بنات الكويت يدخلون

**^مريم^** · 30-04-2007, 02:26 PM

المشاركة الأصلية بواسطة لمو العسل 2007

السلام عليكم ورحمته الله وبركاته
حيا الله اخواتي الكويتيات
حيبت استسفر منكم وطولوا بالكم معي رفقيقتي يتتزوج وتاخذ كويتي المهم طبعا هي بتاخذ الجنسيه الكويتيه تسال تقول وش مميزات عندكم مثلا هل يمشي لي راتب شهري وكم مقداره وغير كذا تبي كل شي عندكم وانظمتكم لانها ماتعرف اهل الديره واطباعهم وودها تصيرر فاهمه
الف شكر للي تفيدنا بمعلومات

يا هلا فيج حبيبتي.. ودي أعرف بالضبط شنو سؤالج!! يعني شنو يمشيلها راتب شهري؟؟ شنو يعني بدون مقابل أو وظيفة!! ما ينفع.. العرف عندنا إن الرجل يصرف على المرأة .. و إذا تبي تتوظف يمشيلها راتب شهري! فيه علاوة اجتماعية للزوجية لكن تنزل من ضمن راتب الرجل..
طبعاً بعد ما تسأل عن أخلاق الرجل و عرف عائلته.. الدولة مالها عرف واحد.. عندج بدو و حضر عندج نيادة و غيرهم من فارس أو جناعات. و و و و . و كل أصل معين له عادات تختلف..كما إن لعادات العائلة نفسها أو البيت تأثير على الأطباع مثلاً أو التعامل.. فيا ريت تحددين بالضبط سؤالج..
و على فكرة.. الجنسية تاخذ لها وقت على ما تطلع لها.. يعني مو من أول ما تتزوج تكون الجنسية ناطرتها!! يا ريت تحددين اهي من وين؟ و شنو الأنظمة اللي تقصدينها؟
يعني كل شي له جواب بس إذا كان سؤالج محدد.. شكراً

**لمو العسل 2007** · 30-04-2007, 09:14 PM

تشكرين قلبي ماقصرتي هي تسال تقول الي اعرفه ان عندكم مميزات غير الدول مثلا ان كل افراد الاسره يمشى لهم راتب شهري من الاطفال الا الاب والام بغض النظر عن الوظيفه شي زياده وتسال تقول كم يعطونهم هناك شهريا وصحيح ان الانترنت بدون مقابل وكل شهر تجي بطاقه بقيمه 500 للجمعيه من الدوله ماتبي تصير مو فاهمه

والله يجزاك خير الف شكر ماقصرتي

**^مريم^** · 30-04-2007, 10:41 PM

المشاركة الأصلية بواسطة لمو العسل 2007

تشكرين قلبي ماقصرتي هي تسال تقول الي اعرفه ان عندكم مميزات غير الدول مثلا ان كل افراد الاسره يمشى لهم راتب شهري من الاطفال الا الاب والام بغض النظر عن الوظيفه شي زياده وتسال تقول كم يعطونهم هناك شهريا وصحيح ان الانترنت بدون مقابل وكل شهر تجي بطاقه بقيمه 500 للجمعيه من الدوله ماتبي تصير مو فاهمه

