السلاام عليكم


الحمد لله لست مغتربة اسال الله ان يحقق للمغتربات كل امانيهن

لاحظت ان البعض يصف بلاد الغرب وكأنها جنة الله على الارض

الا يوجد عقبات هناك من حيث العادات والتقاليد

من حيث الدين ورؤية الفواحش اينما ذهبتم؟

الا يوجد خوف على التزام الاولاد وتعليمه لغته عاداته وتقاليده والاهم ولائه لبلده وعروبته ؟


الا يوجد نظرات مغموزة هنا وهناك من ابناء البلد الاصليين؟


نعم لديهم بعض الحرية التي يفتقدها عالمنا العربي كله وقيووود كثيرة تجعل الغرب خيارا مناسبا بل ربما الافضل من الغربة لبلد عربي

لكن ماذل عن مستقبل الاولاد الانتمائي؟

ام كان بعض ابناء العرب يرى الغرب رائع بكل مافيه ومتميز ويرى بلده يغمرها التخلف ولا تستحق عناء محاولة بنائها

فكيف نتوقع ممن عاش بعيدا عنها وتنعم بكثير من خيرات الغرب ان يحب بلده ويشعر بولائه وان يبادر لبنائها وتطويرها؟

اليس هذا امرا مهما على الاهل وعلى الجاليات العربية والاسلامية في الغرب ان تجد له حلا؟


كثيرا ايضا ما اقرا ان تعليم الاولاد لغتهم ودينهم يتم في البيوت وان المدارس العربية لا تصل للمستوى المطلوب

فاين الجاليات من هذا؟

ان كنا لا نجد تعاونا بينهم لبناء مدرسة لائقة وبرنامج دراسي شيق للمحافظة على جذور اولادنا فكيف نتوقع منهم الشعور بالانتماء التام لبلدهم؟

وعذرا انا لا اقصد التقليل من ولائهم او وطنيتهم ولكنها استفسارات احببت ان اجد لها جوابا عند من ترى الغرب خيار افضل


بارك الله فيك اختي سهام موضوووع شيق وهام

سهومة موضوع حلو بس الصراااحة محير
لاني دائما افكر بهالموضوع الغربة او بلدي بين اهلي واحبابي
فاجدها معادلة صعبة جدا

يعني انا مغتربة ببلد اوروبية
الصراحة مميزات الغربة كثييييرة منها
واهمها..............الاستقرار
يعني لو كنت ببلدي كنت رح قضيها زيارات (فلانة ولدت,فلانة تزوجت,بيت فلان عندهم وفاة,وفلانة عاملة جمعة نسوان ,......)
ولا تقولولي انو فيكي تتحكمي بحالك من هالناحية لا مافيكي ببلداننا وتقاليدنا العربية
يعني اانا مثلا كنت قول هيك بس رحت زيارة ع بلدي انجنيت ههههههههههه لان لو ما رحتي هيقولوا متكبرة وما بتصل الرحم
وهي قصة ثاني
كمان شي ثاني مهم هو الاستقلالية
واقصد هون بكل شي
من ناحية طريقة عيشي وتربيتي لاطفالي
لا فيه مين يتدخل لا من هون ولا من هون (الكل عارف قصدي طبعا)

كمان بالغربة بتستفيدي من وقتك
من ناحية كل شي

*بتوفري وقت اكثر لبيتك وزوجك واطفالك
*بتتعلمي اكثر وطبعا اول شي استفدته هون اللغة
*كمان بلاقي وقت اكثر للتقرب من الله وحفظ القران وقراءته

نجي هلا لسؤال مهم
يعني انا ما بفكر ارجع بين اهلي!!!

طبعا اشتاق كثيرا لجمعة الاهل
خاصة بالاعياد ولو فيه مناسبة عندهم
احكي معهم فاجد الجميع هناك الا انا
تخنقني العبرات واقول ياليتني بقربهم
واوقات تجيني
اقول يالله قديش محتاجة حضن الماما والبابا وقديش اشتقت لاخواتي واخوتي
قديش اشتقت لنام ببيت اهلي ونسهر ونتسامر


