تويت
تنظيف الحوائط ~ ملكه النظافه والتنظيم 2 ~
أهلا بيكم يا قمرات في الحمله التنظيفيه الشامله
اليوم كان فيه تنظيف حوائط ودعك وفرك وتجربه جديده
مين عنده أطفال وفي نفس الوقت عنده حوائط نظيفه ... الإجابه طبعا مفيش
تعالوا نشوف شكل الحائط من الأصابع والأيدي وكمان أنا عندي أوبشن تاني وهو الدراجه بتاعت ابني
الجزء الكاوتش الموجود فيها بيعلم في الحائط وابني الحقيقه مش بيتنازل عن حقه في انه يخرب أي شيئ ههههههههه
ده شكل الحائط من قريب
وشوفوا صورته من بعيد
جبت ليفه أطباق واستخدمت الجزء الأسفنجي وحطيت عليها صابون سائل
وضغطتها أكتر من مره في إيدي علشان تعمل رغوه بدون وضع ماء عليها وكمان حطيت عليها شوبه من منظف كارفور العام
وبدأت أنظف الحيطه كويس بالأسفنجه
وبعدين نشفتها بفوطه قطن نظيفه بدون ما تكون مبلله بالماء
شوفوا النتيجه رائعه والحيطه روعه ورجعت للونها الطبيعي والحمد لله
وإلي اللقاء في موضوع ترتيبي تنظيفي تجريبي جديد
تعليق