يا مية اهلا وسهلا بالاخت سوسن
اذا ممكن تفيدينا بالاجابة على الاسئلة التالية
هل هناك ريجيم معين للارداف ا
متى تعرف المرأة الحامل انها تخطت زيادة الوزن المسموح بها وانه دق جرس خطر السمنة

كم عدد الساعات القصوى المسموح بها يوميا او اسبوعيا لرياضة المشي
انا وزني 59 وطولي 155 هل تستطيعي تزويدي بريجيم معين لكي انقص 2 كيلو خلال هذا الشهر احس بان وزني ثبت ولا يتحرك
ملاحظة انا انجبت منذ ثلاث شهور خلال الحمل بلغ وزني 76 قبل الحمل كان 57 بعد الولادة 69 ثم بدات الريجيم الى ان وصل وزني لان الى 59 ولم يعد ينزل ارجو الافادة ولك جزيل الشكر

اختي رهف الروح سلامات وماعليكي شر
بالاول حبيت اتأكد منك كسل الغدة الدرقية انتي عملتي فحوصات ولا تخمين من عندك لان المسألة مهمة في التشخيص
ولان كسل الغدة الدرقية بتعمل كتير مشاكل يعني شي مو سهل
الاعراض الي عندك التعب والارهاق والدوخة وخفقان في القللب هي اعراض ناتجة بسبب نقص كريات الدم الحمراء الي عندك وانخفاض الضغط وخمول الغدة الدرقية وهالاشياء تعتبر اعراض
اتي ماحكيتيلي السبب الرئيسي للعدم تناولك اللحوم والبقوليات والالبان السبب انتي مابتحبيهم او انه مجرد تقصير وعدم اهتمام بالمغذيات
اللحوم الحمراء مهمة كتير كمصدر للحديد لتعوض نقص الحديد الي عندك والالبان مصدر مهم ل فيتامين ب 12 الي نقصه من احد مسببات انخفاض الضغط بغض النظر عن محتواه في الكالسيوم ومساعد العظام عندك
من اعراض كسل لغدة الدرقية زيادة الوزن صحيح بس لازم تكوني عاملة فحص دم ومتأكدة من هالامر وياترى كيف الدورة الشهرية عندك منتظمة او لا؟
من اسباب النقص عند الشخص التعرض للاشعاعات والاستهلاك المتزايد لمنتجات الصويا وتلعب الوراثة دور في ذلك ولاننسى نقص اليود هو المسبب الاول لكن حاليا قل مايظهر هذا العامل لدعم الكثير من الاغذية باليود خاصة الملح
وايضا يلعب التدخين دور ومرحلة سن اليأس عند المراة
بالنسبة لبطء الايض عندك هل من نتائج مخبرية او هو مجرد شعور لان البطء في هالعملية يكون غالبا عند التقدم بالعمر او من مشاكل نقص افراز الغدة الدرقية وهالامر انتي حكيتي عنه
وبالنسبة للحمية الي بتتبعيها هل هي صحية متوازنة او بتحرمي حالك كتير ؟؟؟؟؟؟؟؟؟
نصائحي اليك التغذوية :
التركيز على
اللحوم الحمراء في الغذاء ضمن المسموح به بدون زيادة ولانقصان
الاطعمة البحرية
منتجات الالبان
الفواكه والخضار
الفلفل الاحمر والبهارات بينت الدراسات انها قادرة على زيادة سرعة الايض في الجسم لاحتوائها على مادة الكابسيسن
والزنجبيل مفيد بعملية الهضم ومو شرط تاخديه على هيئة مشروب بتقدري تضيفة للوجبات ببرشه واضافته كمنكهات
واذا اخدتيه شراب بتقدري تاخديه بعد الوجبة مافي مشكلة او حتا قبل النوم
من الاطعمة التي تساعد بعملية الهضم الفجل ,الارز الاسمر ,الريحان ,النعنع ,الشاي الاخضر ,الزهورات
والخل .الاناناس ,الجريبفروت.وهالاطعمة بتفيدك بالتخلص من النفخة
كيف تركيزك على الالياف وكيف تقبل جسمك للحليب ومنتجاته ؟؟؟
وبالنسبة للضغط كيف الرياضة الي بتعمليها هل هي من النوع الصعب ؟؟
لان الرياضيين بكون عندهم هالعارض كمان بسبب الرياضة القوية ومابتعمل مشاكل عندهم ونصحيتي الك بالخصوص انك تاخدي شاي او قهوة لانهم برفعو الضغط مؤقتا خاصة بعد الوجبات وممكن ايضا انك تزيدي الملح في اكلك ولاتعملي على حذفه لانه مفيد بهالحالة
ومتل ماحكيتلك ممكن انخفاض الضغط يكون عارض لنقص افراز الغدة الدرقية فلازم تتأكدي من هالشي
ولاتنسي انه فقر الدم بيعمل هالشي
طيب اذا انتي عملتي فحوصات الطبيب شو كتبلك ادوية وهل وصفلك مكملات غذائية ؟؟؟
اتمنى منك الرد على استفساراتي لنتمكن من ايجاد الحلول بوضوح
بالسلامة حبيبتي

