بسم الله الرحمن الرحيم
أخواتي العزيزات أولا أتمنى منكم قبل قراءة الموضوع وقبل الردود والتعليقات أن تتخيلو أنفسكم مكان أختي فلو كنتم مكانها وفي نفس ظروفها فماذا ستفعلون وكيف ستتصرفون وإلى من ستتجهون؟
قبل فترة أنزلت موضوع في المنتدى بغسم هل استمر أم أطلب الطلاق والردود كانت مختلفه
لن أطول في الحديث عليكم ولكن قصة أختي أنها تزوجت من رجل متزوج وكانت طريقة زواجها بالحيلة والغش والخداع والمصيبة العظمى بأنه ملتزم وإمام مسجد ويعمل في مدينة أبها في هيئة التحقيق والإدعاء العام أول مرة أتى للزواج أدعى بأنه متزوج وحده وأن لديه أربعة أطفال وأن زوجته معلمة وتعمل في مكان وهو بمكان اخر ويريد زوجه تؤنسه في المنزل وتقوم بمتطلباته الخاصة وأن تمنعه من الحرام لآنه يخاف الله وبعد ذلك تمت الموافقه على الرجل الذي يخاف الله وبعد الزواج وبعد أن تمت ليلة الدخلة على الضحية أختي ذهب بها إلى المنزل الخاص به ووجدت أختي الصدمة الكبرى بأنه متزوج إمرأتان وواحده قبلها مطلقه ولديه تسعة أطفال المشكلة أن أختي تم حملها مبكرا جدا وبدأ بالإتصال على والدتي ويقول حمل بنتك كان غلطة طبعا أختي أتوحمت على المنحوس زوجها وجات شهرين عندنا عشان الوحم وثانيا لآن ماعندها بيت لآنها كانت ساكنه مع شريكتها الثانية وكان يخليها تشتغل عندها دخل أبويا في الموضوع وخلاها تجي عندنا على اساس يسوي بيتها اللي تم الإتفاق عليه اخيرا أستاجر بيت لآمه وفي غرفة في الحوش ودورة مياه حط أختي فيها طبعا امه جوه في الجناح الملكي الله ياخذها والشغالة جوه معاها طبعا الشغاله خاصة بإمه واختي في الحوش غرفتها يعني تخيلوا غرفة وحده تجلسي فيها كل يوم لوحدك وأمه ماتبغى أحد يدخل بيتها لآن ماتحب التجمعات وكل ماجات اختي تطلع مكان يقولها كيف تخلي أمي لوحدها والآدهى الآمر من كثر ماهم متشددين مافي تلفزيون ولا راديو ولا تلفون لآنها كلها حرام على قولتهم يعني مثل السجن بالضبط حتى لما يكون دوره عندها وتجي اختي تبغى تلبس وتتشيك تدخل امه وتقول لاتلبسي لولدي كدا خليك بقميص وبس البنطلون حرام اللبس الضيق حرام الكم القصير حرام الصبغات والماكياج حرام أوف ياربي كل شيء حرام الهبرجر والآكلات هاذي حرام لآنها أكلات يهود نسيوا الآخوان إن رز أبو بنت أمريكي وكل ماتسوي اختي شيء في المطبخ تقول اقلبيها وسوي كبسة كل يوم كبسة المه تحملت أختي من الشهر الثالث وهيا في البيت إلى الشهر الثامن ومن هنا بدأت المشاكل أختي تبغى تولد عند امي وامي متزوجه وساكنه في جده الآخ رفض وبكل قوة وجه يقول أسفرك الرياض وأسويلك عملية قيصرية وخوفها وقال إن هذا أخر حمل لك في النهاية قال خلاص روحي عند أمك اولدي وجاء عندنا البيت وودعها لما سافرت أختي بعد ثلاثة ايام دق عليها وهيا باقيلها أسبوعين على الولاده ويقول أنا مش راضي إنك تطلعي عند أمك في النهاية أكتشنا أنه زعل كله عشان يبغى يسوي قيصرية عشان يقطع عرق النسل ويجلس يتمتع وبس ولدت أختي وقامت بالسلامه ولا قال الحمدالله عالسلامه ولا صار يرسل مصروف على الآقل للبنت الصغيرة ونتصل عليه نقوله سوي البيت يقول مافي شيء مشجع ونفقة بنتكم لاتلزمني شرعا ولما وصلت أختي أبها يدق عليه أبويا يقوله تعال شوف بنتك يقول بنتي الله يحفظها ويرعاها وحريمه والله العظيم مسكنهم في قصور وكل وحده لها مصروفها الشخصي وتماشي وسهرات عند اهاليهم ولما كلمته أختي أخر مرة حصلته اتزوج وجاب الحرمه الجديده في غرفتها على نفس السري حقها وعلى اغراضها وعلى ذلك كسر باب غرفة اختي وحط ملابسها في كيس زباله عند سوبر ماركت والمشكله إننا نجي عند باب بيته أكثر من مره وطردنا يقول محنا موجودين في البيت امي لوحدها إلين كسر الباب وحط كل اغراضها في كيس زباله ولما كانت اختي متمسكه فيه يقول انا باطلق وإذا تبغي ترجعيلي ارجعي بشروط وطلعت الشروط هيا مافي زيارة لبيت اهلك نهائيا يقول لو أبوك يموت ماتروحي وثانيا زيارة أمك تنقطعي عنها نهائيا أختك ندى تقطعي علاقتك فيها نهائيا أهلك مايدخلوا فينا وشوفوا كيف أمه لازم تكون معاها والبيت مايسوي ولا يستاجر يقول ترجع في نفس الغرفة علما بأن أمه قالتلها إذا جبتي طفلك والله لو أسمعله صوت لآطردك إنتي وياه بره وكاسة مويه والله ماعطيكي هيا وفوق هذا مادفع لامهر ولاجاب ذهب ولا حتى سوى زواج وآلحين أختي طالبه الطلاق ومش راضي يطلق هيا عادي بتطلع المحكمة وتطلب الطلاق بس البنت الصغيرة اللي ماسأل عنها الله يجعلها في ذمته وربي مايسامحه قال أرسلها مصروف 300 ريال شامله بكل شيءوالله حتى بنته مايعرف وش إسمها وحتى عمرها ولاجاء شافها طبعا أختي أستشارت محامين كثير وكلهم قالوا هذا ماينفع لآنهم يعرفوه أكثر مننا أنا كل غرضي من هذا الموضوع أبغى رايكم وبكل صراحه وأبغى اقولكم تحذروا من الكذابين اللي متسترين تحت الدين هذا الرجل إسمه ..................... حذف
طبعا أختي استخارت ربي كثير ولا تبغى إلا غير الطلاق
رد مع الاستدلال
الروابط المفضلة