كتبت بواسطة kouky5

كرانكي
انا ابني برضه في فرع مدينة نصر ...بس عايزة اسالك اذا كنتي تعرفي حد في المصرية انترناشونال امريكي او بريطاني هل ال ناشونال افضل ولا احوله السنة الجاية انترناشونال؟؟ يعني يا ريت المميزات والعيوب حتي لو من وجهة نظرك ..وسؤال تاني بعد اذنك معلش هتعبك معايا انتي دخلتي ابنك ايه من الانشطة لاني اسمع انهم بيخيروكي ما بين كذا نشاط فانتي اختارتي ايه وليه محستيش ان ابنك استفاد منه...واسفة علي الاطالة

انا آسفة جدا منتبهتش لتعليقك يا كوكي انا للأسف معنديش فكرة خالص عن الأنترناشيونال
بالنسبة للرياضات هو اشترك في كرة القدم و كرة السلة - هو نشاط واحد في الشهر - جربنا ده و ده و هو حاليا في كرة السلة و ابني مستفدش لأنهم مش بيتعلموا حاجه جديدة يعني فريقين و الولاد تلعب مع بعض و خلاص و ساعات بيروحوا يلعبوا في الالعاب بتاعة كي جي مرة واحده او مرتين اللي اخد تدريب بجد أحيانا كان بياخدو تمارين - زي حصة الرياضة العادية- و بعد كده يلعبوا مع بعض لكن مش بيتمرننوا يعني هي عايزه واحد بيلعب الرياضة دي في نادي فحابب يشترك فيها يلعب زيادة لكن مش حيتعلم حاجه جديدة
هي الأنشطة الموجودة كاراتيه و قرآن و كمبيوتر - صديق ابني مشترك فيه عشان بيقعدوا يلعبوا طول الوقت - و موسيقى دول اللي فكراهم بس و لو افتكرت حاجة تانية حقولك

ازيكم يا جماعة الموضوع جامد جدا بس للاسف كل المدارس اللي بتتكلموا عليها في القاهرة انا من الاسكندرية مفيش حد يفيدني في مدرسة بنات فقط لغات تكون حلوة

كتبت بواسطة سمسمة المسمسمة

شكرا كرانكى على ردك احنا كلنا فى نفس المشكلة انا اهم حاجة عندى انا عايزة اعرف مستوى الدراسة واللغة فى مدرسة سوبر جلوبل ولو ممكن تعرفلى اسم منهج الانجليزى ولو صحبتك عارفة مستوى المدرسة للسنين الاكبر اية اخبارها وتتاكديلى من حكاية فلوس النشاطات اكون شاكرة ومعلش كمان لو ممكن تعرفلى بيخدوا عربى ولا مفيش اهتمام بية وانا كمان بفكر انى ادخل ابنى سيمى انترناشونال بس اللى عرفتة انة عبارة عن منهج الناشونال بس مادة الانجليزى بتاعة الانترناشونال عايزة اعرف انا كدة فاهمة صح ولا لا
واية هو نظام اليوسى ماس
بالنسبة بقى للمدارس فى الامارات هى الاسعار فعلا غالية ودة سبب من اسباب نزولى لمصر
لو عايزة اى معلومات قوللى انتى هتكونى فى اى امارة وانا ااقولك افضل المدارس لانى بقالى فترة متابعة موضوع المدارس هنا اى استفسار انا ان شاء الله افيدك
وكمان فى موقعين كويسين هقولك عليهم
مفيد اوى
http://forum.uaewomen.net/showthread.php?t=34455
http://www.3roos.com/forums/t247391.html

سمسمة المسمسة صحبتي معجبه بالمدرسة جدا و عندها اولاد اصحابها كبار و بيشكروا في المدرسة جدا
النهاردة و بكرة أجازة عند زوجها كل سنة و انت طيبة فهي مش بترد على التليفون فحرد عليكي في أسئلتك ان شاء الله بعد بكرة - انا حبيت اقولك عشان متفضليش مستنياني - بس طبعا هما بياخدوا عربي و عربي كويس عشان هما مدرسة تتبع منهج اسلامي فإهتمامهم بالعربي و الدين ممتاز
بالنسبة لليو سي ماس دا موقعه تقدري تقرأي كل حاجه عنه كمان هو موجود في الأمارات
http://www.ucmasegypt.net/
بالنسبة للأمارات انا في ان شاء الله حكون في الشارقة و انا عضوة في المنتديين اللي انتي بعتاهملي و قتلت الدنيا بحث على النت بس المشكلة في الغلاء غير الطبيعي دا حاجه غريبة اوي

(سؤالى هو حد يقدر يفيدنى فى New Ramsis Colleage اللى هى فى غمره بس المشتركه مش البنات بس؟ يعنى مميزتها عيوبها او المصاريف لانى كمان سمعت ان الدخول بواسطه و هل دا صح ولا غلط؟وطبعا نظام التعليم عندهم؟ )

