السلام عليكم
الموضوع دة ممتاز وربنا يجازيكم كل خير
في مكان تانى الاخت رانيا كانت بتقول علية اسمة بيبى كافية.

يا ريت يا بوبوس تقولى لنا عبارة عن ايه بالضبط
ويا ريت حد يقولى على اماكن لتعليم السباحة

فى مكان بيقولوا ممتاز تابع لنادى الاتحاد والتدريب بيبقى فى كلية الزراعة وتقريبا ب250 أو أكثر قليلا فى الفترة من أول 6 الى نهاية السيزون تقريبا كل 3 شهور

وفى مدرسة أجيال بسمع أن فية نشاط رياضى حلو هناك

وهذا موقع المدرسة

http://agialschools.com/ar/

متشكرة ليكى جدا يا ام بيجاد

الزيك ياام بيجاد
انا رحت يا جماعة النهارده كلية الزراعة ولاقيت ان حجز تدريب السباحة
كان بدا من 1-4
الدورة 3 شهور من1-6الى31-8بمبلغ 310
المشكلة انى مالاقيتش مواعيد غير من 9-10 صباحا وطبعا مشكلة علشان الشغل
وانا هناك قلت اسال فى نادى الاتحاد قالولى انها حتبدا فى 15-6 ولسه مافيش اى تفاصيل تانية
يا ريت لو حد يعرف حاجة عن دورات الاتحاد السكندرى يقولى يا جماعة

كتبت بواسطة ام يوسف الامين

متشكرة ليكى يا سلمى جدا
انا كمان نفسى يا جماعة اودى ابنى يتعلم سباحة
لو حد يعرف اماكن كويسة يقولى وجزاكم الله كل خير

انا ان شاء الله هشترك لولادي في نادي مبارك اللي في سموحه

سباحه و في نشاطات كتير رياضيه جمباز و سله و يد

اسعاره معقوله بالنسبه للضباط لان ليهم تخفيض

بالنسبه للمدني اعتقد السعر اغلي بس مش كتير

ممكن اسأل و اقولك

انا كمان سجلت للولاد في كليه الفنون الجميله

تعليم رسم

الدوره ب 120 جنيه هتبدأ في شهر يونيو لمده شهرين ونص

بس لو تحبي الحقي قبل ما يغلقوا التسجيل

شكرا لكى يا راندا وجزاكى الله كل خير
ولوفيها تعب ليكى ممكن تقولى لى مكانه فين فى سموحة بالضبط وانا اروح اسال
وبالنسبة لتعليم الرسم هو السن من كام لان انا عندى يوسف اربع سنوات ونصف هل ينفع اوديه

مرسى يا سلمى على المعلومه حقيقى هحاول افيد بنتى بيها انشاء الله وربنا يوفقك وياريت لو عندك اماكن تانيه تعرفيها ياريت تقلولى عليها وانا شوفت كافيه اسمه كافى بيبى للاطفال من سن 3 سنوات وفيها تلوين وبازل ومكعبات ورسم وتلوين وصلصال وافلام كارتون على الكمبيوتر ولعب جيم على الكمبيوتر وبلاى استيشن بس بصراحه انا مدخلتوش انا شوفت الاعلان بس بصراحه شدينى لانه جديد فيعتبر برده فكره جديده وجميله ومسليه جدا للاطفال

يوسى ماس فاشل نظام لسحب الاموال بحجة التعليم
انا جربته مع اولادى 3 كورسات والاخر وقفت ملقتشى اى افادة
فى الاول كان حلو وحسيت الولاد استفادو بعد كده حسيت انهم بيكرروا بس بسكال اكبر شوية و بيمطوا اوى فى الكورسات
الاخر ملقتشى استفادة
هما قاعدين بقالهم سنة ومش فاكرين حاجة عنه ولا استفادوا فى الدراسة

المس بتعاتهم كانت بتقول مش هيبان التاثير غير بعد 8 كورسات
طبعا تهريج

اسامة انور عكاشة اتكلم عنه فى العاشرة مساء
زم فيه لان احفاده كانوا بياخدوه

كتبت بواسطة ام يوسف الامين

شكرا لكى يا راندا وجزاكى الله كل خير
ولوفيها تعب ليكى ممكن تقولى لى مكانه فين فى سموحة بالضبط وانا اروح اسال
وبالنسبة لتعليم الرسم هو السن من كام لان انا عندى يوسف اربع سنوات ونصف هل ينفع اوديه

موجود خلف سوبر ماركت خير زمان

اسمه نادي مبارك للقوات المسلحه

انتي بس روحي سموحه و اسألي عنه

الف مين هيقولك مكانه