اختي
j'ardind 'amour
الدوخة الي بتصير عندك من اتباعك الحمية القاسية فجسمك بكون عنده نقص في الموارد ولما انتي تشربي الشاي السكر الموجود فيه هو الي بيعملك هيك لانه الدماغ عندك بكون بحاجة ماسة للسكريات فبصير عندك عدم هالتركيز
ياريت تزوديني بالحمية الي بتتبعيها
انا ان شاء الله رح انزللكم الحميات قريبا بس بالأول خلينا نجاوب على الاسئلة بأكبر قدر ممكن
وسلامات

اختي بوح انثى
ياريت تكوني اتطلعتي على اجوبتي لاخت رهف الروح واي استفسار انا مستعدة
بالنسبة للتين المجفف كل 1.5 حبة تعتبر حصة فاكهة فلا تخافي على زيادة الوزن يعني لو اخدتي 3 حبات باليوم بتكوني حصلتي على حصتين من الفاكهة وحصص الفواكه ضرورية تاخدي على الاقل 3 حصص باليوم

اختي قرب وان شاء الله نضل على قرب على طوووول
ثبات الوزن عندك شي طبيعي لما الشخص يتبع الحمية ونحنا مابنهتم كتير بالوزن على قدر اهتمامنا بالقياسات لان هي المهمة
بس انتي لاتحبطي وتغيري من نظامك اذا كان متوازن وصحي ومدروس اكيد
بالنسبة للزيادة الي بتلاحظيها هل هي مجرد احساس او عبارة عن انتفاخات في البطن والامعاء ياريت تحددي
اذا كانت عبارة عن انتفاخات فهالشي طبيعي لان جسمك متعود على نظام وبهاليوم تغير
اما بالنسبة للفيتامينات والكاسيوم ياريت تكوني عاملة فحوصات للدم لتبين ان كنتي بحاجة او لأ لان حتا المكملات بدون اي استشارة او حاجة ضرورية بتعمل مشاكل خاصة للقلب
ياترى تساقط الشعر الي عندك سببه الحمية الي اتبعتيها ؟؟ على هيك بتكون حميتك مو صحية واكيد نزلتي بسرعة صح
بالنسبة لحبوب منع الحمل اذا كانت الهرمونات الي فيها بروجسترون تعمل على حصر الماء في الجسم وبالتالي زيادة الوزن عند المرأة وعدم حصول نتائج في تغيير الوزن عند اتباع حمية
من فترة طويلة بتستعمليها ؟؟؟
بالسلامة حبيبتي

اختي لعزيزة كريمة الواني ربنا يخليلك ابنك وتكون الرضاعة صحة وعافية اله
ممكن تنزلي في الشهرين 10 كغ وهذا الافضل لتحافظي على معادلة الثبات مابعد الحمية وبيعتمد على اتباعك حميات من قبل او عدمه فاذا كانت اول حمية بتعمليها فاحتما كبير تنزلي اكتر منهم خاصة اذا كنتي بتعملي رياضة ومواظبة عليها
بالنسبة للمشي كل ساعة بتمشهيا اذا كان سريع بتعملي على حرق 480 سعر حراري اما اذا كان متوسط السرعة 300 سعر حراري
هو الافضل انك تملي ساعة يوميا او ساعتين بس يكون كل ساعة لوحدها
لان في دراسات لاتنصح باستعمال مثل هذه الاجهزة من حيث تأثيرها على الركب
بالنسبة للسعرات الحرارية الي بتحتاجيها وكونك مرضعة مابتكون مختلفة عن الطبيعي خاصة انه طفلك عمره سنة الله يخليه وهي
هو بالاغلب نحنا بنضيف حوالي 500 سعر حرري اضافي للحامل خاصة في اول 6 شهور وممكن نقللها خاصة بعد ال 6 شهور الاولى
بس ياترى كيف نزول وزنك اثناء الرضاعة لانها فترة مناسبة للمرأة لفقدان الوزن خاصة اذا كانت مهتمة بنوعية غذائها
بما انه طولك 178 ووزنك 89 فالسعرات الحرارية الي محتاجيتها بتكون 2500 سعر اذا كنتي حابة تحافظي على وزنك بس ماتوق انك حابة تضلي بهالوزن اما بالنسبة اذا كنتي حابة تخففي ففي البداية بنصحك تاخدي 1800 سعر حراري وبعد بفترة تصل الى 1500 حتى يتم خسارة وزن
وان شاء الله قريبا ننزل هالحميات واتمنى تستفيدي منها

