كتبت بواسطة
noga76
مسلمه معلش هتعبك ممكن تبعتيلي كل إلي إتكتب عن المصرية للغات إلتجمع و شكرا مقدما و جزاكي الله خيرا
و لا تعب و لا حاجه حيببتى
مدارس التجمع و مدينة نصر و مصر الجديدة
9- مدرسة المصرية للغات Egyptian Language School:
· العنوان:
· التليفون:
· المصاريف:
§ للتمهيدي: 5000 جنيه تسترد عند التخرج+ 5800 مصاريف
§ الكجي : 8000 جنيه بالكتب
§ بري 4 : 9000
§ الباص:1500 جم باص للتجمع ، 2300 جم لغير التجمع
§ الزي: 500
§ 100 جم ابلكيشن
§ 100 جم تحت حساب اللبس وبتخدى بيهم ايصال وعند الشراء بيتخصموا
· مواصفات:
§ وصف المدرسة والفصول: بها اقسام كتيرة نشونال ,بريتش و امريكان و مدرسه للبنات فقط و كمان قسم لذوى الاحتياجات الخاصة.
§ درجة النظافة:
§ الانشطة:
§ سن القبول: 4 سنوات
§ الكثافة:
§ الاهتمام بالدين: منهج الدين هو منهج الوزارة .
§ منهج اللغة: ماكميلان
§ بوكلت
تقريبا ده فرع تانى مش متأكده و مش عارفه
· العنوان:
· التليفون:
· المصاريف:
§ ابتدائى بـ 7300 بكل حاجة ومافيش وجبه بس طبعا من غير باص.
§ هما كل سنه المصاريف بتزيد حوالى 10%.
§ الباص:
§ الزي:
· مواصفات:
§ الانترفيو: الأنترفيو مع الطفل بس وانت موجودة اسئلة فى الألوان والفاكهه وبعض الحيوانات
انا كمان لما رحت الانتر فيو كانت البنت هايله وسألتنى تحبى الانترفيو انجليش ولا عربى ومش هيأثر على النتيجه
وصف المدرسة والفصول:
§ درجة النظافة:
§ الانشطة:
§ سن القبول:
§ الكثافة:
§ الاهتمام بالدين:
§ منهج اللغة:
§ الواجبات:
21-04-2008, 02:27 PM
ايمو FI Millennium and also Egyptian Language school fi el tagamo3 bey2olo kewayessin
************************************************** *****************
06-05-2008, 10:52 AM
ايمو
فى التجمع مدرسه اسمها Egyptian Language School كانوا بيشكروا فيها ************************************************** *****************
07-05-2008, 12:00 AM
bent masr
egyptian language school مستواها ممتاززززززززززززززززز.....انا اعرف ناس كتير أولادهم فيها و كلهم مبسوطين من المستوى و اللغه.أنا ابنى فى غريانى فى التجمع و بافكر انقله المصرية لكن المشكلة انه هيضطر يعيد kg1 تانى لأن سنة صغير و المصرية بياخدوا 4 سنين فى kg1مش 3 و 1/2 زى مدرسته ************************************************** *****************
08-05-2008, 10:56 AM
bent masr
كل اللى أعرفهم فى المصرية اجمعوا على انها ممتازة فى اللغة و التعليم و كمان أخلاق الطلبة فيها كويسة بالمقارنة للمدارس التانية.و كمان بيعملوا أنشطة حلوة للطلبة:ترفيهيه و ثقافية و رياضية
************************************************** *****************
08-05-2008, 11:03 AM
bent masr
المدرسة المصرية لغات بس و كمان فيها international و مكانها أمام جهاز مدينة القاهرة الجديدة بالضبط,أمام مدرسة الشويفات و تليفونها 27592270 و ليها فرع تانى فى الحى السابع 24016970 ************************************************** *****************
10-05-2008, 05:47 PM
bent masr
المدارس اللى معاليهاش خلاف هى المصريه و الفاروق و MSE ************************************************** *****************
تابع مدرسة المصرية :
12-05-2008, 09:09 PM
bent masr
انا كل اللى أسمعه عن المصرية كل خير من ناحية اللغة و التعليم و الأخلاق و كله ************************************************** *****************
17-05-2008, 08:29 AM
ايمو
المصريه للغات بصراحه كل الناس بيشكروا فيها اوى تعليميا هى المدرسه تحسيها قديمه بس هما هايلين . ************************************************** *****************
18-05-2008, 11:56 PM
bent masr
بنت خالتى و أخويا و 3 صاحباتى أولادهم هناك و كلهم مبسوطين.....و الاجماع ده حاجه نادرة
المصرية كشكل مدرسة مش مغرية أوى بالمقارنة بباقى الحاجات, لكن لاحظى انها أقدمهم.....مبنى التجمع ده بقاله حوالى 14 سنة!!!! ************************************************** *****************
28-05-2008, 03:23 PM
ايمو
المصريه كمان انا محدش بشوفه الا بيشكر فيها ************************************************** *****************
28-05-2008, 07:54 PM
sadina
المصرية للغات بس بحس المباني قديمة كتير ************************************************** *****************
29-05-2008, 08:38 PM
ايمو
انا كل الناس شكرت فى المصريه للغات هى فعلا مبانيها مش اوى بس تعليميا هايلين
بالنسبه لمانر هاوس انا ما اعرفش اذا كانت هى اللى كانت فى 6 اكتوبر يبقى المصريه افضل تعليميا ************************************************** *****************
تابع مدرسة المصرية :
01-06-2008, 11:28 AM
bent masr
المصريه للغات صحيح مبانيها مش أد كده لأنها قديمه بقالها حوالى 15 سنة,لكن تعليميا و تربويا تحفة تحفة.....اللغه عندهم ممتازة و التدريس و متابعة الطلبة تربويا و تعليميا و كمان بيهتموا بالرياضة و الأنشطة كويس أوى.....انا بأقول الكلام ده و أنا واثقة فيه لأن قرايبى و أصحابى أولادهم هناك و مبسوطين جدااااااااااااااااااااااااااااااا
يعنى اللى عاوز مدرسة بجد.....تغليم و أخلاق و لغه....يتوكل على الله ************************************************** *****************
03-06-2008, 11:41 AM
Om Ziad
المصرية للغات انا برده قدمت فيها والمدرسة بصراحة ممتااازة وفى مدرسة بتشتغل هناك بتشكر فيها جدآآ
لكن انا بصراحة ماعجبنيش المانى ولا اماكن اللعب ..انا حابة تكون المدرسة مكان مبهج لاطفالى عشان يحبوها ويستمتعو فيها
وعلى حد معلوماتى -بقالى سنة كاملة بلف واسأل على المدارس-