نجي للميزات البلد
الصراحة شايفة اني مرتاحة هون
كل شي بدي ياه متوفر
من محال عربية وبضائع تهمنا
كمان جوامع كثيرة والحمدلله
بالعكس بيحكوا معنا اوقات عالتيلفون ليعملوا دعايات لحفظ القران الكريم لغير الناطقين بالعربية ما شاءالله
كمان الحامل لها رعاية خااااااااصة ومن غير مقابل وهذا ما نفتقده بدولنا العربية (بندفع فلوس وما بنلاقي المعاملة المطلوبة)
يعني حتى بعد الولادة تجيك الميدوايف للبيت كل كام يوم
بيوفروا رياض للاطفال من عمر 3 سنوات فري
والدراسة كمان نفس الشي فري
ولا انسى ان هناك مدارس عربية والحمدلله

نجي للعيوب
طبعا اول شئ بيزعجني مناظر اللبس والحركات بالشارع
خصوصا انو بنوتتي بلشت تكبر وتفهم
كمان بينفطر قلبي عليها لما ما بتلاقي حدا تلعب معو المسكينة


كمان بيزعجني الويك اند هههههههههههه
والجو المتقلب

اما اكثر شي اشتاق له بالغربة (بعد الاهل)
هو سماع اصوات الجوامع بالاذان
وبخطبة الجمعة
وكمان بتكبيرات العيد

رغيت كثير صح ما بينعطالي وجه ابداااااااااااا
ههههههههههههههههههههههههه

اه بالنسبة للتصويت
انا اخترت خيارين
هههههههههههههه
الاول اني بعيش بدولة غربي ومرتاحة بس كمان اخترت اني ما بدي الغربة وبدي ارجع لبلدي

السلام عليكم
سهومه انا ما تغربه في بلد عربي بعد ما تزوجت بس انا كنت عايشه بالكويت مع اهلي وبقينا فيها حتي بعد التحرير وبعدين خلص الدنيا سكرت في وجهنا ورجعنا علي بلدنا الاردن وهذه كانت اول مره ندخلها
بالنسبه لردي علي استفسار ام الخير الغاليه
مين ما بده يقعد مع اهله ولمهم مع بعض وخاصه لما تيجي علينا اعياد ومناسبات فرحه او حزنه وتطلع علي حالي وبلاقي حدي حواليي؟؟؟؟!!!!
بس انا مفهمه اولادي هدول بضله كفااااااااااااار والله يدخلهم النار واحنا مش زيهم وبعض الاحيان هم ما بحبونا يعني مش اصحابنا
بس علي الاقل هون شو ما يشوفوا فيكي تردعي وتنبهي اولادك عنه
بس بالبلاد اذا بتسمعي سب اسم الاعظم لله في دانك شو بدك تحكي ابنك لما بسالك يا ماما ليش بسب الله ؟؟!!!!
او بتكون متحجبه وهي شبه لابسه ؟؟!!!
انا ما بقول البلادنا مش منيحه بالعكس اخرتنا حنرجع لها ما في غنا عنها ومهما اعطونا جنسيات ما بتغني عنها
وهون بنحاول نعلم اولادنا لغتنا وهي صعبه عليهم تعرفوا ليش لانه ابناءنا بكونا بره من الصبح 8 الي 3.30 بالمدارس واذا بدك تروحي علي الطييب الطبيب بصير يحكي معاهم وهم يجاوبوا فكركم شو بحكوا عربي لا طبعا
وبتضطري تدخليهم نشاطات علشان ما يزهقوا وكمان يكون عندهم لياقه ويدافعوا عن حالهم وبحكوا بنفس اللغه طبعا مش عربي شو بدك يطلع الطفل لسانه معوج
يعني انا لو بالبلاد فكرك بقلق من ناحيه العربي او العادات بس هون صعب والمغريات اصعب علي الاطفال واهلهم ومش مجرب الغربه ومرها ما بعرف شو احنا هون
بالنسبه لقوانين هون القوانين فوق كل واحد لا بطلع لاهو ابن فلان ولا ابن علان ولا ايا عشيره
تعالي علي البلاد وتفرجي والكل عارف شو في
انا الحياه هون افضل لاطفالي علي الاقل بهدا السن وان شاء الله لما يصيروا كبار وواعين يمكن الامور تتحسن بس انا ما بستغني عن بلادي ولا بعد ميت سنه
مش علشان امي واختي فيها لا فيها عادات وتقاليد ما بتقدري تلاقي منها هون

