا جدا زى ما إنتو عارفين وما كنتش عاملة لبكرة حساب زى ما بنقول فى مصر ... هو طبعا كله بيد الله سبحانه وتعالى وهو اللى بيبارك فى القرش ويخليه يكفى ويزيد بس بنفس الوقت ما ينفعش أقول ربنا هيبارك وأقعد ما أعملش حاجة على الأقل عدم التبذير ولما تتعودوا تلموا إيديكم هتتعلموا باقى الخطوات كله بييجي بالتدريج ومرة ننجح ومرات نفشل لكن المهم المثابرة والمتابعة وما نزهقش
والله موضوع الكوبونات ده ساعات بيزهقنى وبأقول فى نفسى أنزل أشترى وخلاص لازم يعنى كوبونات!!! لكن لما بأرجع وأفكر إنى أبو دولار ممكن أجيبه ب ٥٠ سنت وأقل يعنى ممكن أكتر من ٥٠٪ توفير يبقى حرام على أضيع الفرصة دى منى وده مش بس بيبسطنى وبيبسط زوجى أكيد وبيشعر معاه إنى بأساعده مش سايباه فى بحر المصاريف لوحده

وإعملوا بقول رسولنا الكريم " إخشوشنوا فإن النعمة لا تدوم" وإسألونى أنا على النعمة التى لا تدوم كانت درس رهيب لى وما أتمناش واحدة فيكم تقع فى الغلط اللى أنا كنت فيه

ربنا يبارك لنا كلنا وكفاية النية السليمة إنك بتساعدى زوجك وبيتك وأولادك