داخل مكتب عبدالله السنوسي
للبحث في شبكة لكِ النسائية:
|
داخل مكتب عبدالله السنوسي
[CENTER]حابة نوجه شكر لبنات بلادى اللى كان ليهم الفضل لوجود موضوع ثورتنا
فى بداية الاحداث من كتر مانشوفوا من مناضر مؤلمة فى النشرات الاخبارية
بصراحة مرضت وكل يوم عياط واكيد مريتوا كلكم بهذه الحالة لحد ما زوجى قالى
معادش تشوفى النشرات وكل مايجى وقت النشرة يلزنى من خوفه عليا خخخخخخ
المهم فى هذه الحالة توجهت الى النت وخشيت لمنتدى لك مع انى من فترة قاطعة النت
لقيت موصوع فى المجلس العام على ثورتنا العظيمة ولقيت بصراحة الاخبارتنقل مباشرة
ما شاء الله على البنات يعنى الواحد يخش يقراء من غير مايتعب ويدور فى المواقع الاخرى
وفى هديكا الفترة كانت حالتى حالة مجرد نخش نقرا وبس ولقيت اخبار تفرح ومرات فى اخبار كانت محزنة
ومرات نلقى تعليق من البنوتات ضحكنى ربى يحفظهم وكانوا ينشروا فى الاخبار ويدعوا لنصرة الثوار
وقلت بينى وبين نفسى علاش مننضمش ليهم ونشارك بالدعاء للثورة والثوار وطبعا انضميت للثوار هههه
ورحبوا بيا الله يسلمهم وكل ما تخش وحدة جديدة يفرحوا لانضمامها
المهم شكلى طولت عليكم بس حبيت نشكر هالبنوتات اللى كانوا متواجدات من بداية الاحداث ويوميا وكانوا
يتعرضوا من بعض الطحالب للشتم والتهديد
فالشكر للاخت رواد وهى صاحبة فتح الموصوع ولظروف خاصة بيها توقفت ولكن سلمت الموضوع
[SIZE="5"][COLOR="Indigo"]لايادى امينة واستمروا فى فتح الموضوع الى هذا اليوم وان شاء الله يستمر الى ان يقضوا ثوارنا على الطاغيةE][/C
فشكرا لكم جميعا اخواتى
بعيدة عن اهلى وقريبا تكونى قريبا من اهلك
معتربة 7 وقريبا تكونى فوجودة فى البلاد
ملكة الرومنسية انت يارومنسى
ملكة بنقابى
سمية ربى يطمنا عليك ياسومة
مصراتة زهرة المدائن ربى يطمنا عليك انت وسومة ماشاء الله عليكم شجعان قررتوا فى اصعب الايام
ترجعوا لمصراتة الصمود ربى يحفظكم
ولا انسى ان اشكر اخوات عربيات ساندوا ثورتنا من بداية الاحداث وبالاخص اختنا
الانصارية بارك الله فيها
نور الهدى فى البداية اعتقدت انها ليبية من كتر ماكانت تدافع عن الثورة والثوار بارك الله فيها
وان شاء الله ينصر الشعب السورى على الطاغية بشار
بارك الله فيكم جميعا وجزاكم الله عنا كل خير[/SIZ
وإذا عصيت فتب لربك مسرعا حذر الممات ولا تقـل لـم يـان
وإذا ابتليت بعسرة فاصبر لهـا فالعسـر فـرد بعـده يسـران
سأبقى ليبي حتى ألبس الأبيض تحت التراب
لـولا خـوفـي مـن الـرحـمـن وخـوفـي مـن الـنـيـران
لـجـعـلـت حـب ليبيا سـادس أركـان الايـمان
اقـــولـهـا بـكـل اقـتـنـاع
عـرض وطـول وارتـفـاع
...هـذا صوتي حتى موتي
ليــــــــــبي حــــــتى النُــــخَــــــــــاع
طرابلس يا زهوة الخاطر......
و هواك العاطر.....
و غيمك الماطر.....
زادك بهاء و حسنة.....
طرابلس يا سمحة.....
...يا عروس البحر فوق راسك تاج و طرحة.......
و كل من جاك مجروح يبراء جرحه.....
طرابلس يا غزالة.......
كل من شم عبيرك أتبدل حاله.......
صدح البلبل شذي بمواله.....
من نسمة هواك يا طرابلس......
طرابلس و بحرها.......
و سحر ليلها و قمرها.....
أية من جمال آلله رسمها.......
طرابلس يا سكرة....
يازهرة مفتحة و معطرة.....
و جهادك الباسل التاريخ مسطره...
يـــــــــا طـــــــرابلس رانـــــي عليــــــــــكـ انســــلم ...... سالن دمووعى قـــبــــــل مانتكلم ........ يــــــــا طــــــرابلس رانـــــــي عليــــــكـ امرايــــــف ......مشـــتاق لى آهلى رانـــــي عليــــــهم خاايـــــــــــــف
تعال إنظرهم يامختار<>تعال شوف أحفادك ثوار
صبو للقذافي بقوه<>وخشوله في وسط النار
تعال إنظر وايش دارو فيه<> الصهيوني كي برمت بيه
...
بعد ماتما الدور عليه<> وحق الليبيين أحرار
تعال شوف البيضاء وعربها<>وبنغازي وأسباب طربها
يخرب ولا مايخربها<> يلقا قداما ثوار
مفروضين عليه فريضه<>وحطمنا أعصاب وإنهار
شوف وبحت ياما تلقى<> وريت الشرقاويه واجد
فيه اللي مات وهو ساجد<>وبدما يغسل في العار
لو كان تشوف الرجاله<> امشرق وامغرب صباله
وخلو القذافي في حاله<> يصفق في ايديه ومنهار
الله ياشجونة كلامك بكاني ودكرني بهديكة الايام
ودكرني باحلى بنات بسلامة الجميع
استاحشت سمية ومصراته الغاليات ونور الهدى
والله كانت اصعب ايام حياتي لكن مع خواتي كنا نساندوا فى بعض ونقيموا من معنويات بعض
ههههههههه فى العراك كنا مع بعض
الشكر ليك يا حبيبة ولى لجين وام تقى وحواء كلامكم كان بلسم لينا
وام الجميلات الى كانت معنا فى اول موضوع وكانت شجاعة
وكل حرة كتبت كلمة حق فى وقت صعب
ونشكر الغالية المطمئنة كانت نمودج من الصبر ودائما لما تعلق معنوياتي ترتفع فوق
وكل حرة انضمت فى الوقت الحالي ,,,
ربي ينصرنا يارب
اللاعب طارق التايب فعلا لااعب يحساب زي مايلعب بالكوره يلعب بينا
مره اتحب امعمر ومره تكره مش زي ماتبي لكن اراك مش حر
حتى التصريح الاخير ايحاول ياخد موقع الهجوم مش الدفاع
آخر مرة عدل بواسطة omsuma65 : 26-08-2011 في 12:39 AM
الروابط المفضلة