بنتى والسن المناسب لدخول المدرسة ؟؟؟؟؟؟ساعدونى يا خبيرات

**حبيبتى زينة** · 02-08-2009, 12:36 AM

السلام عليكم ورحمة الله وبركاته

حد يا بنات يساعدنى فى الموضوع ده .... انا بنتى هاتكمل 4 سنين ان شاء الله فى شهر مايو 2010 .... يعنى هايكون عندها 4 سنين و4 شهور فى سبتمبر 2010 (بإذن الله ) .......

المشكلة انى شايفة انه سن مناسب لدخول المدرسة بس جوزى بيقول لسه صغيرة وكمان فى واحده قالتلى ان الاطفال لما يدخلوا المدرسة وهما كبار يعنى 5 سنين فى كى جى 1 مايتعبوناش فى المذاكرة .......ايه رأيكم فى الموضوع ده ؟؟؟؟؟؟؟؟؟

كمان كنت عايزة اعرف إذا كان فى مدارس ممكن تقبل بنتى فى السن ده ( 4سنين و4 شهور ) مش همابيحسبوها كده .. السن فى شهر 9 ؟؟؟؟

معلش يا جماعة اصلى مااعرفش حاجة عن المدارس ونظامهم .....

**GalB o5taha** · 02-08-2009, 06:21 AM

وعليكم السلام ورحمة الله وبركاته

أهلاً بكِ

..

رأيي إن ابنتك في عمر 4 سنوات مازالت صغيرة، يعني 5 سنوات كويس تدخل الروضة أو K G،
حتى تكون الفائدة لها أكبر لما تدخل في العمر المناسب، لاستيعابها وفهمها ،،

حلوو وهي في عمر 3 و 4 سنوات -ماقبل المدرسة- تحفظيها قرآن، الطفل كلما كان أصغر كان حفظه أسرع وأسهل سبحان الله،
ستجدي أنها تحفظ بسرعة، عمر جميل لتحفظ فيه مجموعة من الأجزاء خلال سنتين تقريبًا من الآن ..

الله يخليها لكِ، ويقر عينك ووالدها بـــها

..

**حبيبتى زينة** · 04-08-2009, 01:13 AM

شكرا ليكي على ردك ....وهى والحمد لله تقرأ الشهادتين قبل النوم وتعلمت ترديد سورتى الاخلاص والعصر بعدى مع التسمية قبل عمل اى شيء ماشاء الله ......وربنا يقدرنا على تربيتهم

**مروة ابراهيم** · 19-08-2009, 01:54 PM

بصى انا بنتى دخلت kg1 3 سنين و نص و هم بيحسبوا على شهر اكتوبر و البنت بصراحه تعبتنى فى حرف ا و رقم 4 بس غير كده لعبت و اتبسطت و انا هانقلها مدرسه تانيه فهتعيد kg1فمش هاتتعبنى فبفكل انى اشغلها ب يوسى ماس و حفظ قرآن عشان دماغها ماتصديش

**قلوب خضراء** · 19-08-2009, 02:56 PM

4سنين و4 شهور سن مناسب لدخول كى جى 1
فانت دخليها السنة دى تمهيدى وهى فى السن ده تاخد على جو الحضانة وبعدين هيعلموها تعرف اشكال الحروف العربى والانجليزى وكتابتها و321فى الحساب وتعرف تعد كويس والاهم انهم فى السن ده بيحفظوا القرآن بسرعة والسنة الجاية تدخل كى جى 1

**يويا بنت ميويا** · 21-08-2009, 11:25 PM

مش عارفة انا بستخسر ان سنة تعدى على الطفل على الفاضى...انا رايى تدخليها السنادى kg1
اتفقى انتى وجوزك وشوفوا الاصلح واعملوة

**هوبة 79** · 24-08-2009, 04:37 PM

بصى يا قمر انا ابنى دخل kg1
كان عندة 4 سنوات وكان مدوخنى
وبعدين السنة الى بعدها قدمتلة فى التجريبى ودخل kg 1
عندة 5 سنوات يعنى عدت السنة تانى
مقلقيش على الفرق بين السنتين تقدم رهيب فعلا السنة بتفرق