بصو بقى ده اول موضوع ليا ف المنتدى كله بس بجد لو وحش قولولى وانا مكتبش تانى انا حاسه انى ف امتحان ده طبعا بالنسبه للمواضيع الفوق رائعه اللى انا بقرئها هنا ............ المهم انا هتكلم مع المخطوبين بصفتى مخطوبه وعايزين نتفق على حاجه كلنا عارف طبعا ان المشاكل بتكتر الفتره دى هو طبعا بيقعد يقولك انا لازم اعودك على طباعى وعاداتى وكده يعنى واحنا لو غلطنا مره وعايزينهم هم اللى يتعودو على شى معين فينا نبقى اتجننا احنا منمشهمش على مزاجنا بس نستحماهم بس .يا عينى علينا طيب حاجه كمان ان على اى حاجه بنتعصب انا والله قبل خطوبتى كنت باااااااااااااارده والكل كان بيقولى زوجك مش هيستحمل البرود ده ولاكن بعد الخطوبه انا بقيت عصبيه جدا المهم بقى يا عسلات يا حبايبى كل واحده فينا حزب المخطوبين هتقول نصيحه عشان خطوبتنا تبقى بمبى شويه انا بشوف هنا كل النصائح للمتزوجات طيب احنا والله حرام كل ما اشوف فكره حلوه اقول بعد الجواز طيب هو مكتوب عيه دلوقتى نكد وممكن نقول نهدى العصبيه وقت الخناق ازاى انا صدعتكم وطولت عليكم اوى بس كنت حابه اننا نبقى متواصلين مع بعض
ونفيد بعض شويه ايه رأيكم هستناكم

عزيزتي موضوعك ليس هنا بركن الديكور
هو موضوع جميل ولكن ليس هنا

وبالنسبة لنصيحتي

اذا انك صليت استخارة قبل الخطبة فباذن الله كل شيء تمام

وروقي ولا تعصبي فكري على مهلك وبدون عصبية

ويجب أن يكون عندك رأي خاص بك وان تضعي النقاط على الحروف منذ البداية

وكوني لخطيبك كما أنت فعلا دون تصنع لو تصنعت باي شيء كله سوف يظهر لاحقا فانتبهي

لا تكثري المطالب وكوني واقعية بما تطلبين

عيشي اسعد لحظات في حياتك دون نكد وتوتر

هذه نصائحي البسيطة
ودمت بود

لسع ما جربت ......... لمن اجرب ان شاء الله بخبرك.........

