خواتي ممكن افضفض ليكم القصة اني قدمت على حافز وارسلو لي رسالتين بالموافقه الين جاء القرار المشؤوم سن 35 اتصدقون اني مدري كم عمري بتقولون وين نحنا والله من صدق مرت السنين بسرعه وشوي زوجي يقول ارسلو حافز رساله بالرفض لسني عمري الحين 35 ونص المشكله مو هينا الحين اذا قابلت سلفاتي اخذتي حافز طبعا راح اقول لأ ليش كم عمرك هما كبار لكن عندي سلفة تزوجت معاها نفس اليوم راح تستغل الفرصه لانها شوي مؤذيه وانا ااتحاشاها وسمعت انه زوجي فتح موضوع ويا اخوانه عن حافز وقال انه زوجتي ماقبلوها فضحني
قلتله ماتعرف تصرف قول ماقدمتلها او ماكملت الاجراءات المهم الثانيه انقبلت الحين بيكبر راسها اصلابيني وبينها يمكن كم شهر
بكرة تقول لزوجها انا اصغر وحده في سلفاتي ومن سوالف الحريم الله يكافينا وزعلت من زوجي ومن حافز شورو علي كيف اتصرف مع سلفاتي وانا ماابغ يدرون كم عمري والله ليحسبولي السنه بالسنه لاتقولون ابالغ سامحوني طولت عليكم

ماعليك منهم اهم شي ابو عيالك واللي غيره
لايهمك بالتوفيق ان شاءالله

طنشي اختي ماعليك من احد
واذا عرفوا عمرك وين المشكلة ؟!

سوالف بعض الحريم تجيب الهم ...
علشان كذا تبين ترتاحين مالك إلا تتجاهلينها
تعيشين حياتك سعيدة ومرتاااحه بال

ماعليك منها ولا تشغلى بالك
اصغر وحده ولا اكبر وحده
المهم انك مهتمه بيتك وزوجك واولاد وتخافين ربك
والمهم زوجك هما مو مهمين

ولايهمك منهم وعيشى حياتك زى ماهيه
ربنا يسعدك ببيتك وولادك وزوجك

ماعليك من احد كبير او صغير

الي اكبر منك بيوم اعلم منك بسنه

ما فيها شي لو عرفوا عمرك
وترا زي كذا ناس ما يمشي معاهم غير الطناش وان كانت هي الاصغر ترا ماهي ميزه خياليه
الوحده باخلاقها وتعاملها مع اهل زوجها وسلفاتها
فلا تشيلي هم وتفكري فيها
انتي قولي لها ان زوجك ما يقصر معاك ومو محتاجه الحمدلله
وربي ما ينقهروا الا من هذا الشي
اذا شافوا الوحده مبسوطه مع زوجها وما يقصر معاها

ربي يعوضك خير ويرزقك من أوسع أبوابه
قلبي
العمر مو بالسنين العمر باللي الإنسان يقدمه من خير في حياته
السيدة خديجة رضي الله عنها كانت أكبر نساء النبي صلى الله عليه وسلم
ومع ذلك كانت أحب نسائه ودائم يذكر جميلها ووقفتها حتى بعد وفاتها

ماعليك من أحد
تعاملي معهم بحسن الخلق
واللي صغيرة راح تكبر يعني بتظل طول عمرها بنفس العمر

^^

حبيبتي نفس مشكلتي تصدقين قدمت على حافز وانا ماكملت 35 وبعد التوزيع توني كملت وماقبلوني حظوظ والله انقهرت كل سلفاتي جاهم حافز ومافي فرق في العمر بيني وبينهم الاايام بس شونسوي الله ماكتب لنا ولاعليك في سلفاتك زي ماقالو الاخوات انه زوجك مومقصر معاك ولاتفكرين في احد