السلام عليكم
ابنى بدادراسته لاول مره منذ اسبوع( KG1)

المشكله ان لديه فروض مدرسيه يوميه
كعمل خطوط افقيه او راسيه او مائله
وهو لا يريد ان يمسك حتى القلم
فما الحل معه علما باننا لم ناخذ اى حروف بعد
فماذا سيفعل حينها
وماذا سافعل معه
لا اخفى عليكم انى اضربه ثم اندم نفسى
حاولت معه بالترغب ٍ (سألعب معك 00000 سأعطيك شيكولا 00000

ولا فأئده
ارجو المشوره بارك الله فيكم

يا بنات فيدونى
؟؟

ربنا يخليهولك ويهديهولك ياجمانه
انا راى حرام فى السن ده يتضرب علشان مايتعقدش من المذاكره ويحس انها سبب اذيته
كمان ممكن تبداى معاه ببرامج تعليميه على الكومبيوتر علشان تجذب انتباهه وتحببه فى المذاكره
زى الفايل ده اخت نزلته هنا فى المنتدى واستفدت منه كتير مع ابنى ماشاء الله
http://www.lakii.com/vb/showthread.php?t=632008

حبيبتى اولا انا مستغربة ازاى بدأ دراسته منذ اسبوع واحنا فى اخر السنة الدراسية

على كل الاحوال
لازم تعرفى يا اختى ان فكرة الواجب المدرسى فى هذا السن الصغير هى فى الاساس فكرة خطأ
فى هذا السن لابد ان يكون التعليم كله عن طريق اللعب والمرح ولا يكون عندهم التزامات لان هذا طبيعة سنهم وهذا صحى لهم نفسيا
اما اننا نعتقد اننا لازم نلزمهم بواجبات علشان يعرفو الالتزام وال..... والحاجات الكتير اللى احنا بنقلها ده مش سليم
يبقى الحل انك تعلميه عن طريق اللعب معاه

يعنى علشان يعمل الواجب لازم يبقى بالنسبالة الموضوع ده زى اللعب
مثلا لو المفروض يعمل خط زجزاج
هتيله مثلا ورق ملون واديله قلم وامسكى انتى كمان قلم يلا وابتدولعب وشخبطة وسيبيه على حريته شوية وبعدين قوليله هاه تعرف تعمل كده وارسمى الشكل وهوه هيقلد لو رسمه صح ساعتها ترتاحى ليه لانك هتبقى اتكدتى انه اتعلم اللى انتى عايزاه يتعلمه كتبه بقى فى كراسة الواجب او مكتبهوش ده مش مهم
لكن برده الخطوة التانية تجبيله كراسة الواجب ويبقى جاهز جنبها الاستيكرز للشخصيات اللى هوه بيحبها وهوه فى مود اللعب قوليله يلقى بقى نرسمه هنا علشان نحط جنبه اللى الاستيكر ده وان شاء الله هيعمله
وبرده بنصحك انك تقوليله "يلا بقى ارسمه علشان نحط الاستيكر جنبه " ومتقليلوش "لو رسمته هديك استيكر" لان بكده هيبقه حاسس انه بينفذ رغبة ليكى وهياخد عليها حافذ لكن الصيغة الاوله هيبقى حابب انه يعمل الحاجه ديه علشان يكملها ويحط جنبها استيكر
وارجو ان شاء الله ان المشكلة ديه تخلص عندك سريعا والولد يبقى بيحب يلعب بكتابة الواجب

وانسى الضرب خالص ، لو معملش الواجب مش مهم ان شالله متعمل ، واعرفى ان فكرة الواجب هيه تكليف للولد باكتر مما يتطلبه سنه

اختى اولا لاتضربى الولد اطلاقا على اى واجبات فى السن دة ولكن حببية ورغبيه فى الدراسه عن طريق اللعب والرسم وافضل شىء هى الخطوط المطلوبة منة او بمعنى ادق الرسم على حريته فهذا يلين يد الطفل كى يستطيع بعدها مسك القلم صح والكتابة صح فدائما اعطيه كراسه رسم والوان خشبية وقوليلة تعالى نرسم مثلا بابا او ماما اووردة او اى شىء هو بيحبة واجلسى بجوارة وشجعيةولا تمسكى يدة ولا تنسى انة سوف يرسم الاشياء من وجهة نظرة يعنى هيشخبط ويقولك دة وردة قولى انتى حلوة هاكذا وارسمى انتى وقوليله شوف بتاعتى وهاكذا وربنا يعينك انشاء الله