ان افضل المدارس فى التجمع هى مصر الحديثة والمصرية للغات وطبعآ منارة الفاروق دول سمعتهم ممتازة ************************************************** *****************
03-06-2008, 03:06 PM
bent masr
مستوى اللغه فيها ممتازززززززززززززز و التعليم فيها كويس أوى...مش مشكلة بقى المبانى!!! ************************************************** *****************
05-06-2008, 01:18 PM
ام مريم 2008
كل الي اعرفة ان المصرية ( مع انها مدرسة قديمة و مبانيها قديمة ...بس هي تعتبر من احسن المدارس في التجمع الخامس ....) لي اقارب كثير فيها و بيقولوا انها مدرسة كويسة و مستمرين فيها
مصر 2000 ( مستواها نصف نصف ) المصرية تعتبر احسن منها. ************************************************** *****************
05-06-2008, 02:02 PM
sadina
مرة شفت واحدة قدام المدرسة ولادها فيها وكانت متضايقة قوي وسألتها اي رأيك في المدرسة قالتلي اهي زي اي مدرسة بيتكلوا على البيت دي مدرسة ولا حلوة ولا حاجة ************************************************** *****************
تابع مدرسة المصرية :
05-06-2008, 03:37 PM
ام مريم 2008
ليا اقارب بسمع منهم عن المدارس . معظمهم اتفق على المصرية (بس عيبهم الوحيد انها قديمة مش روشة زي المدارس الجديدة ) ************************************************** *****************
05-06-2008, 03:45 PM
ام مريم 2008
المصرية كويسة و نتائجها كويسة ,,, اولاد خالي مدخلين اولادهم فيها و بيشكروا فيها ... منهم الي في ابتدائى و الي في اعدادي ************************************************** *****************
05-06-2008, 10:15 PM
ايمو
لو عايزين مدرسه مصاريفها معقوله و تعليميا هايله يبقى المصريه ************************************************** *****************
06-06-2008, 11:56 AM
bent masr
تانى أؤكد ان المصرية كله بيشكر فيها.....و على فكرة يا جماعة....أنا الحمد لله اتقبلت فيها مدرسة science و ده هيخلينى أتابع مستوى المدرسة أكتر ، رغم ان المصرية شكلها مش حلو أوى,لكن فيها اهتمام بالأنشطة و الرياضة.
انا متحمسة ليها لأنى عارفة ناس كتير فيها و مبسوطين لأن المدرسة بتدى التعليم حقه. ************************************************** *****************
08-06-2008, 02:17 PM
sadina
انا اليوم رحت المصرية للغات.عجبتني اوي عجبتني نظافتها مقبولة.والناس اللي فيها حلوين ونطقهم بالانكليزي حلو ومستوى المدرسة عجبني.هي عجبتني اكتر من غيرها بكتير ************************************************** *****************
08-06-2008, 02:24 PM
ام مريم 2008
هي فعلا مدرسة كويسة و معظم اقاربي الي ساكنين في مصر الجديدة و الرحاب مدخلين اولادهم فيها ...علشان كدة بتكلم عن ثقة ************************************************** *****************
تابع مدرسة المصرية :
08-06-2008, 03:32 PM
ايمو
المدرسه هايله وكل اللى اعرفهم بيشكروا فيها و فى الاداره بتاعتها ************************************************** *****************
08-06-2008, 11:54 PM
bent masr
أنا من أكتر المؤيدين للمصرية,عن ثقة ************************************************** *****************
10-06-2008, 10:16 PM
sadina
عمانا مقابلة وبصراحة المدرسة هايلة وال miss اللي عملت معي مقابلة لغتها ممتاااااازة وكمان ال miss اللي حتكون مع بنتي رائعة her accent is very very great.im sooooo happyوتقريبا كانوا بيسألوا كل حاجة بالانكليزي فالحمد لله انا وباباها تكلمنا كويس اوي طبعا ************************************************** *****************
11-06-2008, 11:46 AM
ايمو
زى ماقتلك المصريه هايله انصح اى حد فى التجمع بيها ************************************************** *****************
11-06-2008, 12:11 PM
sadina
انا بشكر كل حد نصحني بالمصرية للغات هي فعلا هايلة. ************************************************** *****************
11-06-2008, 02:04 PM
sadina
هي مدرسة هايلة بأمانة انا دخلت بنتي ناشيونال ولو حبيت انقلها انترناشيونال ممكن في اي وقت.لكن انا شايفة المدرسة حلوة اوي فأكيد الناشيونال حيكون ممتاز كمان. ************************************************** *****************
تابع مدرسة المصرية :
11-06-2008, 04:18 PM
sadina
المصرية للغات فيها قسم للبنات وكمان اول حاجة سألتهم عنها هي الدين واللغة العربية فعرفت انهم بيهتموا باللغة العربية والدين جدا وهم بصراحة ممتازين بالENGLISH
************************************************** *****************
11-06-2008, 04:41 PM
sadina
على فكرة نظافة المدرسة كانت من اهم الحاجات عندي ************************************************** *****************
12-06-2008, 12:50 AM
sadina
مبنى البنات في المصرية منفصل تماما عن المشترك.يعني كل واحد في ناحية والمصاريف للبيبي كلاس 5000 و2200 باص
وده موقعهم لو عاوزة استفسار عن المدرسة http://www.elsegypt.com/
وكمان العنوان هو التجمع الخامس, تدخليعند مدخل القطامية هايتس وتفضلي ماشية عند جهاز المدينة اول ما تكوني قدام جهاز المدينة هي حتكون بعده على اليمين,يعني حتشوفيها على طول وتلفونها 27592270/1/2/3/4 ************************************************** *****************
15-06-2008, 08:00 AM
sadina
انا برضو شفت اهالي قدام المصرية للغات وكمان قالولي انها مش قد كدة لكن لما رحت منجوا,عجبتني جدا ************************************************** *****************
15-06-2008, 01:18 PM
bent masr
المصرية فيها مدرسة بنات منفصلة تمامااااااااااااااااااااااااا عن المدرسةالمختلطة.....مبنى لوحده و البريك ليهم حوش لوحده و حتى الباص لوحده,لكن نفسالمدرسين و نفس المستوى.
