تويت
� ﬗ▁▂▃▅▆▇★☀二【« الاتكيت على طاولة الطعام»】二☀★▇▆▅▃▂▁ﬗ
الاتكيت على طاولة الطعام
_لاتطلعين صوتوانتي تاكلين وتشربين ولاتتكلمين وبفمك اكل ولاتفتحين فمك وقت الاكل..
_ افرشي المنديل وهو مصفوط على شكل مستطيل..واذا قمتي من على الطاوله وانتي ناويه ترجعين حطيه على الكرسي اما اذا كنتي خلصتي من الاكل خليه جنب صحنك..
_كلي بشويش ولاتستعجلين وحاولي ماتحطين بصحنك ا لا الشي اللي واثقه من انك بتاكلينه موتعبينه وتخلصين الاكل بصحنك واخرتها يقعد كذا..
_اذا علق شي بين الاسنان لاتنظفينه قدام الناس بالعود لا قومي ونظفيه لحالك وبعدين ارجعي..
_اذا كنتي تشربين شوربه وخلصتي لاتخلين الملعقه داخل صحن الشوربه لكن حطيها بالصحن اللي تحته..
_من الذوق انك ماتخلين اي اداة للاكل على سفرة الطعام يعني ملعقةالشوربه في الصحن اللي تحت صحن الشوربه..السكين والشوكه في الصحن الرئيسي ....الخ
_لاتقومين قبل ماتقوم صاحبة العزيمه لانك ماتدرين متى ينتهي التقديم حقهم ..
_اجلسي على الكرسي وظهرك مشدود ومفرود مو تنحنين ودايم اعرفي ان المفروض راسك ماينزل عن كتوفك يعني ماتحنينه..ولما تخلصين من الاكل ممكن انك تحطين كوعينك على الطاوله اما وقت الاكل لا يابعدي
_حاولي ماتكثرين ضحك وكلام وقت الاكل وبعد لاترفعين صوتك..
_خلصتي اكل قولي الله ينعم عليكم ويكثر خيركم مبتقومين وبس واشكري صاحبة العزيمه على العشا الحلو حتى لو ماعجبك خلكم ذربات يابنات
__________________
تعليق