اهم حاجه لا تستعجلى فى الخطوبه وتمهلى فترة الخطوبه للدراسه والتعارف

فكره حلوه
فعلا المشاكل كلها للمتجوزين بس
والمخطوبين دول يعني عايشين الحياه بمبي
انا معاكي
وحابه اقول لك شويه نصايح
- اول حاجه ان مش كل الرجاله زي بعضها انتي بتشوفي مشاكل ومواقف تستفادي منها وبتحاولي تتجنبيها بس لو اتحطيتي فيها صعب انك تطبقيها زي غيرك ما طبقها ليه ؟؟؟؟ لان مش كل الرجاله زي بعض
ممكن لما يكون في حب وحب اوي تلاقي الرجل عجينه سهله في ايدك مش معني كده انه ضعيف الشخصيه لأ مش عايز يضايقك وانتي كمان مش عايزه تضايقيه لانه اهم حاجه بين اي اتنين التفاهم قبل الحب حتي لانه لو مفيش تفاهم الحب بيضيع وتوصلي لمرحله انك حتي لو بتحبيه من كتر المشاكل خلاص مش طايقاه
عشان كده لازم التفاهم عشان كل واحد يبقي فاهم وعارف ايه اللي بيضايق التاني ايه اللي بيحبه ايه اللي بيخاف منه
وبعدين في رجاله بتبقي عاشت حياتها ولما بترتبط بعلاقه حب حقيقي بيكونوا عايزين يرموا كل حاجه في حياتهم وراهم ويبدئوا من جديد وفي الحاله ده بيبقي سهل اوي انك تتعاملي معاه بالطريقه اللي انت عايزاها
ولو عايزه تغيري فيه حاجه مستحييييييييييل تتغير في يوم وليله لأ لازم يكون عندك صبر لان كل حاجه بتيجي واحده واحده
- يعني مثلا " السجاير" ده اكتر حاجه بتعمل مشكله بين اي اتنين واول ما الواحده ترتبط بتبقي في يوم وليله عايزاه يبطلها لأ طبعا واحده واحده بالاقناع والتفاهم هو من نفسه هيبطلها مش بالعند
- نيجي لمشكله الاصحاب طبعا مستحييييييل يستغني عن اصحابه بسهوله الا اذا هو من نفسه عايز يستقل بحياته بعيد عن اصحابه وخاصه لو كانوا اصحاب يودوا في دهيه غير كده لو فرضتي عليه انه يبعد عن اصحابه هيعند وتفضلوا في مشاكل لأنه انت كمان لو طلب منك تبعدي عن اصحابك مش هترضي
- واهم حاجه كمان لما تكوني زعلانه من حاجه قولي عليها في وقتها اوعي اوعي تمثلي انه مفيش حاجه وتضغطي علي اعصابك لازم لو في اي حاجه تقولي عليها في وقتها مهما كانت النتايج لانه مع الوقت هتتعودي تشيلي جوايكي وتتراكم المشاكل ويبقي صعب حلها بعد كده عشان كده لازم تحلي اي مشكله اول بأول
- كمان بلاش الخصام البعد بيعمل جفا متتعودوش انكوا لو في اي مشكله تتخاصموا ومتكلموش بعض لأ عرفيه انه غلطان باي طريقه غير انكوا متكلموش بعض اتصلي بيه عادي واسألي عليه ببرود وهو هيعرف انك زعلانه ويصالحك
- حاجه كمان اوعي تعيشي حياتك مع انسان لعبه شطرنج كل واحد فيكوا يخطط لتاني ويحسب قبل كل خطوه الف مره هتبقي حرب مش حياه اتعاملي معاه بمنتهي التلقائيه والعفويه وعوديه هو كمان علي كده
- واهم حاجه لازم تعرفيها ان الرجل طفل كبير مهما كبر ومها كانت شخصيته ومركزه فهو طفل تعملي معاه كأنك امه صدقيني هيموت فيكي وميقدرش يستغني عنك ابدا

انا رغايه اوي وطولت عليكي
يارب اكون افدتك
ونشوف باقي الخبرات عشان نستفيد

كتبت بواسطة mm msh

بصو بقى ده اول موضوع ليا ف المنتدى كله بس بجد لو وحش قولولى وانا مكتبش تانى انا حاسه انى ف امتحان ده طبعا بالنسبه للمواضيع الفوق رائعه اللى انا بقرئها هنا ............ المهم انا هتكلم مع المخطوبين بصفتى مخطوبه وعايزين نتفق على حاجه كلنا عارف طبعا ان المشاكل بتكتر الفتره دى هو طبعا بيقعد يقولك انا لازم اعودك على طباعى وعاداتى وكده يعنى واحنا لو غلطنا مره وعايزينهم هم اللى يتعودو على شى معين فينا نبقى اتجننا احنا منمشهمش على مزاجنا بس نستحماهم بس .يا عينى علينا طيب حاجه كمان ان على اى حاجه بنتعصب انا والله قبل خطوبتى كنت باااااااااااااارده والكل كان بيقولى زوجك مش هيستحمل البرود ده ولاكن بعد الخطوبه انا بقيت عصبيه جدا المهم بقى يا عسلات يا حبايبى كل واحده فينا حزب المخطوبين هتقول نصيحه عشان خطوبتنا تبقى بمبى شويه انا بشوف هنا كل النصائح للمتزوجات طيب احنا والله حرام كل ما اشوف فكره حلوه اقول بعد الجواز طيب هو مكتوب عيه دلوقتى نكد وممكن نقول نهدى العصبيه وقت الخناق ازاى انا صدعتكم وطولت عليكم اوى بس كنت حابه اننا نبقى متواصلين مع بعض
ونفيد بعض شويه ايه رأيكم هستناكم