بيبى كلاس فيها 5500 و kg مصاريفها 7000 و الباص 2200
و موقعهمhttp://www.elsegypt.com/ ************************************************** *****************
تابع مدرسة المصرية :
15-06-2008, 05:23 PM
sadina
المدرسة الحلوة بتخليك تلفي عشان ما عندهم حاجة يخبوها.لما رحت المصرية خلوني الفهابراحتي ورحت تقريبا كل الاقسام حتى الانترناشيونال.كانت ظريفة قوي ************************************************** *****************
18-06-2008, 12:25 AM
bent masr
المصرية.....مدرسة قديمة و لها سمعة و الناس فيها عارفين شغلهم كويس
أنا هأعمل كده مع ابنى....قلت أستنى سنة معلش بس أوديه المكان المضمون بدل كتراللف. ************************************************** *****************
23-06-2008, 11:55 AM
ايمو
المدرسه كويسه اوى و ده بشهاده الجميع ************************************************** *****************
26-06-2008, 12:11 AM
ايمو
المصريه احسن منهم كلهم ************************************************** *****************
06-08-2008, 10:32 AM
bent masr
بنتى قدمتلها pre-school فىالمصرية(بياخدوا من سنتين) ************************************************** *****************
19-08-2008, 12:37 AM
sadina
انا رحت جبت كل حاجة من child mall في عباس العقاد.فيه كل حاجة خاصة بالمصرية ************************************************** ****************
بنت مصر 24-10-2008
الادارة حازمة جداً,منهج الانجليزي ممتاز...اللغة عند الطلبة كويسة أوى,بيهتموا بالأنشطة المختلفه,منظمين و فى مدرسة البنات محسوكين....لا مجال للخطأ!!! بيحاولوا يطوروا أساليب التدريس.....
سادينا5-11-2008
بتديت الاحظ تقدم واضح.يعني بنتي بقت حافظة حاجات كتيرة هي بتحب المدرسة جدا وبصراحة المدرسة منظمة وحلوة وبيهتموا بأي ملاحظة بقولها
نا ابني في مدرسة المصرية بيبي كلاس فرع مدينة نصر ...انا معجبة بالمدرسة جدااا
انا كنت قبل ما ادخله كنت بسال في مدارس كتير وكل الناس اجمعوا ان احسن مدرستين هيا المصرية
مسز تامر 9-1-2009
المصرية للغات اظن في ش الطيران وقالوا عنها كلام كويس برضه وان الطلبة الغير ملتزمين الادارة ما بتسمحلهمش في الاستمرارحكوا ان كان فيه ولد بيزوغ وينط من على السور خلوه يحول من عندهم
بنت مصر 24-10-2008
المبانى كشكل مش جميلة أوى....العدد فى الفصول فى حدود 25(غريانى 20 بس)و ساعات أكتر....
kouky5
فيه مدرسة المصرية للغات فرع مدينة نصر هيجميلة جدااا ....لغاية ابتدائي اما اعدادي وثانوي في التجمع الخامس ..المصاريف 7000بدون باص
في المصرية المقابلة تتم باللغة الانجليزية للاهلوالطفل ... لكن لو الطفل كان خايف وارتبك اعتقد مفيش مشكلة ده لسه اول مرة يدخلمدرسة وطبيعي انه يتلخبط عادي ما تقلقيش
الاسئلة كانت في اسماء الحيوانات والالوان والفاكهة .... بعض الصور وعليها اسئلة ....تركيبات زي الشكل والظل بتاعه وحاجات كلها بالشكلده
بيبي كلاس في المصرية 5500 في السنة بدون باص تدفع علي مرتين
ايمو
مافيش مدرسه الكل بيجمع عليها تماما الا كام مدرسه و منهم المصريه و ربنا يوفقككللى فيه الخير
nawara
كنت بفكر اقدم فى المصريه بس لقيت فرع مدينه نصر لحد 6 بس وكده مش حينفع مشوارالتجمع بعيد اوى عليه
دعوه للمشاركه لكل من تستطيع مساعدتى وشكرا مقدما
كرانكي
صباح الخير nawara انا حابة أقولك تجربتي مع المدرسة المصرية أنا رحت المدرسةالمصرية فرع التجمع و عجبتني بس قلت حرام المشوار دا على ابني فقلت أقدمله في فرعمدينة نصر لحد ما يكبر و يستحمل المشوار انقله في اعدادي التجمع و بدأت الدراسة وفوجئت ان باص المدرسة في لفته ابني اول واحد الصبح و بيروح البيت آخر واحد و باصالتجمع بيعدي تحت البيت عندنا بعد باص مدينة نصر الصبح و بيروح قبله العصر تخيلي !! مع العلم ان بالعربية حسبنا المسافة للمدرسة 8 دقايق بس و طبعا التجمع ابعد كتييييربس و سألت ولد في شارعنا في التجمع قالي ان احنا عشان جنب صلاح سالم بيعدي عليه آخرواحد و بينزله اول واحد و ندمت اني مدخلتهوش فيها كانت تبقى ميزة ليه بس طبعا ليكيانتي في متابعة الطفل في المدرسة مشوار و ايام الأمتحانات انا بحب اوصل ابني لأنالباص بيعدي بدري زيادة مثلا 7 الا تلت و الأمتحان 9 فأنا بوصله 8 و لو كان بعيدمكنتش حوصله طبعا
