نفسى اتغير

السلام عليكم ورحمة الله وبركاتة
با بنات زى ما بيقولوا ان الاعتراف بالحق فضيلة
وانا بجد بجد نفسى اغير كل حاجة فى حياتى كل كل حاجة
اولا حبدا باول حاجة وهى التقرب للة ودة اعتراف منى بجد وانا مش زعلانة لانى عايزة اصلح نفسى
انا اسمى مسلمة على الورق يا دوب لابسة الطرحة وبصوم رمضان
انا نفسى اصلى يا جماعة ومش عارفة كل ما انوى انى اصلى على طول يومين واطنش مش عارفة لية
عايزاكم تقولولى بقى على حاجة تخلى الصلاة دة فى زهنى واول حاجة اجرى اعملها على طول


تانى حاجة بقى نفسى بجد اخس وطبعا انا شايفة ان الجسم دة نعمة من ربنا يعنى لازم نحافظ علية
انا مش عايزة التزم بريجيم ولا حاجة انا بس مش عايزة ابقى شبة الجاموسة بتاكل كل حاجة بتلاقيها ادامها حتى لو كانت فى الارض لية عشان انا بنى ادمة بس فى الطريق الى التحول الى جاموسة فنفسى اخفف اكلى بس
على فكرة انا بحاول كتير اوى اوى بس يا دوب بيفوت ساعتين واجرى على الاكل زى المفجوعين


نفسى بقى فى حاجة اوى اوى بس صعبة اوى اوى نفسى ارجع براءة الطفولة لعقلى وعينى
نفسى اكون ملاك ميعرفش اى حاجة غير الطيبة والحنية نفسى اكون ملاك مليش اى علاقة بشرور الدنيا بس دى صعبة ولو عشت كدة فى الدنيا اكيد مش حعرف اعيش لان احنا فى غابة


نفسى اراعى ربى فى مذاكرتى وخليش اى حاجة تشغلنى عنها نهائى
بجد بجد انتوا اكتر ناس محتاجة مساعدتكوااا

السلام عليكم ورحمة الله وبركاته

غاليتي مس عسل

يسر الله لك أمرك و انار بصيرتك
و زادك خشوعا و ايمانا
و حقق لك كل ما تتمنين و أكثر

حبيبتي موضوعك هذا يشبه الى حد كبير الموضوع المطروح سابقا هنا

اية رايكم فيااااااااااااااااااااااااااااا؟؟؟

يقول الشاعر أختي الحبيبة

و ما نيل المطالب بالتمنى و لكن تاخذ الدنيا غلابا

فلا يوجد شيء اسمه نفسي اصير كذا أو نفسي ابطل كذا
انوي ثم توكلي على الله و ابداي في التغيير فورا
و دون تردد فمن سار على الدرب وصل

أما ان تبقي على قول ياليتني ..او كم أود
فلن تحصلي على شيء

وفقك الله و هداك و زادك نورا و ايمانا

أختي الكريمة ..

إذا صلح ما بينك وبين الله ..صلح ما بينك وبين الناس ..

توكلي على الله .. وانوي ..واصدقي ..واعزمي على التغيير فإن الله لا يغير ما بقوم حتى يغيروا ما بأنفسهم ..

إن شاء الله تفيدك هذي الروابط :

يا من تؤخر الصلاة عن وقتها ..إليك مني هذه الكلمات ..

مواضيع رائعة لمجموعة من الأخوات ..

النفوس الضعيفة ..إلى متى ..؟

..كيف تقوي إيمانك ..محاضرة رائعة

قصص ... علو الهمة ..

رسائل في تزكية النفوس ..

كيف ..وكيف ..وكيف ..



أخيراً ..أوصيك بالدعاء ...

نحن الآن في شهر الدعاء ..ألحي خاصةً في أوقات الإجابة ..بين الأذان والإقامة ..وقت السحر ..عند الإفطار ..

ثبتك الله وسدد على طريق الخير خطاك ..

