السلام عليكم و رحمة الله و بركاته

كل عام و انتم بخير

اقترب شهر رمضان الكريم أعاده الله علينا بالبركات

ها يا بنات؟ مجهزة برنامج لرمضان
يعني هتعملي ايه طول اليوم؟
هتقرأي قران امتي؟
هتطبخي أمتي؟
هتنضفي البيت امتي؟
هتنامي امتي؟
هتدخلي عالنت امتي؟

كل ده يا بنات
تعالوا شاركونا ببرنامجكم لو كنتم أعددتوه عشان نستفيد
و لو لسة ياللا فكري و اعمليه معانا

ولو عندك أفكار نستفيد بيها للاستعداد لرمضان الأسبوع ده يالا قوليها بسرعة و احتسبي الاجر

في انتظار برامجكم
و انا كمان هأفرك في برنامجي و أدخل أقوله ان شاء الله

اهم برنامج لي في رمضان صلاة الطراويح في الجامع وصلاة العشر الاواخر وعلى اساس مواعيدهم ارتب باقي يومي

بيرووووو يا قمرقرأت الموضوع وهو رائع يستحق المشاركه
انا لسه صاحيه لي عوده ان شاء الله

أهلا أهلا بأحلى بيرو

منورة النافذة

برنامجى المعتمد يا بيرو

واللى لقيت نفسى بعمله لا إراديا

ولكنى أيضا سأرد فى نطاق أسئلتك

.................

هتقرأي قران امتي؟

أولا قراءة القرآن بتبقى فى الفترة اللى قبل الفطار
وطبعا أكيد فى المسجد وقت أنتظار المؤذن لأنى أذهب مبكرا للمسجد

هتطبخي أمتي؟

أنا بطبخ عادى زى ما أكون فى أيام عادية

وكأنى بحضر الغدا

والحمد لله دا اللى بيخلينى أتفادى الخناقات اللى بتحصل

قبل الفطار على أيه اللى أتحضر وايه اللى متحضرش

عشان أفوت عليه فرصة ذهبية

للخنااااااااااااااااااااق

هتنضفي البيت امتي؟

أولا ..أنا تو ما بخلص فطار تلاقينى أقوم وأشيل الأطباق

اللى أنتهينا منها واغسلهم على طول

والبنات يناولونى الباقى

واحاول أروق طيارى كده لغاية ما ارجع من صلاة التراويح

وبرجع من الصلاة وبيكون معايا خضار لتانى يوم

واقعد أحضره وبعد الأنتهاء منه أروق كويس وأغسل

المواعين اللى تخلفت عن الدفعة الأولى

هتنامي امتي؟

بالنسبة للنوم طبعا بيبقى بعد الفجر

وخاصة فى الصيف

كل سنة وانتم طيبين

هتدخلي عالنت امتي؟

تخيلى إنى أوقات كنت بدخل قبل الفطار شوية

أه والله

وأكيد دخول النت وقت رمضان بيبقى محدود نوعا ما وقليل

كل سنة وانتم طيبين

ويعيده عليكم بالخير والسعادة

أهلا بأحلي صاحبة بيت

فعلا جدول حلو و أحلي حاجة انك بتروحي المسجد و أحلي حاجة كمان
تفويت الفرصة هههههههههههههههههههههههههههه
أيوة كده انا كمان بافوت الفرص عليه بعينه هههههههههههههههههههههههههههه
تسلمي يا قمر
ولو عندك معلومات تانية و حاجات تانية قوليها من فضلك انا كاتبة الأسئلة دي كمثال مش هي دي بس المطلوب الأجابة عليها

في انتظارك

وردة برونزية معاكي حق علي حسب مواعيد التراويح

نور عين زوجها في انتظارك

السلام عليكم ورحمة الله و بركاته

اولا كل عام وانتن بالف صحة وعافية

واعاد رمضان علينا و عليكن اعوام مديدة

ونفعنا واياكن بايامه وجعلنا من عتقاء الشهر امين

ان شاء الله انا مخططة اصلي صلاة التروايح هذ العام في المسجد

" احاول اروح مبكرة استبق الصف الاول بعيد عن ازعاج الاطفال الصغار "