كل الكلام دا يتوقف على انتي ساكنة فين اسألي سواقين الباص فيالمدرسة اللي حتختاريها غالبا بيكونو عارفين يعني دورة ابني في الباص متغيرتش غير 5دقايق من السنة اللي فاتت
بالتوفيق و اتمنى أكون افدتك
ايمو
ميرهان المصريهللغات هايله و الكل بيشكر فيها نصيحتى خلى الاتنين فى مدرسه واحده و المصريه منالمدارس اللى كل مجمع عليها و ربنا يوفقك بالنسبه لغريانى هى فعلا حاجه غريبه ناسبتشكر فيها اوى و ناس مش عجباهم خالص بس ده طبيعى لان مافيش مدرسه الكل بيجمع عليهاتماما الا كام مدرسه و منهم المصريه و ربنا يوفقكك للى فيه الخير
kouky5
بيبي كلاس في المصرية 5500 في السنة بدون باص تدفع علي مرتين
كرانكي
صباح الخير nawara انا حابة أقولك تجربتي مع المدرسة المصرية أنا رحت المدرسةالمصرية فرع التجمع و عجبتني بس قلت حرام المشوار دا على ابني فقلت أقدمله في فرعمدينة نصر لحد ما يكبر و يستحمل المشوار انقله في اعدادي التجمع و بدأت الدراسة وفوجئت ان باص المدرسة في لفته ابني اول واحد الصبح و بيروح البيت آخر واحد و باصالتجمع بيعدي تحت البيت عندنا بعد باص مدينة نصر الصبح و بيروح قبله العصر تخيلي !! مع العلم ان بالعربية حسبنا المسافة للمدرسة 8 دقايق بس و طبعا التجمع ابعد كتييييربس و سألت ولد في شارعنا في التجمع قالي ان احنا عشان جنب صلاح سالم بيعدي عليه آخرواحد و بينزله اول واحد و ندمت اني مدخلتهوش فيها كانت تبقى ميزة ليه بس طبعا ليكيانتي في متابعة الطفل في المدرسة مشوار و ايام الأمتحانات انا بحب اوصل ابني لأنالباص بيعدي بدري زيادة مثلا 7 الا تلت و الأمتحان 9 فأنا بوصله 8 و لو كان بعيدمكنتش حوصله طبعا
NOA_NOA
يا جماعة ليه كلوا مجمعين على المصرية يا ريت حد يقولنا مميزاتها لان التقديم خلاصبدء
kouky5
المصرية الادارة فيها حازمة ومنظمة
اهتمامبالانشطة
الناحية التعيلمية عندهم ممتازة
وده الكلام اللي سمعته عنهم وقتما قدمت لابني
وبصراحة حتي الان انا شايفة ان الكلام ده حقيقي...بس ابني لسه فيبيبي كلاس فمش هقدر اكون مفيدة اوي ..بس انا راضية عن المدرسة
NOA_NOA
بس على فكرة انا لما كلمت المصرية ابتدوا يبقوا رخمين و عايشين فى الدورقوى
مع انى كلمتهم من كام شهر كانوا كويسين جدا فأكيد هيبتدوا يبقوارخمين
انا قلقانة و الله الولد ذكى خايفة تضيع عليه سنة على الفاضى اصل اناولدته بدرى علشان كده اتاخر فى الكلام وطبعا المدارس دلوقتى زى ما اكون هدخل الولدالجامعة و اكتر كمان
صباح الخير عليكم جميعا
كرانكي
أنا ابني في المدرسة المصرية في grade 3 فرع مدينة نصرمميزات المدرسة
الإلتزام - المنهج ممتاز - تحسي و انتي داخلة المدرسة و الناساللي بتتعاملي معاها انهم عيلتك ناس لطاف و ذوق -المدرسة منظمة - في اهتمامبالمناسبات الدينية - الأنشطة في عندهم حصة art و في ميديا و في موسيقى و في نشاطاضافي كل خميس الأهل بيختاروه بس انا مش بحسب الأنشطة من المميزات لأن اي مدرسةعايزة تاخد حصص النشاط كلها بتاخدها عادي و يمكن اغلب الحصص بتتاخد خصوصا آخر السنةكمان نشاط يوم الخميس ابني مشترك فيه من سنتين و متعلمش حاجه مفيده و انا بسيبهعشان هو بيلعب مع اصحابو كأني وديته النادي مثلا
بإختصار الأمهات اللي بتحبالمذاكرة و الالتزام و التأسيس حتتبسط اوي بس انا مش مبسوطة اوي و مسمية المدرسةجيش بحس انها صعبة امتحانات كتيير دا في شهرمن الشهوركان آخر يوم في امتحانات الشهركان اول يوم في الكويزز انا ساعات بشفق على ابني من كل دا - بس ناس كتير بتحب كده وبتعتبر ان دا التأسيس -يمكن عشان بقارنها بمدرستة القديمة مانور هاوس في زايد كانتالطف و انشطة اكتر و ملاعب كبيرة و اللغة عندهم اقوى بس سلوكيات بعض الولاد كانتغير منضبطه بعكس الأولاد في المصرية كلهم ولاد ناس طيبين محترمين طبعا مفيش مدرسةكاملة بس انا بقول المدرسة المصرية ماسكة العصاية من النص تعليم ممتاز و أنشطةمعقولة بس و لو حد عندو استفسار انا في الخدمة
على فكرة كل تجربتي مع فرع مدينةنصر يعني في أخت هنا حكيت عن عيد الطفولة في الجزء السابق اعتقد انها كانت كوكي 5او بنت مصر انها حفلة تنكرية و حاجات لطيفة كتير محصلتش معانا - يمكن عشان سنةثالثة كبار معرفش- بس احنا رحنا بزي مخالف بس بالكتب و الحصص بتاعتنا عااادي والأولاد معاهم شيكولاته و اكلوها مع بعض و خلاص