حبيبتي مس عسل انتي لسه صغيرة قوووووي وفي سن صعب علشان كده انتي متلخبطة ومش عارفة انتي عايزة ايه بس انا عايزة اقولك ان في سنك ده كان اسامه ابن زياد قائد جيش من اكبر جيوش المسلمين وكان في سن اصغر من سنك علي ابن ابي طالب رضي الله عنه اعتنق الاسلام عن اعتناق وقرر انه يساعد النبي عليه افضل الصلاه والسلام لا واستخبي مكانه في سرير الرسول بكل شجاعة ومخافش من الكفار حبيبتي انتي محتاجة حاجتين اول حاجة انها انك تحسني علاقتك بربنا بصي يا سيتي اولا انتي كل ما تسمعي الاذان قومي صلي حتي ولو غصب عنك وحتي لو انتي كسلانه برده قومي عارفه انا مرة سمعت ان فيه واحد سأل شيخ وقاله انا بقوم اصلي وانا ببقي مضطر وخايف من ربنا لأنه بيبقي كسلان فهل صلاته صحيحة والشيخ قاله ايوة صحيحة وبصي يا سيتي شوية شوية هتلاقي نفسك خاشعة في الصلاه وبتصلي من نفسك واليوم اللي مش هتصلي فيه هتحسي ان فيه حاجة ناقصاكي وبصي كمان حاولي تحفظي قرآن حتي ولو سور صغيرة وروحي لمحفظة تحفظك علشان تتابعك وعلشان تسمعلك وانتي بتصلي صلي بسور مختلفة لاني سمعت شيخ من الشيوخ بيقول انك وانتي بتصلي بسور متنوعة فاني كده بتستمعي اكتر بالصلاه وان ده بيمنع عنك السرحان وحاولي دايما انك تستغفري ربنا لان الاستغفار يا سيتي بيفتح باب الفرج . الحاجة التانيه بقي اللي انتي محتاجاه هي انك تثقي في نفسك وفي قدراتك بصي يا قمر انا هاحكيلك حكايه انا اعرف واحدة باباها ومامتها اتطلقوا وبعدين مامتها اتجوزت واحد تاني وبعدها رموها عند جدها والكلام ده حصل وهي في ثانوية عامه حطي نفسك مكانها؟؟ تخيلي نفسك مضطرة كل يوم الصبح تصحي لوحدك وتصحي اختك اللي اصغر منها وتفطر وتفطر اختها وتعمل لاختها الساندويتشات وبعد ما ترجع المدرسة تقوم تطبخ والمشكله ان جدها مش من النوع اللي ممكن يستحمل انه ياكل اي حاجة يعني لازم طبيخ وبعد كده تروح تذاكر مهياش محتاجة حد يقولها ذاكري او اعملي وكل ده وهي بتهتم بجدها وبصحته وخلصت ثانوي ودخلت كليه الهندسه واهي دلوقتي خلصت هندسه واتخطبت وعلي وش جواز يعني يا سيتي لازم تحمدي ربنا واحمديه جامد ولازم تحسي بمامتك وحطي نفسك مكانها ولازم تعامليها كويس زي ما انتي عايز بنتك بعد تعاملك حاولي تغيري نفسك شوية شوية وبالنسبة للمذاكرة حطي لنفسك جوايز صغيرة يعني حطي لنفسك جدول واليوم اللي تمشي فيه في الجدول تقومي تجيبي لنفسك حاجة حلوة ولتكن شيكولاته او اي حاجة انتي بتحبيها قوي واليوم اللي متذاكريش فيه متديش لنفسك حاجة بالعكس تعاقبي نفسك بحرمانك مثلا من انك تشوفي حاجة في التليفزيون بتحبيها ونفسك تشوفيها وهكذا وفي نهايه ااسبوع شوفي جدول الاسبوع لو نفذتيه كه يبقي تكافئي نفسك بخروجة حلوة مع صحابك او مع مامتك وصقينيهتلاقي نفسك غصب عنك بتذاكري لانك هتبقي عايزة المكافأة وهتبقي خايفة من العقاب.

بعد الي قالت الاخت انجل مبقة شي ينقال
وانا انصحك بنفس كلامها اهم شي اتكوني راضية عن علاقتك بربنا
واول شي لارضاء الله هي الصلاة وبعدها حبيبتي اشوية اشوية زيدي التزامك الديني وابدي بتغير عادات حياتك من ناحية تخفيف الوزن وعلاقتك بالاخرين وان شاء الله ربنا يهديكي وينور عليكي وتقوة عزيمتك وتلتزمي بالدراسة وتتفوقي بيها بس اهم شي الصبر والارادة
اختك بالله العراقية

اختي اجعل الله اول الناظرين اليك واجعلي الجنه نصب عينيك وبذلك سوف تسارعين لعمل الخيرات واداء الصلوات وضعي في بالك دائما ان الذي لا يصلي عمدا يعتبر كافر وبذلك سوف ينتابك الخوف من المولى ولن تتركيها ابدا بارك الله فيك واعانك على الخير

اختي العزيزة
ربما عندك هبوط في العزيزمة والهمة لتحقيق مبتغاكِ... واعلمي عزيزتي ان الالف خطوة تبدأ بخطوة واحدة..
فعليك بالتنظيم قبل كل شيء حتى تستمتعي بتحقيق اهدافك وتلاحظي التغير والفرق..
استعيني بالله والدعاء ان يثبتك ويهديك وان لا يجعل الدنيا اكبر همك...
واعلمي يقينا اختي ان تركك للصلاة سيبطل باقي اعمالك وستذهب هباءا منثورا...
ليس له اية قيمة يوم الحساب..... (كأنك لم تفعليه)...وغير مؤجرة عليه مهما عظم...
فلا تدعي نفسك تعيشين اقل من رتبة الآدمي ..... فالتكليف هو ما يميزنا نحن البشر...
وحتى نكافأ على اعمالنا ونحصد الحسنات علينا بالصلاة ... فهي عامود الاسلام واول اركانه..
وتركها يخرجنا من دائرة الاسلام والايمان.... واعمالنا كسراب...كالكفار والمشركين.. اعمالهم
تذهب هباءا منثورا بدون الايمان بالله..
دعواتنا لكِ بالهداية والثبات اختي
ووجعلك الله من عتقاء رمضان.