كتبت بواسطة @ام الخير@

السلاام عليكم


الحمد لله لست مغتربة اسال الله ان يحقق للمغتربات كل امانيهن

لاحظت ان البعض يصف بلاد الغرب وكأنها جنة الله على الارض

الا يوجد عقبات هناك من حيث العادات والتقاليد

من حيث الدين ورؤية الفواحش اينما ذهبتم؟

الا يوجد خوف على التزام الاولاد وتعليمه لغته عاداته وتقاليده والاهم ولائه لبلده وعروبته ؟


الا يوجد نظرات مغموزة هنا وهناك من ابناء البلد الاصليين؟


نعم لديهم بعض الحرية التي يفتقدها عالمنا العربي كله وقيووود كثيرة تجعل الغرب خيارا مناسبا بل ربما الافضل من الغربة لبلد عربي

لكن ماذل عن مستقبل الاولاد الانتمائي؟

ام كان بعض ابناء العرب يرى الغرب رائع بكل مافيه ومتميز ويرى بلده يغمرها التخلف ولا تستحق عناء محاولة بنائها

فكيف نتوقع ممن عاش بعيدا عنها وتنعم بكثير من خيرات الغرب ان يحب بلده ويشعر بولائه وان يبادر لبنائها وتطويرها؟

اليس هذا امرا مهما على الاهل وعلى الجاليات العربية والاسلامية في الغرب ان تجد له حلا؟


كثيرا ايضا ما اقرا ان تعليم الاولاد لغتهم ودينهم يتم في البيوت وان المدارس العربية لا تصل للمستوى المطلوب

فاين الجاليات من هذا؟

ان كنا لا نجد تعاونا بينهم لبناء مدرسة لائقة وبرنامج دراسي شيق للمحافظة على جذور اولادنا فكيف نتوقع منهم الشعور بالانتماء التام لبلدهم؟

وعذرا انا لا اقصد التقليل من ولائهم او وطنيتهم ولكنها استفسارات احببت ان اجد لها جوابا عند من ترى الغرب خيار افضل


بارك الله فيك اختي سهام موضوووع شيق وهام

اول شي اسمحيلي ان ارح فيكي في قسم المغتربات, حياكي الله.

راح اتحدث عن نفسي فقط و اترك لبقيه الاخوات يعطوكي وجه نظرهم في تساؤلاتك, لانه اكيد بتختلف الاراء و التجارب و الظروف ما بيننا.