كرانكي
انا حبيت اصحح معلومة قلتها عن النشاط فيالمصرية عن ان الأولاد مش بيتعلموا حاجة جديدة هو شكلو ابني انا اللي مش بيتعلم وآخدها لعب و بيسيبهم و يروح العاب كي جي فإسألي تاني او جربي بنفسك و ان شاء اللهبالتوفيق
kouky5
ما شاء الله ربنا يخليهولك .....يعني بالنسبة للمصرية او غيرها هيكون سنه كويسجدا بالنسبة ل kg1 ...هما بيطلبوا في المصرية ان يكون الطفل عمره في شهر اكتوبر 3وثمانية شهور او اكبر... فما تقلقيش من ناحية السن خالص ان شاء الله
kouky5
انا ابني برضه في فرع مدينة نصر ...بس عايزة اسالك اذا كنتي تعرفي حد فيالمصرية انترناشونال امريكي او بريطاني هل ال ناشونال افضل ولا احوله السنة الجايةانترناشونال؟؟ يعني يا ريت المميزات والعيوب حتي لو من وجهة نظرك ..وسؤال تاني بعداذنك معلش هتعبك معايا انتي دخلتي ابنك ايه من الانشطة لاني اسمع انهم بيخيروكي مابين كذا نشاط فانتي اختارتي ايه وليه محستيش ان ابنك استفاد منه...واسفة عليالاطالة
possy 26 ربنا يوفقك واللي اعرفه عن المصرية انهم ما طلبوش منا تبرعات خالص
nour5700
انا رحت انهارده المصريه للغات بصراحه الاداره ناس زوء ومحترمه و ربنا يسهل اخدتميعاد فى نص
ابريل
بالنسبه لمصاريف كى جى وان فى المصريه 8000 والباص 2200 من غير تبرعات والابليكيشن 100 ج
possy26
النهاردة انا رحت المصرية المصاريف ل2 ابتدائى 7750و1850 باص بس انا عايزة اروح المصرية اللى فى التجمع كمان علشان البنت تبقى هنكعلى طول بدل النقل كل شوية وتسيب اصحبها ولا اية رايكم
بنت مصر 8-4-2009المصريه للغات التجمع,الانترفيو بيكون فعلا عن حيوانات أو فواكه أو أشكال......
حاجاتبسيطة يعنى بالنسبة للأهل,بيكون انترفيو بالانجليزى,بس بسيط يعنى....بيسألواالطفل بيحب يلعب ايه؟؟؟ بتشجعيه ازاى؟ و بتعاقبيه ازاى و على ايه؟؟؟ و ايه أسلوبالتعامل بين الأهل و بينه؟؟؟ كده يعنى
11-4-2009 المصرية,طبعاً مافيش خلاف انها ممتازة و الادارة و المدرسين كويسين جدا.....الادارةبتتابع التلاميذ كويس و لو أى تلميذ فيه منه مشاكل بيتابعوه و يستدعوا ولى الأمر وكده.تعليمياً هى حلوة أوى و كمان بيهتموا بالترفيه و الحفلات و كده.....هما بسعيبهم انهم مش بيهتموا بالدين,يعنى هى بس حصة الدين بتاعة الوزارة ,و دمتم
سادينا
انا بنتي كمان حتبقى kg1 اللغة عندها ممتازة مع انها دخلت بتعرف فرنساوي وعربي بس لكن الحمد لله دلوقت الenglish عندها ممتاز وبعدين المدرسة متبعة كل الطرق الحديثة في التدريس وهم بيهتموا بالاطفال بطريقة تخليني متطمنة جدا عليها .المدرسات محترمات جدا واللهجة عندهم ممتازة وبيحترموا الطالب والاهل.لدرجة ان مرة رفضت بنتي تاخد معاها sandwitsh لقيتهم باعتين ملاحظة كبييييييرة ان ازاي تروح من غير اكل مع اني كنت باعتة معاها كتيرsnakes حسيت ان حتى صحة الطفل تهمهم وحاجات كتيرة اوي تانية خلتني ابقى مبسوطة اوي من المدرسة.
الانترفيو انا معايا شخصيا كان كله english لكن بنتي كان نطقها مش كويس لكن هم قعدوا معاها وقعدوا يشوفوا تعاملها ازاي واكيد كلامها كانت بتتجاوب معاهم لكن كلامها ما كان مفهوم عشان كانت نتتكلم لبناني على مصري على فرنساوي لكن انا حسيت من الانترفيو انهم عاوزين يشوفوني انا وبباها اكتر منها هي.على فكرة بنتي اجتماعية جدا ويمكن ده اللي حببهم فيها ونسوا موضوع كلامها والحمد لله دلوقت بتتكلم مصري واكيد english كويس جدا.لكن عاوزة اقولكم حاجة.مش لازم تستعجلوا التقدم مش حيبان قبل على الاقل 3 شهور من المدرسة.في ناس بتقعد تقول ان المدارس الانترناشيونال الدولية التدريس فيها كويس والمدرسين احسن عشان هم اجانب والكلام ده.انا عاوزة الفت نظركم على حاجة.المدارس دي حتلاقوا فيها اكتر من نص الطلاب مش مصريين والمحادثة بينهم وبين بعض اهم بكتير قوي من المدرسين والمحادثة في البيت كمان.يعني مش كل حاجة نبقى عاوزينها من المدرسة لازم المحيط كله يساعد.انا بنتي دلوقت مش بتقول بس كلمات هي ابتدت تقول جمل وكتيرة كمان وانا مش عاوزة اكتر من كدة دلوقت.انا اللي يهمني في المدرسة الى جانب التعليم,الاحترام والتربية والاخلاق.وكل اللي بقابلهم من اولياء الامور بيشكروا جدا من الناحية دي.
