ورشه عمل يوم بيوم معاكي ننظف المنزل &( امال رفقي )&

**امال رفقي** · 31-03-2009, 07:12 PM

الحمد كله شاطر وموش محتاج المساعده
انا عن نفسي نظغت الاربع ادراج ولقيت بلاوي كتير زياده
طبعا الي بيلاقي حاجه بيحطها في الدرج
وعملت الاكل
ومسحت المطبخ
والمواعين ماتنسيش تلبسيها فوق بعض
شلت الزياده من الملاعق وخليت اربعه من كل حاجه
الصواني الكبيره فوقها الصغيره
والبراد بتاع الشاي بيكون نظيف
ووضع كل الفوط واللوف في انا مضاف عليه شويه كلور وصابون مخفف
والبوتوجاز
ومريحه شويه انا بكتب في فتره الرست
وهنشر الغسيل
طبعا لمحه سريعه علي الريسبسن اي زياده علي ترابيزه الانتريه والسفره
وكفايه كده النهارده
لاني بعد ماستريح هعمل كيكه ان شاء الله

برنامج عمل الغد باذن الله
تهويه الفروشات وتغيير ملايات السراير
عمل كبيبه بالبرغل وشيلها في الفريزر
عمل المصقعه
عمل عجه صينيه في الفرن
تخزين بسله لانها اقربت تمشي
عمل قطر للبسبوسه

**امال رفقي** · 01-04-2009, 08:40 PM

احمدك يارب كلهم
اشطر مني وموش عايزين
حاجه مني
علي العموم انا مستنيه

**الامال الصاعدة** · 01-04-2009, 08:50 PM

hhhh w allahi enti echatra

wink ya habibti enti aazlti

hamdilah a ssalama

**_lamiae_** · 01-04-2009, 11:26 PM

ما شاء الله فكرة حلوة تسلم ايدك

**omtotro** · 01-04-2009, 11:43 PM

موضوعك جميل وازاي مش محتاجين موضوعك ده مهم جدا اكيد كلنا بيوتنا مليانه حاجات كتيرة ملهاش لازمة وعايزة تتوضب

ان شاء الله هبتدي من بكرة وجمعة وسبت هاخده اجازة علشان جوزي بيبقى قاعد في البيت

جزاكي الله خيرا اختي مواضيعك كلها مفيدة جدا جدا

**soso*waleed** · 02-04-2009, 12:45 AM

موضوع نحفة طبعا يا استاذة امال بس هتابع من بعيد لانى مش فى بيتى لفترة هتطول شوية وربنا يبارك لك

***سمسمية*** · 02-04-2009, 12:07 PM

موضوووووووووووووووووووووووووعك راااااااااااااااااااااااااااااااااااائع
ربنا يبارك لنا فيكي يا استااااااااااااااااااااااااااااااااااااااااااذة
مع انها جت متأخرة
بس ما نقدرش نستغنى عنك

**جميلة علي** · 02-04-2009, 12:20 PM

موضوعك جميل وحلو
وكل مواضيعك باقراها اكتر من مرة
ماشاءالله عليكي ربنا يحفظك
تنظيم وترتيب وكل حاجتك حلوة يااستاذة

**درة العقد** · 02-04-2009, 04:52 PM

فكرة حلوة التخلص من الكراكيب أنا مبحبهمش

بس أعمل ايه جوزى بيحبهم دايما ألاقى حاجاته فى درج المطبخ من مفكات ومسامير وبنس

أصله بيحب يشتغل أوى بايده وهو بصراحة شاطر

بس الكركبة أعمل فيها ايه خلاص زهقت والولاد ما بيصدقوا أدخل المطبخ بيطيحوا فى الشقة

يعنى أرتب وأنظف مكان يبوظ مكان تانى

**امال رفقي** · 02-04-2009, 06:22 PM

درة العقد
تلدون للموت وتعمرون للخراب وتحرصون على مايفنى وتذرون ما يبقي

انا عن نفسي عامله درج في النيش للمفكات والشاكوش
وكيس به مسامير اشي بورما وقلاووظ
منشار حدادي
اقترحي عليه مايكنش في المطبخ علشان بخار الماء
طالما مصحصحين معايا
باذن الله نكمل
طيب ياحلوين اللي معندهاش ادراج في المطبخ تعمل ايه
تقول الحمد لله انها عندهامطبخ
اوعي في لحظه تحجري علي زوجك كل واحد مننا ليه هوايه
ولو انت من مصر موجوده في محلات التوحيد والنور
مامي شاريه واحده وحطاها في مطبخها لانه ليس به ادراج
اوعي ننسي الهدف الاساسي لصفحتنا
علقتي علي الاكل وده دايما قبل حضور اولادك
انا عندي اكل من امس
لكل باحضر لاكل بكره ان شاء الله
لو انت واخده بالك بكره الجمعه لازم تكوني اجازتك مع اجازه الزوج
يعني اليوم اللي يكون اجازه
محبكتش تقعدي تنظفي
الاكل موجود عندك
لامانع تشتري فول تدميس
وتعلقي عليه بعد النقع +بصله مقطعه صغير+شويه عدس اصفر +عصير ليمن مركز+طماطم مقطعه صغيرا
احنا لسه مخرجناش من المطبخ
انا عملت تنظيم
درفه للخلاطات
درفه للاكل وكله في عبوات وخلي بالك البقوليات تحفظ علي رف التلاجه علشان السوس
وعملت البسبوسه
(نص كيلو سميد سايب +نص كوب جوزهند +1 كوب سكر +1 كوب كبير زبادي+ملعقه صفيره مليانه بكنج بودر +فانليا+3 ملاعق سمن
ملحوظه تخلط كل الحاجات كويس وتحطيها في صينيه مدهونه بالسمن والطحينه
وتترك ساعه لتخمر قبل التسويه
وتكوني محضره القطر بارد
2 كوب سكر +1ونص ماء +نص ليمونه

انا عرفت ايه اللي بكركب المواعين في الحوض
اول ماتستعملي حاجه وخلصتي تغسليها
مثلا الكبشه قلبتي بيها وخلصتي تغسليها

يكون الجاروف والمقشه في مكان ثابت علشان اي واحد وقع حاجه علي الارض

مايمنعش تكني ناقعه شويه حمص شام وعامله حسابك ان فيه خبز

فوق التلاجه بقماشه فيها نقط من المسحوق وتمسحيها لان الابخره تتصاعد عليها
الانبوبه لو موش عندك كيس ليهه جاهز

**loverose233** · 02-04-2009, 06:29 PM

تسلمي يا عسل..موضوع مهم ورائع بس ليا طلب صغنن تصغري الخط شوية معلش عشان الكلام يكون مترتب اكتر.......لكن غير كده موضوعك جميل وشرحك زي العسل والله........ربنا يجزيك كل خير

**&صمت الوداع&** · 03-04-2009, 04:06 AM

موووضوع رائــع
يعطيك العافيه

**omtotro** · 03-04-2009, 04:08 AM

ماشاء الله عليكي اختي واضح انك منظمة جدا ربنا يبارك فيكي وعلى افكارك الحلوة المفيدة

**noor masr** · 03-04-2009, 04:22 AM

السلام عليكم اخواتي الكريمات اخيرا نورت نور المنتدى حبيبتي مدام امال احبك في الله واحبكن في الله

ورشه عمل يوم بيوم معاكي ننظف المنزل &( امال رفقي )&

ورشه عمل يوم بيوم معاكي ننظف المنزل &( امال رفقي )&

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق