تويت
تنظيف وترتيب دبدوبات الزينه ~ ملكه النظافه والتنظيم ~
أهلا بيكم يا حلوات
وأنا في طريقي الصبح لتنظيف الكشاف
لقيت دبدوباتي اللي كانوا حلوين واقعين علي الأرض وبيعيطوا إهئ إهئ
جريت وأخدتهم في حضني وطبطبت عليهم وسألتهم فيه إيه يا دبدوباتي زعلانين ليه
قالوا لي عمر بهدلنا خالص وكل شويه يحدفنا لفوق ونقع علي الأرض " عمر طبعا ده يبقي إبني أكيد عرفتوه "
المهم قلت لهم ولا تزعلوا وجت في دماغي فكره قلت أديهم شاور بما إن الدنيا حر جدا النهارده وعلشان أحاول أهديهم وأطيب خاطرهم
وبرضه يبقي موضوع للمسابقه " اصطدت عصفورين بحجر واحد " هعهعهعهع ... بدل ما أطول عليكم << بعد الرغي ده كله
تعالوا نشوف الحلوين قبل التنظيف كانوا عاملين ازاي
دي صوره ليهم كلهم مع بعض شوفوا يا عيني البؤس باين عليهم ازاي وخصوصا الدبدوبي الأحمر شوفوا باين عليه الانكسار والغلب
وشوفوا الدبدوبي ده يا عيني وشه كإنه كان هو اللي بينظف الشقه << من كتر ما ابني مسح بيه الأرض
والدبدوبي ده كمان يا عيني نفس الحكايه
علي طول أخدتهم علي الغساله وحطيت مسحوق الغسيل والفانيش والكومفورت " ملطف " وسيبتهم يتغسلوا
وبعد ما خلاص اتغسلوا نشرتهم في الحمام علي الماسوره بتاعت الستاره علشان ينشفوا وكمان يترحموا شويه من ابني
تعالوا نشوفهم بعد الغسيل بيلمعوا ازاي من النظافه بعد ما نشفوا وكمان ريحتهم جنان من الكومفورت
وجبت فرشاه بتاعتهم اشتريتها ليهم مخصوص وسرحت شعرهم << شوفتوا الدلع
يلا يا حلوين ناخد صوره جماعيه للذكري النصف سنويه للنظافه تشيك تشيك << صوت الكاميرا خخخخخخ
إيه رأيكم في دبدوباتي اللي بقوا حلوين أوي
انتظروني يا غاليات في موضوع ترتيبي تنظيفي تنظيمي جديد
تعليق