حبيبتى انا بردو مخطوبة وبمر بنفس المشاكل كدة بردو زيك تمام وانا اول واحدة انضم معاكى ونبقى فعلا متواصلين مع بعض علشان نستفاد ونقدر نعرف من خبرات اللى سبقونا

حبيبتي mm msh

ايه بس الي ميخليش خطوبتك وحياتك كلها بمبي×بمبي

بصي ياقمر صحيح انا مكتوب كتابي من فتره قليله بس كنت مخطوبه سنه قبلها وكمان خطيبي مكنش هنا اتخطبنا وتاني يوم سافر لانه بيشتغل برا مفيش حاجه ممكن تسبب مشاكل وتموت الاحساس اكتر من البعد صدقيني
ربنا يبعده عنك وعن خطيبك ويخليكم لبعض مبدئيا قولي (الحمد لله) انتي فنعمه وهيا انكم سوا وقريبين بتشوفوا بعض علي الاقل غيرك بيتمناها

المهم

اسالك سؤال وجاوبي عليه بصراحه مع نفسك .........بتحبي خطيبك ولا لا؟؟
والي اي مدي انتي حريصه علي انجاح العلاقه دي؟؟
وممكن تتحملي لدرجه ايه عشان توصلي علاقتكم للزواج باذن الله؟

انا عصبيه علي فكره جدااااااااااااااااااا بس لمابتعامل فحل مشاكلي معاه بحاول اقفل بقي جربيها امسكي نفسك
واسكتي وركزي تفكيرك فاي حاجه تانيه لمده ثانيه بس هتخف حده التوتر الي جواكي

بعدين الراجل طبعه مبيتغيرش غير فيين وفيييييييييييييييين فمتحوليش ابدا ابدا ابدا انك تغيري طبعه او تعوديه علي طبعك انتوا مختلفين طبعا حبو بعض كدا وحاولي تتعودي عليهكدا زي ماهو حبي عيوبه قبل مميزاته صدقيني هترتاحي جدااااااااااااااااااااااااا

انازوجي من النوع الهادي والتقييييييييييييييييييييل اووووووووووووووووي انا شقيه وشعنونه واحب الضحك والهزار وبفضل انا افتح المواضيع وهو يتكلم معايا وبس كنت بضايق فالاول واتخنق من كدا بس لما عرفت ان دي طبيعته خلاص اتعود توصدقيني ابتديت اتاقلم علي الموضوع دا واحبه كمان


اخر حاجه ممكن اقولهالك حبيه حبيه اوي اوي اووووووووي الي بيحب بيسامح ويغفر وبيكبر عقله
طبعا بتحصل مشاكل وهتحصل بس بالتفاهم بيتحل كل حاجه
وافتكريلو دايما الحاجات الكويسه الي بيعملها عشانك

ودايما متخبيش عليه حاجه حسيسيه انك طفله بترجعله فكل حاجه هيحبك اكتر واوعي تشيلي فقلبك منه او تخاصميه اوعي زعلتي قوليللو بدلع اتصلي بيه وقوليلو وعرفيهدايما ان قلبك مبيعرفش يزعل منه هيخاف يزعلك
صدقيني

وان شاء الله ربنا يهديكم لبعض ويخلي ايامك كلها حب وسعاده

معلش طولت عليكي بس يارب اكون قدرت افيدك

ودعواتك ليا

والله انا اللى طولت عليكم جميعا وشكرا على مروركم الجميل اولا لام صائب اناوالله ده اول موضوع لياومعرفتش ازاى اختار مكان وانزله فيه بس خلاص حصل خير هاخد بالى معلش استحملونى شويه ههههههههههه

رنوش كلامك جميل وادعيلى بقى ...انتى شكلك عارفه شويه مشاكل من اللى بينا

انا بحب مواضيعك اوى يا زهوره وانا بجد بموووووووووت ف خطيبى والحمد لله بس انا معرفش ليه بقيت عصبيه وغيــــــــــــوره شويه كتير وهجرب النصايح الجميله دى انا عرفت من موضوع ليكى ان دمك خفيف وده يمكن اللى بيهدى من حده المشاكل بينك انتى وزوجك وربنا يوفقكم مع بعض ويرجع لك بسرعه ويتم زفافكم على خير واعزمينا هههههه ...........