21-04-2009, 12:44 AM
علا موضوع الدروس ده استسهال أمهات,أو أم مواعيدها مش سامحة تقعد مع أولادها...
فى المصرية فعلا فيه طلبة فى ابتدائى بياخدوا دروس,لكن مششششششششش مع مدرسين المدرسة لأن الادارة بتعمل كنترول جامد على الموضوع ده و المديرة بنفسها بتتابع الحكاية دى. فلو انتى عندك الوقت و طولة البال,طبعا مافيش داعى للدروس و وجع الدماغ.و الله الواحد بيستعجب...........انا أخدت دروس فى ثانوية عامة,عشان ثانوية عامة....انما ابتدائى ايه اللى ياخدوا فيه دروس ده؟؟؟!!!؟؟؟؟ و بعدين ما شاء الله...المصرية مش بيقبلوا حد الا اذا كان كويس جدا فى مادته و بالتالى مدرسين المرسة بيعملوا اللى عليهم و زيادة,الباقى بقى على البيت و التلميذ.
و بالنسبة للباص,مافيش تكييف للأسف, وده فى كل المدارس الناشيونال.
بالنسبة لنزول البيسين,اختيارى.....لو مش عايزة,بتقولى لأ. لكن بيبقى معاهم اشراف كفاية و أصلا بينزلوهم بيسين أفال على أدهم خالص
22-04-2009, 08:54 PM
انا اولادى
Pry 2&pry4
امتحان المصرية كان فى الانجليزى فقط و الاولاد خرجوا قالوا انة كان صعب &اصعب من امتحان اخر العام
&كلمات صعبة . كمان سالوا الاولاد شفوى بعض الاسئلة مثت متى ماما تكون مبسوطة منك؟لمازا ترغب فى المجىء للمدرسة ؟واسئلة اخرى الاولاد مفتكرهاش
22-04-2009, 09:24 PM
بصى النترفيو معى انا وباباهم كان سهل كان بالانجليزى بس كان اسئلة عادية مثلا عرفتى المدرسة منين & طريقة عقاب ومكافئة الاولاد & اوصفى الاولاد تكلمى عنهم&لمادا اخترتوا المدرسة واية تطلبوا من المدرسة. على فكرة احنا ناويين نروح نسال الاولاد منجحوش لية؟ مع ان الاولاد امتحنوا فى جرين هايتس انجليزىوعربى وحساب ونجحوا وعلى فكرة اولادى بياخدوا منهج برايت ستار هما فى مدرستهم الاوائل والترم الماضى حصلوا على الدرجات النهائية فى كل المواد وكانوا الاوائل على المدرسة
اختي ام يارا غريب الموضوع ده انتي قلقتيني وخصوصا ان اخويا وهو بيقدم قالي كان في 3 اولياء امور برضه رايحين بيسألوا ليه اولادهم ماتقبلوش وماحدش رد عليهم واتخانقوا مع المشرفة هناك
ياريت اختنا بنت مصر تفهمنا ايه المعايير بتاعتهم في القبول اذا كانوا بيرفضوا اطفال متفوقين زي اولادك
وربنا يوفقك لمدرسة كويسة لاولادك ويطمننا جميعا دي حاجة تتعب الاعصاب والله
23-04-2009, 03:41 AM
انا اخدت اخر معاد للنترفيو عندهم 24/6 ان شاء الله نكون رجعنا ان والولاد وربنا يسهل
ويتقبلوا ان بس اللي مخوفني اني ماعنديش بدائل تانية حتى منارة الفاروق قفلت الباب وسمعت انهم اقوياء في اللغة بس الولاد مش بيتكلموا انجلش بطلاقة ولادي مدرسينهم اجانب وبيتكلموا انجلش روعة وخايفة الميزة دي تروح منهم علشان كده فضلت المصرية مع ان موضوع الدين القليل ده عندهم كزعلني بس ربنا يقدم اللي فيه الخير ويطمنكم جميعا على اولادكم
22-04-2009, 11:26 PM
بالنسبة للمصرية ال
Girls
انا سمعت انها ممتازة فى ناس قالولى انها احسن من ال
CO
بس انا عندى ولد فطبعا فى ال
CO
انا شوفتها فى ال
TOUR
لهم حوش لوحدهم و ملاعب لوحدهم و كمان الباص بنات بس.
