عمرك دخلت نقاش زى ده؟
دايماً بيتعمل قدامى النقاش ده و أن الرجل واخد حقه بالقوى و الست كومبارس لأ و كمان الدين بينادى بمعاملة المرأه
بعنف كما جاء فى سياق ايه (و أضربوهن) .. بص يا سيدى أنا كنت أسمع الكلام ده أبلع ريقى و أكشر و أقولهم
أنتوا مش فاهميين حاجه فى الدين و الحقيقه أن مكانش عندى حاجه أقولها و فى قرارة نفسى عارفه أنى معرفش حاجه و إن كان كلامهم صح ولا غلط بس بقول كده و خلاص
عشان بقه بت مسلمه و عيب ماكنش عارفه و التخلف الى أحنا فيه ده المهم أخدت كورس هدفه شرح الأيات التى أسىء تفسيرها و شرحها وفهمها و الهدف من الكورس ليس ان الناس تسلم و لكن أنها تفهم الأشياء المغلوطه و تفهمها فهمها الصحيح
قلت أروح أنا أصلا زى الأجانب ولا فاهمه حاجه .. فى البيت الدين عندنا الأعياد و الصلاه و رمضان ..و المدرسه كانت حصة الدين نوووم فى نووم
أولاً أعترف انى كنت أعبط واحده من حيث النواحى الدينيه و الثقافيه كل الى معايه كانوا امريكان مسلمين أو مسلمين
عايشين فى أمريكا أو أزهريين و أنا بقه قاعده بطه بلدى قمة العبط .. بس أنا مسكتش كنت إيجابيه و قعدت أسأل
و سعيت أنى أعرف كل حاجه المهم أتكلمنا فى 11 موضوع بس مش هينفع أقول11 هقول بس المساواه زى ما قلت فى الأول
أولاً :- القرأن الكريم فى أياته يخاطب الأثنين الرجل و المرأه
و هكذا توجه الخطاب الى الأثنين معا و فى بعض الأحيان للمرأه فقط و فى بعض الأحيان للرجل فقط عندما يخصهم بأمور معينه
الرجال و النساء متساويين و الفضل بينا ان كل واحد يقوم بدوره على الوجه الصحيح
و معنى القوامه معناها أنه يقوم على مصالح زوجته و يشاركها و تبقى مسؤله منه ماديا حتى لو ليها دخل
مواضيع كتييره بقه فهمينها غلط
ان الست بتاخد نصف الورث ميين قال كده الست فى حالات بتاخد نصف الورث و ساعات زى الراجل و ساعات أكثر منه يبقى موضوع الورث ده على حسب الظروف لى عايشه فيها البنت و عائلتها
و ده موجود فى القرأن و السنه
طيب هو فى الأصل ليه هو ليه أكثر؟
عشان الرجل فى الأسلام المرأه مسؤله منه مراته و أمه و أخته و بنته و بيدفع مهر و شبكه
الست ليها زمه ماليه خاصه بيها كمان غير الى جوزها بيديهلها للبيت
يعنى المفروض اننا متظبطيين 
لكن الواقع بيخلى الست تصرف على البيت لأن مافيش شغل للرجاله فى ظل البطاله الى أحنا عايشيين فيها و الثقافه المتخلفه و العادات و التقاليد أن الشبكه تبقى غاليه عشان جارتها جالها شابكه غاليه و البت متتقهرش و المهر أكثر من بنت خالتها عشان بنت خالتها مش أحسن منها فى حاجه و الشقه 3 غرف و 3 صالون و مش عارف ايه و ده زود نسبة البنات سنهم فى الزواج بقى كبير "مش بحب كلمة عانس"ب .. الأسلام بسيط وبيبسط الأمور
فى أيه فعلا بتقول و أضربوهن بس اليه قبلها بتقول أعظوهن و بعدين أهجروهن و فى الأخر أضربوهن
و لما جه الأسلام يعرف الضرب حاجه ولا توجع ولا تعلم و النبى صلى الله عليه و سلم لم يضرب أمراه ولا صبى ولا رجل قط
وكمان الضرب على الوجه حرام و يجب أن يعاقب و يحاكم من الولى لو حد تم ضربه على وجهه
سيدنا أيوب لما علم أن زوجته باعت شعرها عشان مكانش فى فلوس فى البيت و هو كان مريض قال لها أنه لما ربنا يشفيه هيضربها
و لما ربنا شفاه جاب شوية ورق شجر و عملها على يديها بطرقه خفيفه فقط ليوفى الحلف
القرأن لم ينزل على بلد فيها حقوق و لكن نزل على بلد رجالها يدفنوا بناتهم أحياء و بيضربوا زوجتهم و يأكلوا مال
اليتيم و المرأه كانت مسلوبة الحقوق فى زواج و ميراث فى حياتها عموماً
و حتى الأن البيوت فيها مشاكل و الأسلام جه عشان ينظم و يقنن الأشياء السلبيه و يحولها الى إيجابيه
الأسلام سمح للرجال بالزواج بأكثر من واحدة و لم يأمرهم و فى الجزيرة العربيه قبل البعثة كان الرجال يتزوجون بأكثر من واحدة بل يتزوجون بالعشرات و جاء الأسلام ليقنن الأمر الى 4 فقط و فى حالات معينه و بعلم زوجته مش من وراها يعنى يجب ان يعلمها بموضوع نيته بالزواج من أخرى
أنا بقه توصلت لقناعه فى موضوع الزواج ده الموضوع مش ضرب و هات و خد و حياه ممله
الموضوع أحتياج و مشاركه و موده ورحمه زى ربنا ما بيقول
العنوان مالوش أى صحه لو حد قاله.. الأسلام دين أنزل ليطبق العدالة و المساواة و المرأة زى ما شرحت ليها حقوق هى مش فهماهه
ولا بتطالب بيها و الثقافه العامه و العادات و الذى منه مضيعاها تماما و المسؤل عن ضياع هذه الحقوق المرأه و الرجل معاَ
حاجات كتيير استفدت فيها فى الكورس أهمها تكريم الله عز و جل للأنسان عموما ذكر أو أنثى
منقول من احدى المدونات مش عارفة اسم اللى كاتباها ايه لكن المدونة اسمها
(( كبر دماغك ))
LinkBack URL
About LinkBacks
رد مع الاستدلال
كتبت بواسطة *nadiaa
الروابط المفضلة