والله يجزاك خير الف شكر ماقصرتي

هلا حبيبتي.. المميزات اللي عندنا مادري اذا كانت عندكم او لأ.. عباره عن علاوات اجتماعية لكل طفل 50 دينار لحد 5 اطفال فقط.. و العلاوه الزوجية تقريباً 180 دينار بس طبعاً كله ينزل من ضمن راتب الزوج و الرواتب تتفاوت على حسب الوظيفه حكومه او قطاع خاص و على حسب الشهاده.. يعني مثلاً انا زوجي مهندس يشتغل في القطاع الحكومي وعندنا ولد واحد ياخذ 1200 في الشهر.. و يمكن هي قصدها عن المنحة الأميرية صارت مرتين مره من الشيخ جابر الله يرحمه و يغمد روحه الجنه و مره من الشيخ صباح.. عباره عن 200 دينار لكل كويتي صغيراً و كبيراً.... و الانترنت اشتراك شهري او كروت او DSL و كل شي له سعره طبعاً هذا شغل شركات مو حكومه أما الخطوط المنزلية فما عليها أي رسوم الا للمكالمات الدولية.. و ما فهمت سالفه الجمعيه هل تقصدين الجمعيات التعاونية!! يعني السوبر ماركت .. هذي لج تفتحين لج صندوق جنج تشترين سهم من الجمعيه و تطلع لج مثلاَ 15% من قيمه مشترواتج كأرباح كحد أقصى.. و اذا فيه اي استفسار احنا حاضرين حبوبه. الكويت حلوه و أهلها حلوين و حبوبين و لا تشيل هم رفيجتج.. احنا متفهمين و متفتحين..

و سلامتج و حياج الله

**لمو العسل 2007** · 01-05-2007, 12:18 AM

مشكوره قلبي الله يجزاك خير احسن شي قلتي ان النت عبر التيلفون مجاني والمكالمات الداخليه ببشر رفيقتي تلقون انتم ماتنزلون السماعه من السوالف حتى رفيقتي راعيه مكالمات تحب السوالف
ومره ثانيه الف شكر

**amolah2211** · 02-05-2007, 01:25 PM

اختى لمو العسل لا حظت ان صديقتك تبحث عن المادة اكثر من هذا الزواج بدل ان تسال الله التوفيق بزواجها
تسال عن اشياء تافهه هل النت شىء مهم الى هذه الدرجه اعلمى ان الله لايوفق كل طماع باحث عن الدنيا
اسال الله لها التوفيق .

**amoOora KSA** · 03-05-2007, 03:32 PM

الله يوفقها انا مو من الكويت بس حبيت ادخل

**لمو العسل 2007** · 03-05-2007, 10:21 PM

المشاركة الأصلية بواسطة amolah2211

اختى لمو العسل لا حظت ان صديقتك تبحث عن المادة اكثر من هذا الزواج بدل ان تسال الله التوفيق بزواجها
تسال عن اشياء تافهه هل النت شىء مهم الى هذه الدرجه اعلمى ان الله لايوفق كل طماع باحث عن الدنيا
اسال الله لها التوفيق .

شوفي اختى هي مو قصدها دنيا هي الحمدلله ماطمعت في قصر او شي هي صغيره وبتبعد عن اهلها وماتعرف احد هيناك وديره جديده وطبائع ودها بااشياء ماتكلف على زوجها والله يهديك خليتها طماعه وباحثه عن الدنيا يااختى الطمع وبحث عن الدنيا مو حدوده نت وخرابيط مفهومه اوسع من كذا
اتمنى وصلت لك وجهته نظرها
ومشكوره على المرور

**حنونةالكويت** · 13-05-2007, 11:25 AM

هلا ومرحبا ، انا بنت الكويت وكان ودي افيدك ، بس لانه السؤال كان عن الراتب والفلوس والمميزات اعتقد هذي الاشياء بتعرفها بنفسها لما اتروح الكويت ، المفروض تسال شنو طبايعكم شنو الكويتيين يحبون وشنو الاعراف الاجتماعية واشلون اتعامل مع اهل زوجي واشلون اكسبهم ???? مو اشكثر باخذ فلوس من الحكومة !! ، اذا تبي صديقتج اتعيش بالكويت وصيها هالله هالله بالسنع ، الناس تكسبينهم عندنا بالسنع والاصول ، ادري بكل ديرة الناس تدور هالشيء بس عندنا غييييير ، وايد هالشيء مهم << السنع ، الله يوفقها

**السلطانة** · 13-05-2007, 03:30 PM

ينقل الموضوع الى النافذة الاجتماعية

بنات الكويت يدخلون

بنات الكويت يدخلون

تعليق

تعليق

تعليق

تعليق

تعليق

تعليق

تعليق

تعليق

تعليق