موظفـات.......ربـات بيوت ~~~~~~~~~~ورمضـانيـات { يستحق النقاش }

ما شاء الله ام جنونه جدولك جميل جدا
وعجبتنى فكرة ان العزومات تكون فى وقت الاجازة الشهرية
علشان كمان تعرفى تدوقى الاكل وتظبطيه كويس
واحدة صاحبتى قالتلى من يومين على فكرة خطيرة تقوم بها والدتها
نظرا لان ليس معها من يساعدها فى العزومات
تعمل العزومة قبل رمضان وتقول للمعازيم دى عزومة رمضان ههههههه
طبعا مش كل الناس تقدر تعمل كده

انا بما انى مغتربة فليس هناك اهل واقارب
بصراحة زوجى بيقول لاصحابه انا هانقطع عنكم لا اعزم ولا اتعزم
رمضان الماضى عزمت فقط اتنين عزاب اى غير متزوجين
وافطار للمسجد (افطار جماعى تشترك فيه حوالى 16 اسرة)
ما شاء الله المسجد عندنا كل يوم فيه افطار جماعى نظرا لكثرة عدد الطلاب المغتربين هنا


وافطار لاسرة صديقة لنا كانوا مسافرين سفر طويل والمغرب هياذن عليهم
وفى الاخر عزمت اسرتين مع بعض
فقط
لانى فعلا اليوم الى بيكون فيه عزومة ما بقدر اصلى تراويح نهائى
غير المواعين والتنظيف مكان الضيوف

اما جدولى (يا نهارك ابيض ده كله ولسه ما قولتيش الجدول)
للاسف اولادى بيصحوا بدرى 9 او 10 بالكتير بفطرهم واقرا قران قبل ما البنزين يخلص ههه
وبعدين اعدى على الشقة واشوف تجهيزات الافطار الاولية
وغالبا بيكون غذاء اولادى من بقية افطار الامس
وانا الحمدلله لا اعمل اصناف كثيرة على الافطار عادى كأى غداء فى يوم اخر
ازود فقط المشروبات الباردة علشان الصيف
يستمر يومى من تحضير وترتيب للمنزل وتلاوة القران وارتاح قليلا
النهار عندنا طويييييييييل المغرب الساعة 9 ونصف والفجر 3 صباحا
وبعد الافطار يدوبك انجز المواعين بسرعة وبكون مجهزة الاولاد قبل الافطار
ونروح نصلى التراويح مع زوجى لانى للاسف لو جلست فى البيت هنااااااام وكمان علشان الاولاد يفرحوا برمضان
نرجع من التراويح الساعة 1 صباحا
فى الغالب نتسحر قبل النوم ونصحى نصلى الفجر ونكمل نووووووم
اسال الله ان يبلغنا رمضان ونحن بصحة وعافية ويعيينا على صيامه وقيامه
اللهم امين
جزيتى جنات النعيم غاليتنا وعود الخير على هذا الموضوع الرائع