23-04-2009, 01:45AM
المصرية بنات ممتااااااااااااااااازة.....نفس المدرسين و النظام زى ال
Co
لكن الموضوع منظم أكتر و الادارة فيها محسوكة و بيهتموا بكل حاجة
نوجا 76
ممتازة تعليميا و ترفيهيا و بألها 15 سنة و كبيرة اوى فيها فيها international, national & girls school عيبها الوحيد انهم فى الدين مكتفيين بمنهج الوزارة
لأانا سألت فى الموضوع ده كتير طلع انكل سنه دراسية بتزيد على لما بدأت كاجى بدليل ان مدرسة نور مثلا من سنتين كان كاجىب3500 و دلوقتى كاجى ب7500 الى بدأ ب3500 مكمل على الاساس ده يعنى زيادته علىال3500 و الى بدأ ب 7500 مكمل على ال7500 كأساس
هما فهمونىكده فى الحسابات فى المصرية لأن مكنتش فاهمه لما جت واحدة قدامى و دفعت 7300لبرايمرى و لما سألت قالت انها كانت دافعة فى كاجى حوالى 7000
10-05-2009, 02:23 PM
لسه طالبه جوزي من شوية علشان اعرف عمل ايه في المصرية استريح للمدرسة ولا لا ومدياله قائمة اسئلة يجاوبلي عليها
المهم ( بس ماحدش يضحك وعلى فكرة هو مهندس مدني بيشتغل مقاولات علشان ماتستغربوش من التقرير)
سالته ايه اخبار المدرسة
قالي كويسة حلوة مش بطالة ؟؟؟؟؟؟؟؟؟؟؟
هيا كبيرة ونضيفة والمناهج كويسة والفصول كثافتها مش بطالة بس نسيت اسئل على كذا وكذا وكذا اتكسفت افتح الورقة قدام الناس
بس على فكرة المباني قديمة وعايزة تتدهن لازم اتصرف في الموضوع ده وكمان ايه التشطيبات دي تشطيبات مش حلوة ابدا
بس انا لاحظت حاجة طبعا انا فرحت فسئلته بلهفة ها لاحظت ايه
قاللي الاطفال كانو بيلعبوا في ملاعب المدرسة ومبسوطين جدا ماحدش زعلان
وده جزاء اللي يبعت جوزه يسال على مدرسة
SADINA
مساء الخير على الكل,ناحية الهرم والناحية التانية.كل اللي قدم في المصرية للغات,عاوزة اقولكم النهاردة كان عندنا open day قعدت المدرسة تسأل الاطفال على حاجات خادوها قدام الاهل.الحقيقة كانوا منظمين جدا.الاطفال قاعدين مؤدبين جدا مع ان كل الاهل كانوا في الفصل وقعدنا ورا الاطفال.كانوا اكتر من رائعين.الميس كانت بتتكلم معاهم english بس ولا كلمة عربي وهم بيجاوبوها كلهم.يعني فاهمين كل حاجة وشاطرين جدا.سألت اهالي كتير وكلهم اجمعوا ان المدرسة ممتازة.ما فيش حد اشتكى من اي حاجة. وطريقة التعامل معانا من الكل كانت محترمة جدا.
noga76
هى مدرسة كبيرة قوى و فيها اقسام كتيرة نشونال ,بريتش و امريكان و مدرسه للبنات فقطو كمان قسم لذوى الاحتياجات الخاصة.
تعليميا و ترفيهيا و اخلاقياممتازة
بألها 15 سنة
مصاريفها 8000 شاملة كل الانشطة وكل حاجة ماعدااليونيفورم و الباص
العيب الوحيد الى لقيته فيها :
ان منهج الدين هو منهجالوزارة فقط و ده انا ان شاء الله هعوضه للولاد فى الاجازه بمدارس تحفيظ القران.
§
§
§ هى اولا قريبه منى , هى مدرسة كبيرة قوى، تعليميا و ترفيهيا و اخلاقيا ممتازة، بألها 15 سنة
§ الجزء التاسع ... (88) ... أم عمر .... عارفة ليه لاني كنت باشتغل فيها بس مش اكتر بصي هما بيهتموا اوي بالحفلات و الحفلات و الحفلات و بعدين الدراسة يعني ممكن الولاد ماياخدوش حاجة علشان التدريبات و بعدين ده حفلة في الترم الاول و اعياد ميلاد كل شهر و بعدين حفلتين في الترم التاني و تدريبات بالهبل ناهيكي عن عدم وجود اي حصص للدين خالص و عايزة اقول حاجة ان حكاية مدرسة كويسة او وحشة ديه نسبية تختلف من شخص للتاني يعني انا كنت دايما بافكر ان عمر لازم يدخل مدرسة اسلامية عشان يكبر و حافظ الاذكار و يحفظ قرآن كتير عارفة الحاجات اللي كتير منا ماحدش قالوا عليها و هو صغير و على فكرة انا كنت في مدرسة راهبات من كي جي وان لحد ثانوية عامة و بعدين دخلت جامعة الازهر كلية اللغات و الترجمة الفورية يعني تقدري تقولي شوفت كل التيارات: الراهبات و الازهر و المصرية و منارة الفاروق و صدقيني الخبرة علمتني ان اللي ولادنا بيتربوا عليه في الصغر بيفضل محفور في عقلهم لحد ما يكبروا انا لما دخلت الجامعة خدت وقت كبير عشان اعرف اقرا قرآن لاني العربي عندنا كان ضايع زائد ان طبعا حصة الدين بتتقلب
§ بصي الكلام ده و الله بقوله عن تجربة شخصية و لكن لا الزم به اي حد لكن حسيت اني لازم اقوله للامانة مش اكتر و اسفة لو كنت طولت عليكوا
§ و شكراً
§ الجزء التاسع ... (89) ... كوكي 5 .... السلام عليكم ام عمر
§ ومع احترامي الكبير لرايك بس انا ماشفتش ده حصل معايا ولا مع صاحبتي وبنتها في كي جي 1
§ مفيش حفلات بالشكل الرهيب اللي بتقولي عليه ...حفلات اعياد الميلاد مش كل شهر ولا حاجة هما بيجمعوا كل الاطفال اللي عيد ميلادهم في الترم الاول وبيعموا حفلة واحدة لهم وفي الترم التاني لباقي الاطفال واحدة وبس كدة
§ وفي حفلة بتكون يوم في السنة بتبقي حفلة تنكرية والاطفال بيلبسوا فيها ازياء خاصة بمحافظات مصر وبس
§ مفيش حفلات تانية ولا اي حاجة ...بيكون في يوم رياضي وده بيتعمل في اغلب المدارس
§ الجزء التاسع ... (90) ... أم عمر .... بصي يا كوكي صدقيني ده مش رأي ده اللي كنت باشوفه هناك لما كنت بشتغل مدرسة في الكي جي في المصرية اللي في التجمع و قلت برضة ان الكلام ده كان موجود من عشر سنين و صدقيني انا ماعرفش في اللحظة ديه حالهم بقي ايه لكن انا كنت باحكي عن تجربتي داخل المدرسة و انا كان كلامي عن الناس اللي بتدور على مدرسة اسلامية و قلت انه ماينفعش ان المصرية نعتبرها مدرسة اسلامية و برضة كمان موضوع مدرسة حلوة او وحشة ديه حاجة نسبية ممكن انا اشوف المدرسة و يبقي لي اعتبارات معينة او معايير بدور عليها ملاقيهاش في مدرسة و الاقيها في مدرسة تانية و ممكن اللي يعجبني و مايعجبش غيري بس و اسفة على الاطالة
§ شكراً
§ الجزء التاسع ... (90) ... ميس عصام .... بصي ياستي من سنه كده اتعرفت على واحده محترمه في المصريه عندها 3 اولاد ربنا يخليهملها........مش مدخلاهم معاها.........سالتها ليه؟
قالتلي رغم انها تعليميا حلوه قوي (بتتكلم عن مدينه نصر وفضول من صاحبتك سالت على التجمع قالتلي متتخيرش عنها)الا ان غير المصاريف العاديه بتاعتها مطلوب مني مصاريف رحلات واعياد ميلاد كل شهر واضربي ده في 3 اولاد فحولتلهم مدرسه تانيه......... انا يصراحه مش فاكره هيه مدرسه ايه
بس انا لما سمعت ده حسيت ان لو ربنا قدرني طيب ليه لا........