بالنسبه لسؤالك الاول عن تصوير بلد الاغتراب بالجنه, لا هي ابدا مش جنه, انما بلد فيها بيوت و خضار و طبيعه حتى بلادي احلى منها. لكن اللي خلاها جنه بالنسبه لي عوض عن بلادي التعويد. عشت في الغربه ما يزيد على ال17 سنه, بسبب ظروف بلادي و ظروف اهلي منها التعليم و المرض و الزواج.
فاتعودت على المعيشه في الغربه, مثلا في حاله الطواريء هنا يا اما بسوق عشر دقائق بلاقي حالي بالمشفى حتى لو في نص الليل لكن ببلادي في عوائق توصلني المشفى حتى لو طالبه اسعاف في انتظار ساعه ساعتين هاد غير عن انه العلاج نفسه ما بيكون متوفر يعني يا بتضل في المشفى لربك ياخذ امانته او بتطلع براه البلد تدور على علاج ينفعك.
في كمان شغله التعويد من ناحيه الحمام اعزكم الله, ببلادي المياه بتنقطع ثلاث اربع ايام بالاسبوع فان دخلت اتوضى او اخذ شاور او اعطي اولادي شاور بيكون سريع سريع ما بحس حالي نظفت زي الناس في حين بيختلف الوضع معي في امريكا. انا جربت حياه فلسطين و الاردن و الثنتين لقيت فيهم صعوبه و عدم راحه من هالناحيه.
مع اني لما بنزل عند اهلي بحس براحه نفسيه غير طبيعيه بس بتضلها شغلات صغيره بتخليني احس انه في شي ناقصني, يمكن لو لي بيت خاص فيني يختلف الامر ما جربت و الله.
فكله بيرجع للراحه و التعويد.
اما عن رؤيه التعري و غيرها من المناظر الخليعه شو رأيك انه التعري نفسه نفسه موجود ببلانا, على الاقل بامريكا معروف هدول ما عندهم دين يتقوه و لا رب يرهبوه لكن شو نقول للي ببلادنا اللي المفروض انهم مسلمين؟؟؟ شو تقولي للي ان نصحتيها و ردت عليكي بليز لا تعقديني مثل ما انتي معقده. هلأ الالتزام صار عقده؟؟؟؟؟؟ لا معلش ما بدي بنتي تربى و تسمع كلام مثل هيك و تفكر انه الالتزام من تقاليد بتتغير مع الزمن.
اما عن مستقبل انتماء الطفل, فهاد سؤال وجيه, بالنسبه لي اولادي و اولاد اخواني و خواتي كلهم والدين بامريكا, بس تعالي اسألي ايا حدا فيهم حتى ابن الخمس سنوات شو اصلك؟ بيقلك فلسطيني.
صحيح في خوف من شغله انه ينتموا للبلد و ينسوا انه ليهم بلد عربي جذورهم ممتده منه, لكن هون يأتي دور الاهل في غرس حب الوطن في نفسوهم.
بالنسبه للخوف من تعليم اللغه و الدين و الولاء للعروبه, برضه بيرجع الدور للام و الاب, الحمد لله ابنائي اتعلموا على يدي بدون مدارس خاصه الدين و الصلاه و الصيام و الحمد لله بلشت معاهم بحفظ ما استطيع من السور و ما لقيت ايا صعوبه, اللي سهل علي الموضوع انه اقرأ السوره عليهم و اشرح معاني اياتها بطريقه مبسطه بالانجليزيه ليهم بحفظوها بسرعه.
و لو اني متغلبه معاهم شوي في المحادثه لكن ما بمل عارفه انه كل ما بنزل البلاد بلاقيهم عارفين يحكوا مع الناس و فاهمين عليهم, فهالشي مني خايفه منه خصوصا انه بشوف اولاد اخواني الكبار اللي صاروا عشرين و 18 و 15 كلهم ما كانوا يحكوا كلمه عربي و هن صغار بس بعد لا كبروا بيطلع منهم كلام بالعربي ما كانت اتخيل انه في حياتهم يعرفوا يقولوه. . .
بالنسبه لهل نرى بلادنا متخلفه ايوه متخلفه, متخلفه فكريا و بشكل كبير, بالرغم من تطورها بالابنيه الا انه فكريا متخلفه, مش بقلك جوابهم لي اني معقده و امريكا ما فكت عقدي؟؟؟؟ هي عقد عندي و لا تخلف فكري عندهم؟؟؟؟
اما بنائها, ما بعرف كيف شخص واحد بيقدر يغيير بلد باكمله اذا كان البلد ماشي على الواسطه و على الرشاوي؟؟؟؟؟ اذا المستملين يمشوا امور الناس انفسهم جهله, يلا يدوب الواحد فيهم يفك الخط مع انه متعلم و شهاده, لكن جاهل استخدام لعقله و يفكر فيه ما عنده استعداد, فكيف برأيك هدول فينا نغييرهم؟؟؟؟ بتعرفي في بامريكا منها هالنوعيه اللي ما بتستخدم عقولها مش شوي كثير, لكنهم ما بيوقفوا مثل العقده بالمنشار في مسار حياتك بيمروا عليكي زي عابر السبيل. لكن اللي بيقعد يجادلك عن جهل شو تعملي معاه؟؟؟؟؟؟؟؟؟ و فوق هيك بيحاول يضرك شو تعملي؟؟؟؟؟

يمكن لانك عايشه ببلادك مش حاسه بالفرق, لكن لو تعيشي ببلد غربه حتى لو بلد عربي مش شرط اجنبي اكيد راح تحسي انه في نواقص او اشياء زائده ببلدك عن بلد الاغتراب.
اكيد بلادي احلى و اجمل و افضل من بلد الاغتراب, هي بس عده امور ناقصه بتخليني اقول لأ الغربه احسن. <<<< و يمكن لانه بالنسبه لي وجود كل اهلي معي بيخليني اقول بلد الاغتراب احسن فصارت بلدي غربه و امريكا وطن؟؟؟!!!!!!!

