فعلا نوادي الجيش بتمنع دخول المنقبات او الرجاله اللي عندهم لحيه طويله

و بالنسبه للمدني غالبا السعر 60 جنيه

انا كمان عايزه اشترك لاولادي في الجمباز او الكاراتيه

رغن اني مشتركه في نادي بس مبارك احسن كتير


رانو

مواعيد التسجيل بتكون من الساعه كام

لاني الصبح بكون في الشغل

و ياريت تقوليلي النظام بالنسبه لابناء الظباط

و ازاي اعمل استمارات الاشتراك

كمان لو تعرفي اذا مسموح بدخول العجل للولاد في النادي ولا لأ

ام يوسف الامين

بالنسبه للرسم هما بياخدو من 6 سنين

و الدوره تبدأ من 20 يونيو وتخلص قبل رمضان

و السعر 120 جنيه للدوره كلها

موضوع ممناز لاهالى الاسكندريه
التعاون مفيش احسن منه
يلا خلينا ايد واحده و نساعد بعض
اندية الاسكندريه:
السباحة:
************ اماكن لا تحتاج لعضوية نادى( اشتراك صيفى)************
-كلية التربيه الرياضيه بنات فلمنج
-نادى الجامعه امام كلية الهندسه
-نادى الاتحاد
-كليةالزراعة
-كلية فكتوريا كوج فى فكتوريا سمعت فى ناس بتكون مجموعه و تأجر الحمام و المدرب وده كان السنه اللى فاتت
*****اسالى فى الالومبيى بيفتح اشتراك صيفى
ولله التوفيق

عايزه اعرف Hands ايه نظامه
اشتراكه كم, ايه نشاطه بالضبط,لو حد جربه حلو ولا وحش
بيعمل دورات رسم من سن كم
مدة الدوره قد ايه
يعنى كل حاجه عنه

السلام عليكم

على فكرة هاندز اللى أعرفة أن تقضى فية يوم واحد فقط كرحلة بيمارسوا فيها النشاط ورسم الدخول 25 جنية أبنى كان ذهب فيها رحلة مع المدرسة

اهلا رندا صالح اسفه على تاخيرى فى الرد عليكى شوفى يا ستى النظام فى الاشتراك فى السباحه بنسبه لابناء الظباط فى نادى مبارك
* اولا المواعيد لسحب الاستمارات للساعه 2 ظهرا
* الورق المطلوب لعمل الاشتراك البطاقه العلاجيه مجدده + صورتين شخصيتين لصاحب اللعبه ولكى اذا اردتى الدخول لعمل كارنيه لكى . واذا لم توجد بطاقه علاجيه او غير مجدده فتحضرى شهاده ميلاد الطفل وصوره من قسيمه الزواج
تسحبى استماره اشتراك من النادى واستماره لعبه استماره الاشتراك تملي بياناتها واستماره لعبه واستماره اللعبه تختم من المستشفى ثم تسلمى البطاقاتين فى المكتب وتاخذى وصل للعبه لحد لما الكارنيه يطلع وتعرفى مواعيد اللعبه
يارب اكون فدك يا جميل وربنا يوفقك واى سؤال انا فى الخدمه

ام يوسف ازيك ياترى عملتى ايه لابنك قدمتى له ولا لسه انا حبيت اطمن عليكى

شكرا ليكى يا راندا وعلى اهتمامك
وشكرا كمان لalex bird متهيالى جابت لنا كل اماكن تعليم السباحة فى اسكندرية
والف شكر ليكى يا رانو على سؤالك بس والد يوسف بش موافق ان خالته توديه وعايزنى اكون معاه وده بش حينفع طبعا لانى منتقبة
فى الغالب حسال تانى فى نادى الجامعة او نادى الاتحاد

ربنا يوفقك يا ام يوسف ويعملك الى فيه الخير

فى كمان لتعليم السباحه:
نادى الكشافه البحريه فى بحرى