بس على فكره فيه ناس بترفض الاحتفال باعياد الميلاد من منظور ديني وده برده حريه شخصيه
§ الجزء التاسع ... (92) ... انناسه .... صباح الخير يا كوكي والله انا سمعت كلام كتير علي المصرية دي . جارتي ابنها فيها ومش مستريحة منهم وعاوزة تنقله الفاروق .
§ وواحدة صحبتي من النادي كانت بتشتغل مدرسة فيها (فرع مدينة نصر) وبتقول انها كانت ممتازة بس بعد ما فتح الانترناشونال نقلو كل المدرسين الكويسين في التجمع والمستوي هنا انحدر .
§ والله يا كوكي انا كنت نفسي ادخله فيها لانها لازقة في بيتي بس رفضت لسببين:
§ الاول لانها ابتدائي بس و بعدين لازم يروح التجمع وانا مش عاوزة ابعدهم اوى
§ الثاني بسبب اللي سمعته عن الفرق في المستوي بين الفرعين
§ وحسيت ان كلله محصل بعضه فاستخرت الله والحمد لله استقريت علي الرواد .
§ رد مع الاستدلال اضف الرد إلى الاقتباس المتعدد
· من أقوال المتقدمين للمدرسه:
§ (1) انا بنتي كانت بيبي كلاس لكن كانوا بيدوهم نشاطات كتيرة جدا وبيدوها واجبات من بعد الترم الاول واجبات بسيطة لكن كنت بحسها جاية فاهمة حتعمل ايه.
وهم التعامل معاهم جميل جدا. وبيهتموا بأدق التفاصيل ومنظمين جدا وبنتي ما شاء الله بتتكلم انكليزي كويس. يعني بتعرف تعبر كويس.
ولما رحت الاوبن داي حسيت ان الكل فاهمين وشاطرين.بعد كدة مش عارفة النظام لكن كل اللي شفتهم من الاهل شكروا لي جدا منها.
§ (2) المؤهل مش متاكدة منه بس ممكن اسال واقولك .....
§ الكلاسات للكى جى حلوة بس ابتدائى مقبولة...كتب الأنجليزى ليها 2 شريط كاسيت بس التيتشر انت وحظك فى منهم كويس اوى وفى لا .
§ الجزء الثامن ...(61) ... نشوى ... يا جماعه مدينة نصر واللى قدم فى المصريه واللى عاوز بس خايف من موضوع الدين المصريه مختلفش عليها اتنين وده من الحاجات النادره جدااااااااااااا
§ انا كمان لما رحت الانتر فيو كانت البنت هايله وسألتنى تحبى الانترفيو انجليش ولا عربى ومش هيأثر على النتيجه بعدها انا قلتلها بصراحه انتوا مدرسه هايله بس يعاب عليكم قلة الاهتمام بالدين وقلتلها انى جبت الكلام ده من النت قالتلى ان الدين قليل فعلا فى KG بس بعد كده حصص والاولاد بيحفظوا ادعيه واحاديث واذكار بس الـKG بيكون قليل علشان ميبقاش ضغط عليهم وقالت انها هتبلغ الاداره بالرأى ده ويحاولوا يعملوا حاجات اضافيه للدين معلش يا جماعه رغيت كتير بس كنت لازم اوضح.
§ الجزء التاسع ... (123) ... بنت مصر ... ازيك يا نوشا
مش أنا طمنتكم على المصرية قبل كده؟؟؟؟؟؟؟؟؟
هو صحيح الادارة ساعات يهتموا بالأنشطة أو الحفلات أوى,لكن صدقينى المدرسين بيعملوا اللى عليهم و زيادة شويتين....شرح و متابعة هوم وورك.....و الباقى على الطلبة بقى!!!!!
الجزء التاسع ... (124) ... بنت مصر ... بالنسبة للدراسة,فى ابتدائى بيبقى منهج الوزارة مع بعض الاضافات........ ماكميلان فى النجليش، بياخدوا ساينس من أولى، اللغة التانية من تالتة، غالباً الأولاد بياخدوا revision sheet على كل درس و بيتصلح طبعاً لو فيه طفل عنده مشكلة,سواء أكاديمية أو سلوكية, الادارة ببتابع مع البيت, و بيستدعوا ولى الأمر و يتابعوا معاه فى حالة الشكوى...طبعاً الموضوع بياخد حقه و لو الولد ليه حق,بياخده
لا احنا عايزين نبقى مع بعض باذن الله يارب يكون نفس اليوم واقابلك هناك واتعرف عليكى 
الروابط المفضلة