الاخت نور
بالنسبة لسؤالك عن New Ramsis Colleage مصاريفها 4 و نصف بدون الكتب و الباص بس لو عايزة رايى لو لبنت يبقى Ramsis Colleage احسن طبعا

Mamy Heba ميرسى على ردك واهتمامك هى بنت وعاجبنى رمسيس جدا بس كلو بيخوفنى انها بواسطه والمشكله ان باب التقديمات عندهم متأخر جدا فى شهر 6 ودا طبعا هيأثر على اى مدرسه تانى بقدم فيها, هشوف لسه لما اروح المصريه على حسب وقت ما يردوا عليا.
حد يا جماعه سمع عن طفل اذا قدراته ممتازه انه ممكن يدخل kg2 على طول بدون مل يمر بمرحله kg1 ؟

شكرا لكي كرانكي ..جزاك الله كل خير وبارك لكي في اولادك
وكل عام وانتم طيبين جميعا بمناسبة المولد النبوي الشريف

ramses colleage افضل بكتير من new ramses colleage

مساء الخير KOUKY5
انت بتقولى RAMSIS COLLEGE احلى علشان يعنى بنات بس وراهبات ؟ ولا تعرفى حاجه عن NEW RAMSIS؟
انا محتاره لانها بعيد وانا فى مدينه نصر
كل سنه وانتم طيبين جميعاٌ...

كل سنة وانتم بالف خير

كتبت بواسطة سمسمة المسمسمة

ممكن لو سمحتوا تساعدونى انا حاليا فى الامارات ونازلة قريب علشان ابنى هيدخل المدرسة وعايزة اختارمدرسة حلوة بس فيه شوية حاجات مش عارفها
انا قريت التلات اجزاء صفحة صفحة وقدرت اعرف افضل مدارس من وجهة نظرى بس مش عارفة اختار بينهم ومحتاجة رايكوا ضرورى
وعندى شوية استفسارات

-انا عاوزة احسن مدرسة فى منطقة المريوطية او المعادى او الهرم
-ممكن توصل المصاريف 15.000

1- عاوزة اعرف النظام الناشونال افضل ولا السيمى انترناشونال ولا الانترناشونال ولية؟
2-نظام الانترناشونال والسيمى انترناشونال فية اهتمام بالعربى والدين ولا لا؟
3- نظام السيمى انترناشونال هو عبارة عن منهج الناشونال بس مادة الانجليزى بنظام الانترناشونال صح كدة ولا اية
4-عاوزة اعرف سن دخول المدرسة فى مصر يعنى ممكن ابنى يدخل بيبى كلاس وهو عمرة3.10سنين ويدخل كجى1 وهو4.10
ولا لا
5-ممكن لو دخل نظام سيمى انترناشونال ممكن يحول بعد كدة للناشونال

عايزة ارتب المدارس دى من الاحسن للاسوء ورايكوا فى كل واحدة
-بالنسبة ليا انا اقرب مدرسة منى هى ايجيبت دريم اللى فى منيل شيحة رايكوا اية فيها والمنهج ومستوى اللغة بس لو فى افضل منها يكون احسن
المدارس اللى عاوزة رايكوا فيها هى
1-new horizon,ومصاريفها12.000او 13.000 ناشونال وانترناشونال

2-knowledge valley مصاريف11.600+2300باص انترناشونال

3-ايجيبت دريم منيل شيحة 6.000+1200باص ناشونال

4-سوبر جلوبل13.000+7.000انشاءات سيمى وانترناشونال

5-علوى 6.700+1.700باص مش عارفة نظام الدراسة

6-دايموند مش عارفة

7-رويال هاوس اكاديمى 5000+1000باص مش عارفة الدراسة

8-البشاير مش عارفة

9-نارمر المعادى10.000ومش عارفة النظام
10-مودرن نارمر الدقى مش عارفة

-ممكن تقولولى على الاسعار والانظمة اللى مش عارفها
-وعايزة اعرف رايكوه فى ايجيبت دريم لانها اقرب واحدة
-وعن سوبر جلوبل ورايكوا فيها والمنهج والدراسة واللغة وهل النشاطات اللى فيها ليها رسوم لوحدها ولاضمن رسوم المدرسة
والنبى ساعدونى انا بقالى عشر ايام ما بنمش وانتوا بس اللى هتقدروا تساعدونى
انا عارفة انى سالت كتير بس كلها اسئلة مهمة عايزة اعرف كل حاجة علشان اختار صح
لو سمحتوا رتبولى المدارس وقولولى لو انتوا مكانى هتحتاروا اية
اى حد عندة معلومات يرد عليا وخصوصا
ايمو
ام مريم 2008
merehan
bent masr
لخبرتهم الواضحة والف الف شكرررررررر

اختى ميريهان انا عاوزة اعرف شوية حاجات عن نظام الدراسة فى مصر ودة فى اللى موجود فى اسئلتى وكمان عاوزة ارتب العشر مدارس دول من الافضل للاسوء علشان اختار منهم اسفة على ازعاجك وكل سنة وانتى بالف خير