كتبت بواسطة gudona

ان شاء الله تلاقيهم في الجنه ياميمه شوفو كلماتها والله انقهرت الله ينتقم منك ياقاتل الروح ومن اتباعك وحق دموعها هلميمه يارب نهايتك يابوشفشوفه علي ايد الثوار


مغير اصبري ياعين لا تطريهم .. ابريك وسالم لي لا تجيبيه
لاتجبدي صورتهم .. لا تجبدي الساعة اللي شالتهم.. انا طامعة قبل في جيتهم .. واليوم ميسة والعقل شوقه فيهم
مشوا في شوقه .. ابريك وسالم ياابعاد الجوبه
ما حسبت خباره تجينا سوده .. علي الاثنين ا...للي نراجوا فيهم
جتنا بوقه .. الساعه 11 علي سماح التوقه
تمت معانا نارهم ميقوده .. قبل خبر ماصار ياما فيهم
تمت عشية .. صالح يغرد والدمعه سخية
علي ابريك وسالم ماشيين ضحية .. نحنا غافلين وما اعلمنا بيهم
ننشدوا في كلاب علي قصاد النية .. يقول طيبين وما السو يجيهم
ما حسبت نبقى بلاهم حية ..غير الايام ماترد ما انوفيهم
كاتبه مولانا .. غايبهم هاللي حدود منانا
خلوا خوتهم صابرين حزانا .. لا الدمع كف ولا النوم يجيهم
انا طالبة ربي سبحانه .. نريده يصبرهم وينسيهم
ما تجبدي غيابي .. ابريك وسالم من خيار شبابي
انا اليوم خلوني امغير نكابي .. ناخذ الليل وانا نهاتي بيهم
ما تجبدي اللي مسمرين منامي .. ابريك وسالم كنهم قدامي
لنقنهم قهروني في عقاب زماني .. فيش ما ايصبرني الله عليهم
ما تجبدي الرفاقه .. ابريك وسالم اللي لهم مشتاقه
لنقنهم عوقني اليوم شينك عاقه .. لا مغير علينا لا مغير عليهم
اصبري يا عين لا تطريهم .. ابريك وسالم لي لا تجيبيهم

ان شاء الله تلاقيهم في الجنة يا اميمتي
بكيت دموع راسي
الله يحرق كبودهم كيف ما حرقونا و فجعونا في خوتنا و هلنا
حسبنا الله و كفي

كتبت بواسطة سمية.

ان شاء الله تلاقيهم في الجنة يا اميمتي
بكيت دموع راسي
الله يحرق كبودهم كيف ما حرقونا و فجعونا في خوتنا و هلنا
حسبنا الله و كفي

اللهم امين
ايه تقطع القلب سبحان الله عاشت مقهورة ربي جعل مثواها الفردوس الاعلى

ياما أمهات مقهورين علي ولادهم

عندي قريب أستشهد حتى هو في مجزرة بو سليم

كان داعية إسلامي خشو علي ايديه الالف في الاسلام

وعندي قريب واتنين من جيران الله يرحمهم ويغفرلهم
وربي ينتقم من اللي كان السبب

لقذافي كارثة الامة الليبية
جرائم القذافي من 69- اعدامات و قمع وحرق الشعب الليبي بالنار والحديد - تبديد الاموال الليبية في نزهاته الافريقية وعلى اولاده وعلى العاهرات في كان ونيس- نفي الشباب في حرب تشاد- جريمة بوسليم- الاطفال الايدز- قتل ما يقارب 15000 ليبي- اغتصاب 1600 ليبية - هدم البيوت و تزييت الابار- حرق الشجر وتعذيب الحيوانات

مغتربه ام تقي الدين سميه ام الدير مصراته نورتو ياحبايب قلبي

ربي يجعل مثوى هذه الام الصابره الفردوس الاعلى بإذن الله اللهم انك ولي ذلك والقادر عليه
اللهم انصر اخواننا في ليبيا اللهم تقبل شهداءهم وداوي جرحاهم وفك قيد اثراهم واحفظ نساءهم واطفالهم وانصرهم على من عاداهم انك ولي ذلك والقادر عليه
اللهم ارنا في القذافي واعوانه عجائب قدرتك اللهم خذه اخذ عزيز مقتدر
اللهم واجعل نهايته عبرة لكل حاكم ظالم

كتبت بواسطة ام ادير

ياما أمهات مقهورين علي ولادهم

عندي قريب أستشهد حتى هو في مجزرة بو سليم

كان داعية إسلامي خشو علي ايديه الالف في الاسلام

وعندي قريب واتنين من جيران الله يرحمهم ويغفرلهم
وربي ينتقم من اللي كان السبب

هنيئا له مات علي ادي كفره يهود
و داعية و ان يهدي الله بك مسلما خير من الدنيا و ما فيها

كتبت بواسطة مغتربة 7

اللهم امين
ايه تقطع القلب سبحان الله عاشت مقهورة ربي جعل مثواها الفردوس الاعلى

اللهم آمين
على فكرة هيا توفت و الا قعدة حية؟

النور نورك غيدونا
اموااااااه

اختي الانصارية زعلت على اخبار مصر
ربي معاكم و ان شاء الله يبدل كربكم فرجا و همكم فرحا و يولي عليكم خياركم

لجين حبيبه وين هلغيبه
معليشي حبيبتي انت قوي امانك والله كنا زيك حايرين وزيد علي دلك فيه الي انصدمنا فيهم بس عادي كل ضيق وكربه ربك يفرجها ربك كريم ومعاش تغيبي علينا

العجوزة هادي توفت الله يرحمها جابو ا تقرير عليها بعد ما توفت شفته

ودارو لقاء مع ولادها واحفادها