نورتي المنتدى دكتورة سوسن
وجزاك الله خيرا على مجهودك معنا
و الشكر ايضا لمشرفات قسمنا الغالي
سؤالي ممكن نعمل رياضة بعد الاكل بأد ايه
وشكرا مرة اخرى

اختي الغربة الصعبة وان شاء الله ربنا يهون الغربة على كل المغتربين
بداية حبيت اباركلك بالبيبي وربنا يجعله من الصالحين
بالنسبة للريجيم الخاص بالارداف لايوجد اي نظام متخصص لهالمشكلة لكن الرياضة هي التي تعمل على تنظيم وتحديد الشكل فعليك ببماستها بانتظام
وايضا تلعب الحلويات والسكاكر دور في السمنة لهذه المنطقة خاصة عند النساء لان طبيعة هالسكريات تتحول لدهون في هذه المنطقة ومنطقة الورك
زيادة الوزن عند الحامل بتضل طبيعية اذا ماتعدت ال 15 كغ خلال الحمل بس احيانا تكون حالات خاصة وبيعتمد على وزن المرأة قبل الحمل فأحيانا تصل الزيادة الى 20 كغ
لكن المهم هو ماتكون الزيادة في اول 3 شهور لان هالزيادة بتكون الاصعب في الخسارة بعد الولاد
لان الزيادة الطبيعية بتكون بعد ال 3شهور الاولى لتعمل على نمو الطفل خاصة بعد تكونه ووضوح معالمه لبناء العضلات والعظام وكبر حجم السائل المحيط فيه فاذا كانت الزيادة للحامل بحدود ال 15 كغ فانها تتمثل بالتوزيع الاتي :
الدم : 1.5 كغ تقريبا
الثديان:1كغ
الرحم :1كغ
الجنين:3_3.5 كغ
المشيمة:تقريبا 1 كغ
السائل المحيط بالجنين بحدود 1 كغ
الدهون والبروتينات والمغذيات الاخرى :3-3.5 كغ
بالنسبة الك بتضل زيادتك بحدود الطبيعي بس لوكانت اقل بكون افضل الك بعد الولادة لخسارة الوزن
اما نقصان الوزن عندك بعد الولادة بتمنى ماتكوني اتبعتي حمية قاسية لخسارة هالوزن لحتا مايتأثر عندك نوعية الحليب وكميته وهو بالطبيعي اذا كانت المرضعة بتتبع حمية ونظام صحي بتخسر 3 كغ بالشهر وتكون فرصتها الاكبر لخسارة الوزن بأول 6 شهور

بالنسبة الك ممكن تنزلي 2كغ خلال شهر بس ضروري ماينزلو السعرات الحررية عندك اقل من 1500 سعر حراري لان عندك بيبي بيعتمد عليكي
اما لثبات الوزن فاحتمال كبير السبب بكون طريقتك في تنزيل وزنك تكون مو صحيحة بس الاهم هلأ انك ماتيأسي لان رح تنزلي اكتر من هيك اذا كنتي رح ترضعي طفلك لاكتر من 6 شهور
حاولي تركزي على الخضار والفواكه والحليب شرب الماء ولاتعتمدي على السكريات والدهنيات في وجبتك الغذائية
وربنا الموفق

تسلمي غاليتي الحبيبة على ردك
بالفعل أشف غليلي .. وجواب شافي كافي حماكِ الله وعفاكِ
وأنا قرأت أسألت البنات وكمان الأجوبة
بالفعل أنتي رااااااااائعة بمعنى الكلمة ومتميزة
ربنا يكتب لكِ الأجر في كل حرف كتبتيه

تسلمي غاليتي الحبيبة على ردك
بالفعل أشف غليلي .. وجواب شافي كافي حماكِ الله وعفاكِ
وأنا قرأت أسألت البنات وكمان الأجوبة
بالفعل أنتي رااااااااائعة بمعنى الكلمة ومتميزة
ربنا يكتب لكِ الأجر في كل حرف كتبتيه