السلام عليكم و رحمة الله و بركاته


كيفكم امهات
من 20/2/2013
بدأت بتعليم عبودي على الحمام
طبعا عبودي عنده تاخر عقلي متوسط و سمات توحد
للان ما بيتكلم اي كلام مفهوم لكن اصوات
من ناحية ادراكية احسن وبيعتمد على نفسه بالاكل و الشرب و خلع الحذاء و الجاكيت
وبيطلب الاكل و الشرب باحضار كوب او سحب الشخص للمطبخ او للثلاجة

الحمد لله في تجاوب بموضوع الحمام

طبعا اول اسبوع مزعت شعري و بهدل البيت و الفرش

لكن الان الوضع افضل من قبل
الان بيمسك نفسه تقريبا ساعة و نص و مرات بيجي عندي و بيحط ايده على مكان النونو او بيسحبني من ايدي للحمام

وبالنسبة للبراز الله يكرمكم صرت اقعده كل ما يخلص اكل و صار يعملها بس مستغرب جدا جدا

للان بلبسه الحفاض فقط عند النوم لحتى يجي الصيف بصير اشلحه الحفاض في الليل كمان

شو رأيكم بالتطورات يلا شجعوني و ادعولي

ربنا يحميه
ماشاء الله ماشاء الله
واصلي حبيبتي ولا تياسي
طالما الامل موجود فعلمي في فرج قريب
ربنا يشفيه ويعافيه يارب
وان شاء الله نسمع اخبار حلوه عليه
كوني بي قرب يارفيقه

ماشاءالله اخيتي ربي يوفقك ويحفظه ان شاءالله
تطور مهم جداااا وهالموضوع صعب حتى للاطفال الاسوياء
انا بنتي من فترة كمان عملنتها ومزعت شعري كمان هههههههه
بس الحمدلله فيه تطور ملحووووظ
بوركتي لنقل تجربتكِ
كتب الله لكِ بها الاجر

وننتظر تطورات عبودي ربي يحفظه ويفرح قلبك فيه

نورتي الركن الي اشتقلك

ربي يجزيكِ كل خير على نقل تجربتك علها تساعد البعض وتكون املاً لمن ينتظرها
بجد اشتقتلك وقلت وين غاطه اتاريكي بتقومي بأصعب مهمه
لكن ماشاء الله عليكِ وعليه اخبار بتفرح القلب
استمري ياغاليه مع الدعاء والاصرار والامل سترين ان شاء الله
مايفرح قلبك
بلغينا بكل جديد ياغاليه وبوسيلي الامور
ولاتغيبي عنا ابدا
فقربك سعاده ياقمرررر

mum

ونسيم ياسمين

حنين الياسيمن


مشكورات حبيباتي للتشجيع

الحمد لله الان تقريبا اسبوع ما عمل بول على حاله و الله مو مصدقة من الفرحة

بالنسبة للبراز مغلبني لانه دايما معاه ليونه يعني وسخ حاله مرتين هاد الاسبوع بس طولت بالي

وحكيت معاه بصوت عالي انه هاد غلط و صار يبكي

تقريبا النا شهر يعني الوضع في تطور ور بنا يسهلها و نخلص قبل الصيف يا رب

ماشاءالله تابعي يا قلبي
ربي يساعدك ان شاءالله
بس لا بقى تصرخي عليه هيك هيخاف وممكن يفضل يرجع للحفاض مشان ما عاد تصرخي عليه

الله يسعدك mum

لا انا ما بصرخ عليه لكن بتكلم بلهجة و صوت عالي هذا خطا هذا خطا الكاكا في الحمام يعني بكررها و هو بيزعل من الصوت العالي بس هاد الاسلوب مع اطفال التوحد عشان يعرف انك جدية معاه ور بنا يهديه حبيبي هو باقي هالاطفال

ماشاء الله عليه
استمري ياغاليه وان شاء الله بتلاقي نتائج رووووعه تفرح قلبك يارب
اكيد ياقمر الاطفال بيفهموا من حركات وجهك ونبرة صوتك وهي الاهم عندهم وبميزوا كتير منيح انك زعلتي منه وانو هو عمل شيء غلط ولازم يصححه
بارك الله فيكِ وفيه ويارب تكتبيلنا اخبار روووعه بالايام القادمه يارب

اها منيح يا قلبي
ننتظر اهم التطورات القادمة وربي يفرح قلبك فيه ان شاءالله

طمنينا شو صار مع ابنك ياغاليه
ان شاء الله اموركم تمام