السلام عليكم ورحمة الله وبركاته
كرهته كرهته كرهته..
الله يهديه خيانات بالجوال اكشفها بين فتره وثانيه لحد ماحط رقم سري على جواله
بس امس كشفته من جديد قبل مايتقفل الجوال.
لما عرف اني صدته يقولي ماهو شغلك
وانا فاقد الحب والحنان معك
طيب انا بعد فاقدته شسوي؟ اروح اسوي مثلك؟؟ استغفر الله العظيم من كل ذنب عظيم.
مانجلس مع بعض الا دقايق قليله لانه يبي ينام بدري دوامه من 4 الفجر الى 2 الظهر وجان زين راتب زين
وعندي عيال مايسعيني انومهم على الساعة 8 الا وهو نام وراهم .. طلعاتنا قليله روحاتنا جياتنا نادرا مانخرج سوى.
بنات مابي الا دعاءكم جعل ربي يرزقكم كل ماتتمنون ان شاءالله
ويحرم وجيهكم وذويكم وجميع المؤمنين والمؤمنات النار يارب العالمين.
خواتي تكفون ادعوا لي الله يغير مابنفسي نحو الافضل، ادعوا لي اكون بعينه زينة النساء،،
ادعوا لي الله يعطيني خيره ويكفيني شره ويسخره لي ويعمي عينه عن بنات الحرام
ولكم خواتي بالمثل ربي يسخر لكم ازواجكم ويعميهم عن غيركم آمين يارب العالمين..
ياعياذي عند دعوتي وياعدتي في ملمتي , ياربي عند كربتي ,
ياصاحبي في شدتي,ياولي في نعمتي,
يا الهي واله ابراهيم واسماعيل واسحاق ويعقوب والأسباط وموسى وعيسى ,
ياكافي موسى فرعون وياكافي محمد الأحزاب
صلي على محمد وآله الطيبين الطاهرين الأخيار
وأرزقني مودة < زوجي> وخيره ومعروفه واصرف عني أذاه وشره ومكروهه.
والله يقضي حوايجكم جميع ويرحم والديكم ويرزقكم ماتتمنون
ويجمعنا بكم يوم الدين في جنات النعيم ان شاءالله...
حاسه اني مخنوقه للاخر تكفون لاتنسوني من الدعاء بهالأيام المباركه
الروابط المفضلة