اماني عجبني ردك كثير

بس اكتشفت شي

انه مو كل الناس زي بعض
بعضهم بيلاقوا فرضتهم بره بلدهم بسبب عادات اجتماعيه متلزوجي كان هربان من القرف اللي اسمه عادات وتقاليد لا تمت للاسلام بصله اصلا انا بحب الغربه لانه سوتلي زوجي بطريقه ماكنت احلم فيها طبعه غربي مع الاحتفاظ بالتعاليم الاسلاميه يعني ماخذ اللي مريحنا من الامريكان ما بيسمح لحدى انه يتدخل لا ام ولا اب فكان بالنسبه الي حظ وافر ان زوجي مغترب من 20 سنه وتارك العادات السيئه

هلأ انا الحمدلله كنت موظفه وعندي سيارتي ومستقله تماما بحياتي وعايشين حياه مدنيه يعني ماعنا وجع القلب تبع العادات والتقاليد اللهم بس الدين الاسلامي والحمدلله ديننا يسر اضافتلي الغربه موضوع اللغه هاد لو ادخل 15 سنه جامعه ماكنت رح احصل المستوى اللي وصلتله عدى التطور العلمي اللي البلد وصتله هون وبيأذيني جدن اني اسمع انسان يدعي على امريكا بالهلاك لان فيها المسلمين وفيها عدل عمري ماشفته ببلد تاني لا اوروبي ولا عربي ولا اسلامي ياريت اول نصير متلهم بعدين ندعي عليهم(مابحكي عن السياسه الخارجيه والجيش والحكومه بحكي عن النظام والناس)
يعني صراحه حياه مريحه بغض النظر عن القدره الماديه

لكن حاليا مع التحديات بالتربيه وتوصيل الدين للاولاد وفقدان الاهل والحياه الاجتماعيه اتمنى ارجع اعيش ببلدي لاني اتعلمت هون اللي اقدر امشي عليه ببلدي اتعلمت اني ما اوقف عن نقطه معينه بالعلم ودايمن اتعلم شي جديد واني اعتمد على حالي وشغلات كثير تعلمتها من زوجي الله يخليلي اياه وشخصيتي صارت غير هل بقدر اقول لأ لمين من كان امي حماتي زوجي اخوي لو ماعجبني او شفت غلط بقول لأ زمان كان كلع عيب وخوف من حد يزعل وخوف حد ينتقد وخوف بخوف بخوف ومنقول ليش بلدنا مش ديمقراطي .........ومافيه حرية التعبير ..

لو بدي اقعد احكي شو تعلمت من هون يمكن لبعد شهر ما بخلص بس متل اي مرحله بحس الغربه لازم تخلص وتبدأ مرحله تانيه اكثر استقرارا لازم نرجع ونعلم غيرنا اللي تعلمناه لو بعلم اللي حولي بس كيف يعبر عن وجهت نظره بصدق ونبطل خوف ومجاملات (اللي بعتبرها نوع من الخوف) نبطل بس نقلق على راحت الناس ونضغط حالنا ونضغط اولادنا على انه حقنا منترك حقنا خوفا من راي الناس خوف من زعلهم وووووووو كله وهم لاحد بيزعل ولا شي مجرد تعويد وبالعكس الناس بتحترم الصادق مهما كانت كلمة الصدق جارحه وقويه 0000

طبعا تم التصويت ككككككككككككك بس قلت ابدن لازم اوجع روسكم >>>>>>>>>ام الازعاج

اماني >>>>> الله يرحم والدك و يغفر له و يشفي امك شفاء لا يغادر سقما (اول مره اشوف توقيعك)