واعجبتني جدا طريقة الاخت صاحبة البيت انها تفطر في الجامع

ان شاء الله نفطر جميعنا العام القادم في الحرم المكي باذن الله

و جمعنا الله جميعا على حبه وطاعته

وجمعنا في فردوسه الاعلى

وكل عام والجميع بخير

ازيك يا بت يا بيرو عاملة اية ومؤمن عامل اية
وحشتينى اوى اوى وكنت والله عاوزة افتح موضوع زى دة بس سبقتينى بقى
بصى انا فى رمضان على طول بصلى الفجر وبنام وبصحى على الساعة 12 الضهر كدة اصلى الضهر
وبما انى لسة فى بيت ماما بروح احضرلها الاكل على السوا وهى بتسوية بقى قبل الفطار بساعة عشان يبقى سخن وبحضر السلطات والعصاير وكدة وبعد ما اخلص تقريبا كل دة بياخد منى ساعتين وبعد كدة بروق البيت كلة وانشر الغسيل وكل حاجة وناوية فى رمضان دة ان شاء الله اعمل رياضة قبل الفطار بساعة ونص عشان الجسم بيحرق جامد اوى فى الفترة دى حعمل رياضة ساعة واخد شور وكدة عشان ابقى فاضية احضر السفرة مع ماما وبعد الفطار على طول بقعد على النت بما اننى عاملة ريجيم فباكل تقريبا فى 5دقايق وبكون اول واحدة قايمة من على السفرة فبقعد على النت يجى نص ساعة كدة وبعدين بلبس عابيتى وبنزل امشى على البحر لحد ما العشاء تدن بروح المسجد اصليها واصلى التراويح واقرا القران بتاعى وبرجع البيت
وناوية اتفرج على برناج الاستاذ مصطفى حسنى على قناة اقرا بيجى كل يوم الساعة 11 وحيتكلم طول شهر رمضان عن الرسول صلى الله علية وسلم وازاى نحبة وببقى احضر فى السحور الساعة2 وبتسحر الساعة 3 وبفضل قاعدة لحد صلاة الفجر اصلى وانام
ونفس اليوم بقى بيتكرر

يسلموااااااااااا على الموضوع وان شاء الله نتستفيد من بعض

بصراحه هذا أول رمضان راح أحس بالمسؤليه

لان رمضان الماضي كنت عند اهلي نفاس باول مولوووود

يعني السنه هذي راح احاول استغل رمضان كنت اصلي الترويح بالمسجد السنه هذي ماقدر ولدي دوبه مشى وشقي الله يصلحه بحاول اصلي بالبيت ان شاء الله

راح تكون قرات القران بعد الفجر وقبل السحور وان شاء الله بعد كل صلاه لو صفحه

اعداد الافطار بيكون فتره الظهر والعصر

وان شاء الله اي شي جديد راح اظيفه لان انا فوضوويه ماعندي روتين واحد

بيرووووو يا عسل اناجيييييييييييييت
بصي يا ستي انا بصراحه اول رمضان ححس بالمسؤوليه
رمضان للي فات كنت مسافره للمغرب عند الماما و عند حماتي وبصراحه الاتنين كانو متكفلين بكل شئ .
ورمضان اللي قبل اللي فات كنت حامل وطبعا كان عندي وقت لكل شئ.
يعني الله يعيني في رمضان عارفه ابني على طول زن بيعملي صدااااااع خصوصا انه لسه معايا ما فيش حضانه .
المهم نظامي لرمضان ان شاء الله حطبقو :
قبل السحور بساعتين:
اصحى اصلي و اقرا قرآن وقبل الفجر بنص ساعه اتسحر وبعد صلاه الفجر اقعد اكمل قراءه القرآن
ناويه اكمل ختمتين ان شاء الله .
المهم بعد كده انام واصحى الساعه 9 :
اعمل اللي وراي تنظيف و اكل وغسيل ....على صلاه الظهر اكون خلصت بادن الله وبعدها اصلي وانيم ابني و ارتاح انا كمان .

وبعدها اخرج مع ابني للبارك park ليلعب شويه شي ساعه كده

و قبل الفطور بساعه كله يكون جاهز عالطربيزه
وفي هاد الاثناء ناويه اعمل رياضه و استحمى.
خلاص وقت الفطار بقى لازم اعد اكل براحتي
بعد الاكل مباشره غسل المواعين
وخلاص بالليل طبعا التراويح وقراءه القرآن لما ينام ابني
ملحوظه :
انا بفرز اكلي في الفريزر فبيكون سهل علي اطلعهم و اسخنهم بس بربح وقت
يالله سلااااااااااام ابقى اقرأ تعاليقكم يا حلوات واستفيد من خبرتكم .