الله يسعدك يا مايا عجبني ردك
يمكن زي ما قلتي انه المش مجربه الغربه بغض النطر وين كاين ما بعرف شو هي الغربه
احنا هون في تحديات اقوي منا مجتمع كبييير ومغرياته اكبر خاصه للصغار قبل الكبار
بس الدور علي الاهل يعني في عرب هون مش سائلين لا بدين ولابتريه بس ببعتوا اولادهم عليالمدرسه وخلص والمهم كيف يجيبوا مصاري
انا زوجي له هون 27 سنه ودرس هون دكتوره وعقلوا مختلف عن الناس الهون وفي بلادنا يمكن يقولوا عنه معقد هو مش معقد هون عاقل
وهو مهد لي كل شئ ودعمني انا ما اعتقد حالاقي زيه في بلادنا حتي لو تطورت بظلها صعبه علينا
بالنسبه للدين احنا بنقدم كل ما نقدر عليه لاودنا علشان نرسخ الدين ولاعادات والاحترام فيهم
بس بالاخر بدي ارجع علي بلدي
انا روحت العام علي بنك بدي اوقع كفاله لماما وقرءت علي قميص موظف اسم عربي وحكيت معاه بالعربي طلع عربي
بقوله اقرء لي الوكاله هي بالعربي شوف فيها غلط تعرفي شو قال
انا ما بعرف اقرء عربي بس بعرف احكي عربي يعني لا بقرء ولا بكتب وموظف بنك كبير
روحت وانا مجلوطه بتقولي صاحبتي شو بدك يعمل بالعربي هون اتعقدت
انا ما بدي ابني يطلع زيه قالي بروح علي البلاد بالاجازه وبحكي عربي
انا بدي ابني يطلع احسن منه يعرف يقرء ويكتب ويحفظ قرءن
ما انا لما نزلت البلاد شوفت شوفات ما عرفت شو ارد علي اولادي من ناحيه الكلام واللبس والمكياج هون ما حدي بحط مكياج الا الموظفات وبحطوا خفيف يا دوب باين هناك لا حول ولا قوه الابالله
انا مابحكي بلادنا سئيه بس صعبه حاليا للعيش فيها
انا بحب اسمع جواب بنات راحوا لاصيف علي بلادهم بعد فتره من السنين هون ويحكوا شو اريهم بالموضوع

الله يسعدك يا توتا هذه ضريبه الغربه يموت الاهل وانت بعيده عنهم ويمرضوا وانت بعيده
الله يخليلك اهلك ويجمعك معاهم

ام الخير انا ماعشت بكل الدنيا عشت بس بالاردن وبامريكا وبعرف ناس من مصر ومن سوريا ومن لبنان ياقلبي نقعد نضحك على بعض

يعني زمان على زمن مبارك هل المصري مرتاح ؟ هل السوري هلأ مرتاح او حتى زمان ؟ والاردني يعني مرتاح مثلا اللي بتقولك الاردن جنة الله على الارض بقوللها شوجابك ياعمري ضليتي بالجنه .


حبيبتي اللي انا شفته بامريكا مو الجنه بالحرف بس اذا قلنا تعبيري استعاري بقولك جنه الدنيا حريه لابعد حد انا حره بصلي وين مابدي بلبس حجابي اللي منقبه ما ضرها اشي نظراتهم استغراب فقط ايش النظره مقابل التسلط وفقدان حرية التعبير فقدان الكرامه
انا بوقف مع الامريكي بانحكمه وباخذ حقي بالصاع الوافي باخذ حقي من عيونه لو اتعرضلي بلسانه بجرجره لاخر الدنيا بالمحاكم بينما كم وكم من ناس ببلدهم اتعرضوا للظلم ولانه مش ابن فلان ولا عشيرته بتحميه ماقدر ياخذ حقه

التعليم ما بيوقف بمكان ولا الدين طيب الاميركي المسلم لازم يجي يعيش بالاردن عشان يصير اسلامه صحيح ؟ والا يجاهد اهله والجيران ويوريهم انه انا مسلم واحكموا علي اذا غلطت او عملت شي عجيب يابنتي اغلب العالم كانت مفكره المسلمين متل رجل الكهوف متخلفين ومتوحشين خليهم يشوفونا انه ارقى منهم بالف مره
بس برضه بشجع اللي ظروفها تسمحلها ترجع انها ترجع وخذيها مني مافيه انسان بترك اصله اللي بيقدر يرجع بيرجع واللي ما بيقدر ايش يعمل اذا مافيه بلد اصلا تستقبله ليش دايمن منقيس على انفسنا ومنترك ملايين الناس اللي ظروفها بتختلف واللي اصلا اصلا ماعشنا ظروفهم.
بالنسبه للتعري هون بامريكا مثل ما قالتلك اخت موجود بغلب العواصم العربيه وقلت الادب ممنوعه بالشارع حتى المشروب ممنوع بالشارع وممنوع ينشال بكيس شفاف بيلفوا بكيس ورقي والتلفزيون ممنوع المناظر اللي يمكن بتفكري عادي منفتح التلفزيون منشوفها عادي متل المسلسلات التركيه وطبعا ماحد فاضي للتلفزيون انا ما بفتحه ولا بسأل عنه يعني شغله مو اجباريه


الحياه ابسط ابسط من ان نعملها اكبر مشكله كلها ارض الله هو بيورثها من يشاء